Jump to content

كل ما يهمك عن الزماله البريطانيه


  • You cannot start a new topic
  • You cannot reply to this topic
57 replies to this topic

#1
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male
الزماله البريطانيه

الزماله البريطانيه تعتبر اكتر مشوار طبي بيدخله الاطباء المصريين بعد الماجستير المصري, بسبب تسهيلاتها الكثيره ومميزاتها عن غيرها واللي حنذكرها بالتفصيل في الموضوع ده ان شاء الله



طب يعني ايه زماله اصلا؟ وهل فيه فرق بين ال Membership & fellowship?


زماله معناها عضويه في جمعيه اسمها الجمعيه الملكيه للاطباء البريطانيين, والعضويه دي بتديك امتيازات منها اشتراكات في مجلات علميه ومواقع انترنت زي مثلا Librarian Information Services في مقابل ضئيل جدا (حوالي 100 استرليني في السنه) لكن طبعا الميزه الكبيره في الموضوع هي قوة الشهاده نفسها كشهاده بريطانيه معترف بيها عالميا .
ومفيش فرق بين ال Membership وال  fellowship , ببساطه شديده انت بتاخد عضويه الأول اللي هي ال  Membership وبعد 6 الى 8 سنين من العضويه بتاخد الزماله او ال  Fellowship , وتفرق ال fellowship  عن ال membership  انها منصب شرفي بتاخده بيديلك الحق انك تبقى ممتحن للناس اللي بتقدم على الزماله , يعني مجرد منصب شرفي بس طبعا أكيد بيزيد من قيمة الشهاده

والFellowship  مش بتحصل عليها غير بعد ترشيح من ناس خدت الFellowship يعني مش محتاجه امتحان ولا حاجه.

طيب ايه مميزات الزماله البريطانيه عن غيرها؟

الزماله البريطانيه تتميز عن غيرها بما يأتي
1- لا تستلزم السفر خارج مصر للحصول على الشهاده
2- شهاده قويه جدا علميا وتعادل الدكتوراه المصريه ناقص المناقشه
3- تكلفتها اقل بكثير من الامريكيه والاستراليه والكنديه
4- امتحاناتها اسهل بكثير من باقي المعادلات حيث تستلزم نجاح او سقوط فقط وليس سكور كالمعادله الامريكيه
5- ممكن تقدم بيها للعمل في دول كثيره من العالم زي استراليا واللي بتقبل الحاصلين على الزماله البريطانيه بالذات وكذلك كندا



طيب ايه الفرق بين الزماله البريطانيه وال  PLAB
وهل الزماله بتديني فرصه اني اسافر بريطانيا؟


الفرق بين الزماله وال
  Plab  هو ان ال Plab  
ده امتحان هدفه انك تاخد رخصه للشغل في بريطانيا, اما الزماله فمينفعش تشتغل بيها في بريطانيا الا لو عملت register number وده يستلزم انك تسافر هناك وتقدم على limited registration  ودي بتديك فرصه تشتغل في بريطانيا لمده اقصاها 5 سنين وده الفرق بينها وبين ال PLAB
مع استثناء ان لو معاك جنسيه بريطانيه فمفيش مده معينه ممكن تشتغل هناك على طول

طيب مدتها قد ايه؟ وايه انواعها ؟
مدة الزماله البريطانيه للباطنه او الاطفال في المتوسط  3 سنين, ممكن اقل وممكن اكتر, وأقل بكثير في زمالة الجراحه (حوالي سنتين), وأطول شويه في النسا (5 سنين)
وسبب التفاوت ده هو التالي:
ان من شروط التقدم لامتحان زمالة الباطنه هو مرور 12 شهر كطبيب في مستشفى تعليمي (يعني فترة الامتياز)
والاطفال كذلك 12شهرا (بعد التعديل الجديد)
لكن في الجراحه والنسا الشرط ده مش موجود فبالتالي معظم الناس بيقدموا على امتحان الجزء الاول جراحه او نسا في امتياز

زمالات المعادله البريطانيه كالتالي
MRCP  زمالة الباطنه
RCPCH زمالة الاطفال
MRCS زمالة الجراحه
MRCOG زمالة النسا
RCOpth  زمالة الرمد
RCPath زمالة التحاليل
RCOPsych زمالة النفسي
RCR زمالة الاشعه
زمالة التخدير RCA

