Jump to content

المعادلة الاسترالية


  • You cannot start a new topic
  • You cannot reply to this topic
15 replies to this topic

#1
dr_ahlawy

dr_ahlawy

    لا اله الا انت سبحانك اني كنت من الظالمين

  • Honorable Medadian
  • 3363 posts
  • 154 topics
  • Year:General Practitioner
  • Gender:Male
بسم الله الرحمن الرحيم

دي يا شباب خبرة احد الدكاترة المصريين مع المعادلة الاسترالية : طريقة التسجيل والورق المطلوب

هو كان كتبها على هيئة مشاركات وانا جمعتها ونسقتها لكم فى مشاركة واحدة للتسهيل

Posted Image

السلام عليكم


: لماذا استراليا :

لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء
وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.

Posted Image

التسجيل:

هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه ,

طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين نظري (mcq ) وعملي

كيف يتم التسجيل هذا هو الي اشرحه لكم حتي لا توجد اخطاء وتاخير حتي لا يحصل كما حصل معي .

اول حاجه تروح للموقع بتاعهم وهو
www.amc.org.au

بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي ,

طيب ازاي اتعمل ماستر كارد او فيزا كارد .

لو رحت لاي بنك في مصر ايقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما

وديه ب12 جنيه وبعد كده ضع فب المبلغ اللي يناسبك,

و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف

, وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط .

بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,

بعد كه اتروح للصفحه التاليه وهي بتاعت اثبات الشخصيه الخاص بك , وبسبب اخوانا الهنود اللي بيقدموا شهادات مزوره , استراليا عامله شروط علشان تتاكد من شخصيتك مطابقه للي موجود في الشهاده ولا لا

وهي كالاتي , عامله 4 فئات , الفئه الاولي 70 نقطه , الفئه الثانيه 70 نقطه , الفئه الثالثه 40 نقطه ,الفئه الخامسه 25 نقطه , سيادتك مفروض

يكون عندك اكثر من 100 نقطه , ازاي

الفئه الاولي ب 70 نقطه وهي يكون معاك تسجيل طبي من اي ولايه استراليه . حضرتك طبعا مش معاك

روح للفئه التانيه وهي ب70 نقطه ايضا وهي و يكون معاك جواز سفر او شهاده ميلاد بالانجليزي , طبعا انا اخترت جواز السفر ليه و لانهم بيفضلوه ولانه في صورتك ,

ومكتوب بالعربي والانجليزي , اذا كده انت اتختار جواز السفر وكده ايكون عندك 70 نقطه

روح للفئه التالته ب 40 نقطه وهي يكون معاك بطاقه هويه استراليه او بطاقه موظف استراليه او معاك شهاده امتحان ايلتس ويكون فيها بياناتك علي فكره تكلفه امتحان الايلتس 750 جنيه مصري سيبك من الفئه ديه

روح للفئه الرابعه وهي ب25 نقطه , اذا كده لازم يكون معاك حاجنين منها علشان يكونوا ب50نقطه + 70نقطه بتاعت جواز السفر وكده يكون عديت ال100 نقطه , الفئه الرابعه فيها ايه , اقول لك كارد بنك زي الفيزا (25 نقطه) اللي عملتها ورخصه قياده دوليه (25نقطه)

طيب انت معاك رخصه مصريه ,تعمل ايه , روح للاداره العامه للمرور عند جامع رابعه وروح قول انا عاوز شهاده تحريات للرخصه الدوليه , اتاخذها ببلاش وانت واقف ,

بعد كده روح لنادي السيارات اللي في وسط البلد في شارع قصر النيل واديهم شهاده التحريات +صوره من الرخصه بتاعتك وادفع 40 جنيه واتسلتم الرخصه بعد ساعه ,

وخليهم يكتب اسمك بالانجليزي بالضبط حرف حرف زي اللي انت مسجله في جواز السفر وشهاده التخرج بتاعتك . اوعي اوعي اوعي يكون اي حرف من اسمك في الاوراق اللي تقدمها متغير ولو حرف واحد

