999 replies to this topic

[Alaa El-Gendy]

السلام عليكــم ورحمـة الله وبركاتــه ،،


يارب تكونوا بخير و عافية فى دينكم و دنياكم
     
مش عارفه فكرة الموضوع مكررة ولا ايه لانى حاسة انى شوفت موضوع زى ده قبل كده هنا
و قعدت ادور عليه من يومين بس ما لقيتوش


على العموم الفكرة بسيطة
كل واحد لو يحب يكتب آية بتستوقفه اثناء قرأته للقرآن
يعنى ما يعرفش عينه تيجى عليها من غير ما ترجعلها تانى و ما تسيبهاش الا لما تقراها مرة و اتنين و تلاتة
و لو يحب كمان يحكى عن معانى هو بيفهمها منها او بيحس بيها
او موقف بتذكره بيه
او حتى يكتب الآية و بس
اعتقد انها بيبقى معناها واضح اوى و بتكفى فى الاغلب !


كنوع من انواع التذكرة لبعضنا البعض

بس كده


اه و ملحوظة اخيرة الله يعزكم
ياريت النقل يبقى بالتشكيل

يعنى بس اعمل search على النت على الاية و فيه مواقع كتير تجيبها بالتشكيل
منهم islamweb.net
علشان بس نتفادى اى خطأ فى النقل
يعنى ساعات الواحد ممكن ما يكتبش همزة مثلا او ينسى حرف !


و ياريت تشوفوا الموضوع ده
http://www.medadteam...?showtopic=7162



و ملحوظة كمان

lordgemi, on Oct 22 2008, 12:28 AM, said:

السلام عليكم

جزاكي الله خيرا يا فندم

كنت برضو عايز اقول حاجة

يا ريت ي حد قبل ما ينقل الاية و يتحدث عن فهمه او احساسه بيها

يا ريت يقرا تفسيرها

عشان يتاكد بس انه بيتكلم صح

لان ساعات ممكن الواحد يفهم الاية خطا و يبني على اساسها احاسيس خاطئة جدا

فيرجى التثبت في الامر

سلام عليكم

للبحث فى التفاسير بسهولة على النت
http://www.islamweb....wayatafseer.php

[أبو عبيدة]

وعليكم السلام ورحمة الله وبركاته،،
يمكن من ضمن الآيات اللي بتهز الواحد جامد

آخر أية في سورة سبأ

" وحِيـــــــــــلَ بينهم وبين  ما يشتهــــــــــــــون كما فــُـعِلَ بأشياعهم من قبل "

أسأل الله ألا يحيل بيننا وبين ما نشتهيه من خيري الدنيا والآخرة

وأن يدخلنا الجنة بغير سابقة عذاب ولا حساب

آمين

والحمدلله رب العالمين

[Alaa El-Gendy]

فيه آية من سورة يوسف
سمعتها مرة زمان مش زى كل مرة !

قَالَ رَبِّ السِّجْنُ أَحَب إِلَيَّ مِمَّا يَدْعُونَنِي إِلَيْهِ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ


حسيت ايه ده ازاى واحد يحط معصية سهلة جدااا و خفية و مُلحة و تتبع شهوته فى كفة
و السجن دون اى تهمة لأجل غير معلوم فى كفة
و يرجح كفة السجن !!
ازاى ؟؟
محتاجة قوة ايمان قد ايه ؟؟
و بعدين بيقول "أحب"
و دخل فعلا السجن
يعنى مش اللى هو كلام و خلاص زى ما الواحد مننا مثلا ممكن يقول انا هاعمل كذا و كذا لو حصل كذا
و انا بحب ربنا اوى خالص

و وقت الجد تلاقيه ابتدى يضعف !

لا ده ربنا عارف صدقه
و طلع فعلا صادق و دخل السجن علشان مش عايز يعصى ربنا !!
يا الله !
طيب مكانته عند ربنا بقت عاملة ايه!!


حد متخيل نفسه فى المكان ده دلوقتى !!
سجن طرة مثلا !
ترضى تدخله لانك رافض تعصى ربنا ؟؟!
تتاخد دلوقتى من بيتك و تترمى فى السجن و تنسى حياتك كلها و شبابك !!
سؤال صعب و اجابة أصعب


معلش لو الكلام بيوجع شوية
لكن والله الواحد محتاجه لنفسه قبل غيره !!
و عارف ان نفسه ضعيفة اوى بمرااااااحل و اقل وقعة بتبهدلها !!
و بيبقى عايز يقويها بس !!