مع ملحوظة ان آخر 5 زمالات
اماكن امتحانات الجزء الثاني موجوده في بريطانيا فقط لحد الآن


وحاليا بيناقشوا ادخال زمالتين جدد, لسه مبدأوش واحتمال يبدأوا من السنه الجايه ان شاء الله, لكن للاحاطه بالعلم, الجمعيه الملكيه بتاخد وقت طويل في مناقشة اي قرار جديد قبل تنفيذه,  و الزمالتين الجداد هما
دبلومة  Head & Neck Surgery
زمالة العظام



كام ممكن تكلف الزمالة البريطانيه من أولها لآخرها؟

تكلفة الزماله البريطانيه بتختلف من زماله للتانيه, وطبعا بتفرق اذا كان مكان امتحان الزماله موجود في مصر او لأ

لكن المتوسط هو 22 الف جنيه مصري

تتقسم كالتالي
الجزء الأول (أكاديمي) : 5500
الجزء الثاني( كلينيكال نظري) : 5500
الجزء الثالث (كلينيكال عملي) : 11000


ايه خطوات التقديم للزماله؟[/b]
اول شئ لازم تستوفي شرط الخبره لو طلبوها (زي الباطنه والاطفال) وبعد كده تروح للعناوين التاليه لكل زماله

زمالة الكلية الملكية البريطانية –أطفال-
لجنة التعليم الطبى المستمر
42 شارع القصر العينى -دار الحكمة
هاتف مباشر: 27958405\ 27963685
فاكس: 27962751\27958405


زمالة الكلية الملكية البريطانية –باطنة
لجنة التعليم الطبى المستمر
42 شارع القصر العينى -دار الحكمة
هاتف مباشر: 27958405\ 27963685
فاكس: 27962751\27958405




زمالة الكلية الملكية البريطانية –نساء وتوليد-
القاهرة – 40 شارع طاعت حرب- وسط البلد
مكتب : 25755869 فاكس : 5754271 2
أ.د/ عمر الشلقانى


زمالة كلية الجراحين الملكية – بانجلتر
192شارع النيل بالعجوزة
تليفون : 3031514 , 3001872
فاكس : 3443076
أ. هالة محمد " مسئولة الامتحانات بالمركز"
فرع التدريب بادارة الخدمات الطبية العسكرية بكوبرى القبة

زمالة الكلية الملكية البريطانية –الرمد
القاهرة –إدارة الخدمات الطبية- شارع الخليفة المامون – كوبرى القبة
هاتف-2603860 من 9 صباحاً إلى 2 ظهراً
The Royal College Of Ophthalmologists of England
17 Corn wall Terrace , LONDAN NW 1 40 QW
Tel : 01719350702 FAX: 01719359838


كل مركز مختص من العناوين اللي فوق بالزماله بتاعته بيحاول يوفرلك كل التسهيلات للزماله من كتب وكورسات و curriculum وبيتابعك لحد ما تنجح في كل الامتحانات باذن الله

وطبعا يوجد كورسات خارجيه وكتب للزماله متوفره بمكتبات القصر العيني



ايه نسبة النجاح في الامتحانات؟  وهل ممكن أعيد الامتحان اذا رسبت ولا لأ؟
نسبة النجاح في الامتحان تختلف بحسب الامتحان نفسه ومستوى المتقدمين فيه
يعني : لو كل المتقدمين للامتحان في مصر حصلوا على نسبه عاليه يبقى درجة النجاح حتبقى عاليه وبالتالي عدد الناجحين حيقل
والعكس صحيح

ويقال (من مصادر غير رسميه) ان النجاح في  الامتحان من  مصر صعب نسبيا مقارنة بنفس الامتحان ولكن من بريطانيا, لان المتقدمين للامتحان في بريطانيا درجاتهم اقل من المتقدمين للامتحان في مصر وبالتالي درجة النجاح أقل, عشان كده كثير من ناجحي الزماله البريطانيه بينصحوا انك تمتحن امتحانات الزماله في بريطانيا لو قدرت لأن الامتحان حيكون اسهل بالنسبالك في جو المنافسه الضعيف في بريطانيا مقارنة بمصر