طيب افرض انت مش معاك رخصه تعمل ايه , في الفئه الرابعه ايضا ممكن تسجيل مزاوله المهنه ب25 نقطه , بس يكون مترجم , علي فكره فيه حاجات كتير في الفئات الاربعه

, بس هم مش بيقبلوا من غير الاسترالين غير ده فقط وممكن انت تتاكد وترسل ليهم وتسالهم,

بعد كده اتروح الصفحه الاخيره وهي بتاعت الدفع , والدفع عن طريق اما ماستر كارد او فيزا فقط والرسوم 110 دولار استرالي ( الدولار النهارده ب3.65 جنيه مصري ) بعد

ما يتم الدفع عن طريق النت , اتوصلك رساله في ايميلك وهي applicationبالاضافه لورق فيه الحاجات اللي مطلوبه منك توثقها من السفاره , الورق ايه هو , يعني انت مثلا

اخترت جواز السفر , والرخصه وكارد بنك لاثبات الشخصيه, الورق ده مطلوب منك توثقه من السفاره , ازاي , اصبر .

وتلاقي ايه تاني في الورق , اتلاقي ورقه عباره عن تصريح منك علشان المجلس الطبي الاسترالي يرسل شهادتك الي امريكا الي اتحاد كليات الطب العالميه علشان يتاكد من ان كليتك معترف بيها

وعلي فكرة كل كليات طب مصر معترف بها , ومعني ان كليتك معترف بها , مش شرط علشان تمارس المهنه في استراليا , لا هم عاوزين يتاكدوا من كليتك دراستها محترمه شويه,
كده خلصنا مرحله التسجيل عن طريق النت , وده ثلث الطريق ,


Posted Image


الجزء التاني, وده مهم جدا جدا وعاوز كل واحد يركز فيه, بسم الله نبدا .
بعد ما تسجل في الموقع , اتجي رساله ليك في ايميلك , عباره عن ملف pdf يتكون من 4 ورقات

الورقه الاولي عباره عن رقمك في المجلس الطبي الاسترالي وبياناتك اللي انت سجلتها والاوراق المطلوبه منك توثقيها في السفاره وعنوانهم اللي اترسل الورق عليه سواء ارسلته ببريد عادي, وعنوان اخر لو ارسلته ببريد خاص زي ارامكس

توضيح اكثر:
الورقه الاولي
فيها اسمك اللي انت سجلته وكليتك وسنه تخرجك ورقمك في المجلس الطبي (تحفظه) وفيه الحاجات المطلوبه منك ترسله وتكون موثقه وهي شهادة التخرج

(وهي لازم تكون باللغه العربيه ومرفق ترجمه ليها من مكتب ترجمه معتمد ليهم, مش تذاكي وتخلي كليتك طلع شهادتك بالانجليزي ,هم عاوزين الشهاده الي كليتك بطلعها سواء بالعربي او الهندي ولو فيه ترجمه مش يكون من كليتك , يكون من مكتب ترجمه محايد )

والحاجات اللي انت اخترتها علشان اثبات الشخصيه وهي جواز السفر ( بالنسبه لجواز السفر تصور كل صفحتين مع في ورق واحده ( مش وش وظهر )وهم كالاتي الصفحات 2 و3 مع بعضهم في ورقه واحده والصفحات 4 و5 مع بعضهم في ورقه واحده والصفحات 6 و7 مع بعضهم في ورقه واحده
طيب حد يسال ليه ده كله , الصفحات 2 و3 فيها بيانات الجوزار وتاريخ صدوره وانتهاءه , 4 و5 فيه اسمك بالانجليزي والعربي وتاريخ ميلاده وعنوانك وصورتك , الصفحه 7 ليه لان فيها حاجه اسمها توقيع حامل الجواز وديه سيادت لازم توقع في الجواز في الحته ديه ليه لانك في الورقه الثالثه فيها خانه لتوقيعك ولازم يكونوا زي بعض. ده بالنسبه للجواز )

اثبات الشخصيه التاني فيه ناس اختارت الايلتس وده ب 40نقطه تاخذ صوره من النتيجه وتوثقها وفيه ناس اختارت زي الرخصه الدوليه (25نقطه) وبطاقه البنك (25 نقطه) ,