باحب كمان فى الآية دى الحتة بتاعت

وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُنْ مِنَ الْجَاهِلِينَ
علشان معنى الاستعانة اللى فيها
يعنى الواحد برده ما يفتكرش نفسه قوى و فريكيكو و يعرف يقول للمعصية " هش امشى من هنا "

لا ده محتاج ان ربنا هو اللى يصرف عنه المعصية دى و يقويه و يعافيه
و من غيره يهوى اليها !!

و لا حول ولا قوة الا بالله
كنت سمعت عنها معنى لسه قريب
ان لا حول عن معصية الله ولا قوة على طاعة الله الا بالله !!
مش عارفه ازاى مكنتش فاهماها كده حتى وقت قريب


و "أكن من الجاهلين "
سمعت فى تفسيرها ان الواحد بيعصى و هو جاهل بمقام الله
زى الحديث بتاع
لا يزني الزاني حين يزني و هو مؤمن ، و لا يسرق السارق حين يسرق و هو مؤمن ، و لا يشرب الخمر حين يشربها و هو مؤمن و لا يقتل و هو مؤمن
الراوي: عبدالله بن عباس المحدث: الألباني - المصدر: صحيح الجامع - الصفحة أو الرقم: 7708
خلاصة الدرجة: صحيح


فى امان الله

[dr.queen]

فعلا في ايات الواحد لما بيجي عندها ميقدرش يسبها كده لازم يقرها اكتر من مره

(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ)

(يَوْمَ نَقُولُ لِجَهَنَّمَ هَلِ امْتَلأْتِ وَتَقُولُ هَلْ مِنْ مَزِيدٍ)

اخر ايه في سوره الفتح اولها بيشدني جدا
(محمد رسول الله............)
مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْراً عَظِيماً [الفتح : 29]

[lordgemi]

السلام عليكم

جزاكي الله خيرا يا فندم

كنت برضو عايز اقول حاجة

يا ريت ي حد قبل ما ينقل الاية و يتحدث عن فهمه او احساسه بيها

يا ريت يقرا تفسيرها

عشان يتاكد بس انه بيتكلم صح

لان ساعات ممكن الواحد يفهم الاية خطا و يبني على اساسها احاسيس خاطئة جدا

فيرجى التثبت في الامر

سلام عليكم

[lordgemi]

فَلَمْ تَقْتُلُوهُمْ وَلَـكِنَّ اللّهَ قَتَلَهُمْ وَمَا رَمَيْتَ إِذْ رَمَيْتَ وَلَـكِنَّ اللّهَ رَمَى وَلِيُبْلِيَ الْمُؤْمِنِينَ مِنْهُ بَلاء حَسَناً إِنَّ اللّهَ سَمِيعٌ عَلِيمٌ [الأنفال : 17]

الحقيقة الاية دي انا بحبها جدا لاسباب كثيرة

طبعا عشان هي بتتحدث عن غزوة بدر و تثبيت الله للمؤمنين و نصرهم على الكفار

بس اللي انا عايز اتكلم فيه هو المعنى او المبدا العظيم اللي في الاية

فلم تقتلوهم و لكن الله قتلهم

في الاية اشارة واضحة جدا ان ربنا سبحانه و تعالى كل شيء بامره سبحانه و تعالى

يعني القتال و المبارزة و الرمي الذي يقوم به المؤمنون هي مجرد اسباب لا تؤدي النتيجة الا بامر الله سبحانه و تعالى

و ربنا سبحانه و تعالى بيوجهنا لكدا عشان نبقى على يقين دائم ان كل شيء من عند الله و بامر الله و ان الاسباب وحدها لا تكفي

--------------------

عايز بقى نطبق الامر دا على حياتنا

خاصة اننا دلوقتي في مرحلة المذاكرة و الاستعداد للامتحانات

لازم نكون على يقين ان المذاكرة بتاعتنا مجرد سبب و النجاح و التوفيق هو بامر الله فقط

و لازم نبقى على يقين دائم بكدا و زي ما بنحاول ناخد بالاسباب يبقى لازم ندعي ربنا و نساله التوفيق و نحاول نتقرب اليه بقدر الامكان

في مقولة للامام ابن القيم في الموضوع دا جميلة جدا

الاخذ بالاسباب واجب لكن الايمان به شرك !!!

يعني احنا مامورين اننا ناخد بالسبب لكن لو ايقنت ان اخذك بالسبب اللي هو المذاكرة يبقى لازم تنجح يبقى كدا انت دخلت في دائرة الشرك

نسال الله تعالى التوفيق لنا جميعا

سلام عليكم

[Sohaib_s]

جزاك الله خيرا كثيرا على الفكره الهايله دي وجعله في ميزان حسناتك

بس الواحد مش عارف حيكتب ايه ولا ايه


عموما حبدأ بالآيه اللي كتبتها في التوقيع

(وَلَئِن مَّسَّتْهُمْ نَفْحَةٌ مِّنْ عَذَابِ رَبِّكَ لَيَقُولُنَّ يَا وَيْلَنَا إِنَّا كُنَّا ظَالِمِين)

الأنبياء



لا تعليق!!!