في سنة 2007 كانت نسب النجاح كالتالي في زمالة الباطنه والأطفال (النسب منقوله من نقابة الاطباء)
الجزء الأول: 40% من عدد المتقدمين
الجزء الثاني: 60% من عدد المتقدمين
الجزء الثالث: 40% من عدد المتقدمين

وده مش معناه ان الامتحانات صعبه , ولا معناه برضه ان الامتحانات سهله, معناه ببساطه شديده ان الزماله البريطانيه زي غيرها محتاجه مذاكره بجديه, ولو ذاكرت بجديه حتنجح بسهوله ان شاء الله
واذا رسبت في اي امتحان بامكانك انك تعيده ولو عشرين مره بس طبعا بتدفع المبلغ بتاعه في كل مره بتعيد فيها الامتحان



ايه موضوع الخبره العمليه في امتحان الكلينيكال العملي؟ وكيف أحصل عليها؟
الخبره العمليه في امتحانات الكلينيكال دي مطلوبه أكتر في امتحانات الباطنه والأطفال والنسا اكثر من امتحانات الجراحه , والخبره دي بتسهل عليك مذاكرتك للامتحان وبتزيد من فرصة انك تنجح في الامتحان من أول مره
عشان تحصل على الخبره العمليه بامكانك انك تلتحق بالكورسات اللي بتوفرها النقابه, او الكورسات الخارجبه او النائب الزائر


وببساطه شديده النائب الزائر بيستلزم منك تقديم استقالتك من وزارة الصحه والالتحاق بأي مستشفى تختارها لمدة سنه او اتنين في مقابل مبلغ رمزي (حوالي 200 جنيه) بتدفعه ليهم شهريا
وطبعا الخبره العمليه الكافيه للنجاح من امتحان الكلينيكال العملي بتاخدها بسهوله جدا اذا كنت نايب زائر لمدة سنه الى سنتين



يعني ايه الزماله بتعادل الدكتوراه المصريه ؟

اي ممتحن بياخد أي زماله بريطانيه  بيحصل على الآتي

1- يحصل على درجة أخصائي من النقابه
2- يحصل على درجة استشاري بعد 5 سنين من حصوله على الزماله
3- بيحصل على دكتوراه ناقصه مناقشة رساله فقط, يعني يستلزمه مناقشة الرساله فقط للحصول على الدكتوراه دون اي امتحانات
4- بيحصل على  ال Fellowship( بعد 6 الى 8 سنين على الأكثر (مع التوضيح السابق الخاص بنقطة الترشيح



ايه عيوب الزماله البريطانيه؟

عيوب الزماله البريطانيه تتلخص في الآتي
1- طولها نسبيا مقارنة بباقي المعادلات (من 2 ل 4 سنين)
2- لا تسمح ليك بالسفر لبريطانيا للعمل الا لمده محدده لا تتجاوز 5 سنين
3- في أول الموضوع, الشهاده تعطيك مالا وعلما لكن لا تعطيك خبره, يعني مش بتديك خبره عمليه زي الامريكيه مثلا,  ولكن الخبره دي بتكتسبها بعد كده بالممارسه



ايه آخر الأخبار والمستجدات بخصوص الزماله البريطانيه؟

فيه ملف من 8 ورقات بيشرح آخر المستجدات في نظام الامتحان وشروط التقديم لآخر لائحه

http://www.zshare.ne...57383291cbe16c/

وبالنسبه للائحة تقديم سنة 2010 فالجديد فيها انهم غيروا شروط التقديم لامتحان الباطنه

بحيث ان بقى في امكانك تخلص الجزء الثاني والثالث في خلال 7 سنين من امتحانك للجزء الاول

طبعا الكلام القديم كان انك لو بدأت التاني يبقى لازم تخلص الثالث في سنتين والعكس

لكن الحمدلله اتلغت




ايه اهم الكتب اللي ممكن اذاكر منها للزمالات المختلفه؟

يفضل انك ترجع لاماكن التسجيل الرئيسيه للزمالات لأنهم أكيد عندهم فكره بالمنهج ومصادره اكتر من أي حد وبصوره متجدده لكل سنه