بالنسبه للرخصه الدوليه تصور الصفحه اللي فيها بياناتك وصورتك بالانجليزي والصفحه اللي فيها اسم الرخصه ونادي السيارات وديه بالفرنساوي والانجليزي, وبالنسبه  لبطاقه البنك

تروح تصور وش البطاقه اللي فيها اسمك بالانجليزي وظهر البطاقه علي نورقه واحده مع بعض , يعني الوش فوق والظهر تحتها,

ومطلوب منك تاني 4 صور حديثه مش يكون مر عليها اكتر من سنه وموثقه من السفاره , لما تروح تصور خليهم في ستوديو التصوير يضعه تاريخ علي الصوره , انا ارسلت 6 صور.



الورقه التانيه فيها بيانات تسجلها وهي اسمك الاول والاوسط واسم العائله وتاريخ ميلادك , كلام كله سهل وواضح


, الورق التالته وهي المهم عباره عن توكيل او تصريح منك ليهم علشان يرسلوا شهادتك لامريكا علشان يتاكدوا من كليتك معترف بيها

هتاخذها معك السفاره ومش تكتب فيها اي حاجه , تعطيها ليهم وهم ايكملوا بياناتها ويخلوك توقع امامهم ولازم لازم يكون توقيعك زي الجواز

الورقه الرابعه للضرايب وديه تحتفظ بيها عندك او ترسلها مش مهم . وفوق ده كله مطلوب منك ترسل 4 صوره موثقين , انا ارسلت 6 احتياطي. خلي بالك كل ورقه ترسلها او صوره لازم تكون موثقه

ده الحاجات المطلوبه منك اتروح بيها للسفاره في مركز التجاره العالمي الدور 12 يوميا من الساعه 9 الي الساعه 10.30 صباحا فقط وتوثق , كل التوثيق مجانا , بس خذ بالك لو ورقك 10 ورقات او زاد مش اتاخذ الورق في نفس اليوم , اتدفع حوالي 40 جنيه لشركه TNTوهي اترسله ليك بعد يوم , يومين , اسبوع انت وحظك , وفرع الشركه ده اتلاقيه موجود في السفاره,

بعد كده
سيادت عاوز ترسل الورق استراليا , عندك شركات شحن زي fedex < dhl > aramex كلهم باسعار حوالي 300 جنيه تقريبا ويوصلوا في 3 ايام , المبلغ كبير , تعمل ايه , اعمل زي , بعد ما تخلص السفاره روح البريد المصري الفرع الرئيسي اللي في العتبه ,تدخل القاعه وترسله , فيه نوعين من البريد سريع وده ب140 جنيه وايوصلك بعد 3 ايام , وفيه بريد مسجل , روح البريد المسجل , وده ايوصل بعد 8 الي 10 ايام ومضمون , بكم , 25 جنيه بس , يا بلاش , ربنا يخلينا الدعم.

ملحوظة

Quote

امتحان الـ oet يغني عن الـ ieltٍٍٍs و اسهل منه كتير بس مكلف
حوالي3000 جنيه مصري

Posted Image

الجزء الثالث. بعد سيادتك لما ترسل الورق لتجي رساله لك في ايميلك بعد حوالي اسبوع , تقول لك سواء ورقك كمل او لسه ناقص, لو ورق ناقص يقول لك الورق المطلوب والرسوم نظير خطئك وترسله لهم , اما لو ورقك كامل يقولوا لك , ويقولوا كمان ان ورقك ارسلوه امريكا , بعد كده سيادتك تنتظر حوالي شهر او شهرين لحد ما يردوا عليك , ان ورقك تم اعتماده وانت اصبحت ميه ميه

بعد كده اتختار ميعاد الامتحان اللي ايناسبك سواء عاوز تمتحن في استراليا او خارج استراليا

بالنسبه لداخل استراليا الامتحان بيتم في 9 مدن كبيره هناك

اما خارج استراليا فيه مدن رئيسيه ثابته وهي لندن ,هونج كونج , استطنبول , واشنطن .نيودلهي . وفيه مدن بتتغير حسب الطلب من تلك الدول