[عـم لالو]

الحقيقة موضوع رائق جدا وكان لازم يتعمل من زمان

بصفتي مشرف سابق للإسلاميك أحييك

د آلاء على هذه الإضافة

----------------

بالنسبة لكلام اللورد
كنت عايز أكرره
أن فعلا الواحد ممكن ياريت يكتب مواقف أو أحاسيس مع الآية

لكن يتأكد أن مفيش أي تفسير للمعنى ممكن يخالف التفسير العام في كتب التفاسير

------------

الحقيقة الآيات دي
مكنتش قادر أفهمها
وكانت لغز ليا كبير
وأنا في أول الكلية
لغاية أما استطلعت بعض معانيها
لاسيما أني بحب الخيول جدا
ولذلك اسمي الحصان الأسود

الكلام عن سيدنا سليمان
ربنا اختبره  اختبار صعب
وهو أنه حبب إليه جدا الخيول
وعرضها عليه
وكلمة الصافنات دي معناها
الحصان إللي واقف على 3 أرجل
وسن الحافر بتاع الرجل الرابعة
في منظر يحبه كل متذوق للجمال

ودي كانت تقريبا ألف حصان
بيتجمعوا عنده
عشان كان يريد الجهاد للعدو

بس انشغل بتجميع الخيل وافتتن بها حتى فاتته صلاة العصر
إللي هي آية
حتى توارت بالحجاب
يعني اختفت الشمس بالغروب
فتذكر ساعتها أنه افتتن بالخيول
عن ذكر ربه وهي صلاة العصر

فقال ردوها عليّ

فطفق مسحا بالسوق والأعناق

معناها مش ممكن تتخيله لو مكنتش قريت التفسير

يعني هو لما لقى نفسه انشغل بالخيول عن ربنا إللي وهبها له
فقال لهم هاتوا لي الخيول وجمعوها عندي

وطفق مسحا بالسوق والأعناق
يعني

تخيل
بدأ  
يقطّع أرجلها وأعناقها بالسيف
ودا معنى كلمة مسحا هنا
يعني تذبيحا وتقطيعا لأرجلها وأعناقها
وتصدق بلحمها في سبيل الله

ودا فيه معاني كتير ممكن أحسها
أن ساعات ربنا بيبقى عارف مدى حبك لشيء معين
وبرغم كدا يسلط الشىء دا عليك
عشان يختبر درجة حبك له أكتر ولا للشىء دا
والشىء دا ممكن يكون شخص أو زينة من فتن الدنيا زي عربية مثلا
أو حتى محمول
ويرى هل هتنشغل به عن الخالق الرازق إللي وهبك إياه ولا لأ

وفايدة كمان
اقطع تسلسل الفتنة بفعل قاطع
يعني مثلا
سيدنا سليمان هنا
قتل كل الخيول في سبيل الله
رغم أنه بيحبها جدا

لها لذة جمبلة جدا
لما كنت باتدرب خيل
والحصة في حدود 60 جنيه
والكورس ب400 وشوية
ولما وصلت للحواجز أبح الكورس ب 700

فلما كنت بلاقي الفلوس مش مكملة معايا غير مثلا   100

وعمري في خلال الشهر دا
ما هاكملها
ولا حتى بعد سنة
بسبب فلوس الدروس
    
ممكن كنت أتصدق بالفلوس
دي عشان أصرف عن نفسي فتنة تجميع المال من أجل الكورس

وبعدها أحس بلذة الحقيقة


أني مبقتش عبد لشهوتي      

بس كدا

[Alaa El-Gendy]

جزاكم الله خيرا كثيرا

[Alaa El-Gendy]

lordgemi, on Oct 22 2008, 12:28 AM, said:

السلام عليكم

جزاكي الله خيرا يا فندم

كنت برضو عايز اقول حاجة

يا ريت ي حد قبل ما ينقل الاية و يتحدث عن فهمه او احساسه بيها

يا ريت يقرا تفسيرها

عشان يتاكد بس انه بيتكلم صح

لان ساعات ممكن الواحد يفهم الاية خطا و يبني على اساسها احاسيس خاطئة جدا

فيرجى التثبت في الامر

سلام عليكم

انا زودتها فى اول الموضوع

جزاك الله خيرا يا فندم