لكن في الفتره الحاليه

كتب الباطنه في اللينك ده
http://www.medadteam...?showtopic=6466

أطفال في اللينك ده
http://www.medadteam...?showtopic=6461

نسا في اللينك ده
http://www.medadteam...?showtopic=6462

جراحه في اللينك ده
http://www.medadteam...?showtopic=6460

باقي التخصصات الكتب بتاعتها متواجده في مقر التسجيل بتاعها


يا تري بالنسبه للباطنه فيه تخصص بعد كده ولا باطنه عامه وبس؟

لأ فيه تخصصات جديده متاحه في الباطنه ممكن تتخصص فيها بعد ما تحصل على الزماله البريطانيه للباطنه  MRCP

والتخصصات دي ليها امتحان اسمه  KBA  (knowledge Based Assisment)

والامتحانات دي حيبدأ تطبيقها باذن الله في التخصصات التاليه في سنة 2008

Acute Medicine
Clinical Pharmacology and Therapeutics
Dermatology
Endocrinology and Diabetes
Gastroenterology
Geriatric Medicine
Infectious Diseases
Medical Oncology
Neurology
Renal Medicine
Respiratory Medicine
Rheumatology

الامتحان عباره عن اختياري من متعدد  (best of five)

تكلفته 1000 يورو

اماكن الامتحان هي هي نفس اماكن امتحان  ’MRCP داخل بريطانيا وخارجها

ينفع أدخل امتحان KBA من غير ما آخد شهادة  MRCP? , وهل فيه أي اخباره انهم حيلغوا امتحان  MRCP ويستبدلوه بامتحانات السبشيالات؟؟


لا مينفعش, لازم تخلص الزماله البريطانيه للباطنه العامه الأول وبعد كده تدخل امتحان التخصص لو حبيت
(ممكن لو  اخدت 3 سنين كنايب باطنه في بريطانيا انك تدخل امتحان التخصص على طول من غير ما تمتحن  mrcp)

مفيش اي خطه معلن عنها في الوقت الحالي لالغاء امتحان  MRCP لأنهم بيعتبروه كأنه تخصص باطنه عامه والامتحان ده مقدس جدا عندهم

ليه مفيِش امتحان  KBA لل Cardiology?

مفيش امتحان كارديولوجي لأن الكارديولوجي حاليا ليه حاله خاصه
المفروض ان الهيئه اللي حتبقى مسؤوله عن امتحاناته اسمها الجمعيه البريطانيه للقلب ودي لغاية دلوقتي مقررتش اذا كانت حتعرف تعملها ولا لأ
لذلك آخر الأخبار هي انهم حيعملوا امتحان تجريبي في شهر يونيو 2009 في بريطانيا بس حيقام على مستوى الconsultants !!!!!  :(
وبعد كده حيقرروا أول معاد للامتحان الرسمي لأول KBA في الكارديولوجي (لو التجربه نجحت طبعا وده أملنا ان شاء الله)




وفي النهايه أخص بالشكر صديقي العزيز  Amhotep واللي بذل مجهود كبير في الحصول على المعلومات دي وانا معلمتش غير اني نقلتها

وصديقي العزيز Amrziz واللي اثرا الموضوع بمعلومات هامه جدا اضفناها برضه

وأسأل الله ان  نكون وفقنا في شرح الموضوع  

وأي معلومات جديده ستضاف هنا باذن الله


Last Update to the topic 23/1/2010




#2
Doctor

Doctor

    Cool Member

  • Members
  • 51 posts
  • 0 topics

جزاكم الله خيرا يا دكاترة
بس في حجة مش فاهمه>ا لكن أحسن طريق واللي ينصح بيه معظم الناجحين في الزماله هو : النائب الزائر

وببساطه شديده النائب الزائر بيستلزم منك تقديم استقالتك من وزارة الصحه والالتحاق بأي مستشفى تختارها لمدة سنه او اتنين في مقابل مبلغ رمزي (حوالي 200 جنيه) بتدفعه ليهم
<وطبعا الخبره العمليه الكافيه للنجاح من امتحان الكلينيكال العملي بتاخدها بسهوله جدا اذا كنت نايب زائر لمدة سنه الى سنتين



#3
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male

View PostDoctor, on Aug 23 2008, 02:41 AM, said:

جزاكم الله خيرا يا دكاترة
بس في حجة مش فاهمه>ا لكن أحسن طريق واللي ينصح بيه معظم الناجحين في الزماله هو : النائب الزائر