يعني مثلا كان في سنه 2008 الامتحاب بيعقد في 4 مدن في منطقه الشرق الاوسط , وهي القاهره , الرياض , دبي , عمان. سنه 2009 وجدوا ان الطلب من تلك المنطقه قل كتير , فعملوها في مدينه واحد فقط وهي , تل ابيب. والله في اسرائيل

بعد ما سيادتك تسجل وتختار ميعاد الامتحان والمكان ايجي لك جواب في ايميلك , تاخدوه وتروح السفاره وتاخذ التاشيره , نوع التاشير , تجاريه (مده قصيره)business visa(short stay) بعد كده تبدا تدور علي خطوط الطيران

بالنسبه لو انت نجحت في الجزء الاول , بتشتغل بيه هناك. وهناك عندهم حجز كبير ليه , لان دراسه الطب هناك مكلفة جدا

والحاجه التانيه عندهم الصحه من اولويات اي حكومه , علشان كده فيه مستشفيات كتيره هناك جدا

علي فكره مساحتهم اكتر من مصر 6 مرات وعدد سكانهم حوالي 33 مليون.

كده اكون قدمت ليكم كل شئ عن المعادله وبتجربه شخصيا لي


Posted Image

الموضوع منقول من د\احمد... طب مصر

بالنسبة للمعادلة الاسترالية

الفائدة الوحيدة ليها لو انت ناوي تشتغل فى استراليا

يقال ان فرص العمل الان جيدة فى استراليا ولكن بحلول 2012 -2015 هتقل الفرص جامد

بالتوفيق ان شاء الله

;)

Edited by dr_ahlawy, 12 February 2009 - 01:31 PM.


#2
Harmony is enough

Harmony is enough

    new Member

  • Members
  • 17 posts
  • 0 topics
  • Interests:Super Ahly supporter
  • Year:Sixth
  • Gender:Male
والله يا جماعه الواحد احتار بين البريطاني و السترالي عموما احنا شاكرين مجهوداتك في جمع البيانات دي

you can not die from exhaustion

but you can.....from pity


#3
dr_ahlawy

dr_ahlawy

    لا اله الا انت سبحانك اني كنت من الظالمين

  • Honorable Medadian
  • 3363 posts
  • 154 topics
  • Year:General Practitioner
  • Gender:Male

Quote

والله يا جماعه الواحد احتار بين البريطاني و السترالي عموما احنا شاكرين مجهوداتك في جمع البيانات دي

فعلا العملية محيرة

حضرتك بالنسبة للمعادلة الاسترالية فهي بتعملها علشان لو عايز تشتغل فى استراليا اما لو مش ناوي انك تشتغل فى استراليا يبقى ملهاش لازمة واعمل حاجة تانية ممكن تفيدك
زى الزمالة البريطانية او المعادلة الامريكية

وبالتوفيق ان شاء الله

#4
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male
موضوع اكثر من رائع

جزاك الله خيرا يا د.اهلاوي


وانا بصراحه من الناس اللي كانت مقتنعه وبشده بالمشوار الاسترالي لكن بعد ما صرفت نظر تماما عن السفر للغرب بدأت افكر في بائل اخرى

#5
Flying Eagle

Flying Eagle

    Medad Silver Member

  • Honorable Medadian
  • 3743 posts
  • 117 topics
  • Year:Sixth
  • Gender:Male
ربنا يكرمك د.اهلاوي

#6
Guest_Imhotep_*

Guest_Imhotep_*
  • -->
  • Guests
  • 154 topics
بجد مجهود رائع يا د.اهلاوي ربنا يكرمك
فعلا استراليا احد البدائل القوية المطروحة امام الاطباء الراغبين في السفر و استكمال المشوار الطبي خارج مصر
عموما كنوع من انواع المساعدة للراغبين في السفر لاستراليا
دا لينك لل
Australian Government , Department of health and Ageing
http://www.doctorcon...k-Finding-a-job
هتلاقي فيه عنوان اسمه
Work as a doctor in australia
اتمني انه يفيدكم

#7
dr_ahlawy

dr_ahlawy

    لا اله الا انت سبحانك اني كنت من الظالمين

  • Honorable Medadian
  • 3363 posts
  • 458 topics
  • Year:General Practitioner
  • Gender:Male

View PostSohaib_s, on Feb 12 2009, 08:49 PM, said:

موضوع اكثر من رائع

جزاك الله خيرا يا د.اهلاوي


وانا بصراحه من الناس اللي كانت مقتنعه وبشده بالمشوار الاسترالي لكن بعد ما صرفت نظر تماما عن السفر للغرب بدأت افكر في بائل اخرى

جزانا واياكم

طيب ما تقولنا ايه البدائل اللى فكرت فيها يا باشا  ;)

View Postsome one, on Feb 12 2009, 09:06 PM, said:

ربنا يكرمك د.اهلاوي

الله يخليك يا باشا

View PostImhotep, on Feb 12 2009, 09:31 PM, said:

بجد مجهود رائع يا د.اهلاوي ربنا يكرمك
فعلا استراليا احد البدائل القوية المطروحة امام الاطباء الراغبين في السفر و استكمال المشوار الطبي خارج مصر
عموما كنوع من انواع المساعدة للراغبين في السفر لاستراليا
دا لينك لل
Australian Government , Department of health and Ageing
http://www.doctorcon...k-Finding-a-job
هتلاقي فيه عنوان اسمه
Work as a doctor in australia
اتمني انه يفيدكم

الله يخليك يا ريس

وشكرا على الاضافة

#8
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male
هو مش بدائل هو بديل

الزماله البريطانيه

بس الاختيار ده على حسب ظروف كل واحد ودي انسب واحده لظروفي
;)

بكرر شكري للتوبيك الهايل

#9
Guest_Imhotep_*

Guest_Imhotep_*
  • -->
  • Guests

View PostSohaib_s, on Feb 12 2009, 10:18 PM, said:

هو مش بدائل هو بديل

الزماله البريطانيه

بس الاختيار ده على حسب ظروف كل واحد ودي انسب واحده لظروفي
;)

بكرر شكري للتوبيك الهايل


علي فكرة يا صهيب المعادلة الاسترالية مش بديل ابدا للزمالة البريطانية
يعني علي العكس الزمالة البريطانية شهادة قوية جدا و بتفرق اوي مع الحاصل عليها
يعني حصولك علي الزمالة البريطانية هايفتحلك كذا باب داخل استراليا نفسها و بتديلك فرص عمل و تدريب محترم هناك
اللي اقصده انك ممكن تروح استراليا و انت معاك زمالة هاتفرق اوي طبعا بس كده
:(

#10
Sohaib_s

Sohaib_s

    Night Walker before

  • Honorable Medadian
  • 4310 posts
  • Location:where I am now
  • Interests:Reading, basket, swimming
  • Year:General Practitioner
  • Gender:Male
معاك اوي يا امحوتب

بس فيه ملحوظه مهمه اوي ان اللي بياخدوا الزماله البريطانيه مش في مصر بس

عندنا يأجوج ومأجوج بتوع طب اللي هما الهنود بياخدوا زماله بريطانيه اكتر من المعادله الامريكيه

والدكاتره الهنود مش بيفضلوا الخليج كمكان للعمل كطبيب, عامل آه لكن طبيب لأ

فبالتالي حتلاقي هجوم كاسح على الفرص في الغرب سواء في بريطانيا او امريكا او استراليا من الناس دي

وبما ان بريطانيا بتقفل ابوابها في وش كل الدكاتره الاجانب بالعكس دي نفسها تقلل الاجانب اللي عندها واللي واخدين  Plab لكن عاطلين وبيدوروا على شغل

فكل ده يخلي استراليا فرصه ذهبيه بالنسبالهم

والشئ المحبط بالنسبالنا وبالنسبالهم هو ان استراليا فتحت كليات طب جديده وقررت انها حتقلل العماله الاجنبيه بنسبه كبيره اوي بعد تخرج الدفعات دي


اللي بيفكر يستفيد من الزماله البريطانيه في السفر لبره عينه على الهجره لكندا

ولا اتجاهل طبعا ان شرعيا الهجره لبلد غير مسلم حرام





0 user(s) are reading this topic

0 members, 0 guests, 0 anonymous users