وببساطه شديده النائب الزائر بيستلزم منك تقديم استقالتك من وزارة الصحه والالتحاق بأي مستشفى تختارها لمدة سنه او اتنين في مقابل مبلغ رمزي (حوالي 200 جنيه) بتدفعه ليهم
<وطبعا الخبره العمليه الكافيه للنجاح من امتحان الكلينيكال العملي بتاخدها بسهوله جدا اذا كنت نايب زائر لمدة سنه الى سنتين


أحسن طريق من ناحية انك ازاي تكتسب خبره للامتحان التالت بتاع الكلينيكال

وان شاء الله سنتناول موضوع النائب الزائر بالتفصيل في موضوع منفصل

#4
amrziz

amrziz

    Moderator

  • Honorable Medadian
  • 1038 posts
  • 150 topics
  • Location:EL- M*A*N*I*A*L
  • Year:Sixth
  • Gender:Male
thank u sir :( perfect topic as usual

Posted Image



#5
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male

View Postamrziz, on Aug 23 2008, 07:26 PM, said:

thank u sir :P perfect topic as usual

بعض ما عندكم يا باشا
:P



ملحوظه: تم اضافة سؤال في أول بوست في الموضوع

ايه آخر الأخبار والمستجدات بخصوص الزماله البريطانيه؟


مع شكر خاص ل Amrziz


#6
dr_lithy

dr_lithy

    Cool Member

  • Members
  • 72 posts
  • 3 topics
  • Location:mohandeseen
  • Year:Sixth
  • Gender:Male
amazing information

thx doctorr

جزاكم الله خيرا

#7
dr.2010

dr.2010

    الحمد لله على كل شيء-حب مداد جوة قلبي للأبد

  • Honorable Medadian
  • 7796 posts
  • 82 topics
  • Location:MEDADTeam
  • Year:Doctor
  • Gender:Male
والله موضوع هايل

شاغل بالي من زمان

بجد والله انتوا هايلين كلكوا


جزاكم الله خيرا



لا القلب ينسى ولا الأيام تنسينا

أحبة سكنوا يوما مآقينا

في كل ركن لكم ذكرى معطرة

قد أنبتت حولها وردا ونسرينا

يا غاييبين عن الأبصار

مسكنكم بين الضلوع

فرشناها رياحينا


#8
dr.2010

dr.2010

    الحمد لله على كل شيء-حب مداد جوة قلبي للأبد

  • Honorable Medadian
  • 7796 posts
  • 82 topics
  • Location:MEDADTeam
  • Year:Doctor
  • Gender:Male
يا جماعة اللينك اللي في المرفقات مش شغال

يا ريت تحطوا واحد بداله



لا القلب ينسى ولا الأيام تنسينا

أحبة سكنوا يوما مآقينا

في كل ركن لكم ذكرى معطرة

قد أنبتت حولها وردا ونسرينا

يا غاييبين عن الأبصار

مسكنكم بين الضلوع

فرشناها رياحينا


#9
dr.2010

dr.2010

    الحمد لله على كل شيء-حب مداد جوة قلبي للأبد

  • Honorable Medadian
  • 7796 posts
  • 82 topics
  • Location:MEDADTeam
  • Year:Doctor
  • Gender:Male
محدش رد عليا في اللينك ليه
؟؟؟



لا القلب ينسى ولا الأيام تنسينا

أحبة سكنوا يوما مآقينا

في كل ركن لكم ذكرى معطرة

قد أنبتت حولها وردا ونسرينا

يا غاييبين عن الأبصار

مسكنكم بين الضلوع

فرشناها رياحينا


#10
Sohaib_s

Sohaib_s

    Night Walker before

  • Honorable Medadian
  • 4310 posts
  • 458 topics
  • Location:where I am now
  • Interests:Reading, basket, swimming
  • Year:General Practitioner
  • Gender:Male

View Postdr.2010, on Oct 21 2008, 11:57 AM, said:

يا جماعة اللينك اللي في المرفقات مش شغال

يا ريت تحطوا واحد بداله

السلام عليكم

اهلا بيك يا دكتور


معلش مش فاهم حضرتك تقصد ايه باللينك اللي في المرفقات


الموضوع مفيهوش اي لينكات في المرفقات , هو لينك واحد في وسط الموضوع بتاع لايحة الامتحان وده شغال ان شاء الله ممكن تجربه تاني





1 user(s) are reading this topic

0 members, 1 guests, 0 anonymous users