1 reply to this topic

[Sawbones]

سبحان الله الذي لم يتخذ ولدا ولم يكن له شريك في الملك
فالكل سواسية في العطايا ولا فارق بين عبدين الا بالتقوى

يعني لو جمعنا كل العوامل والنعم اللي ربنا أنعم علينا بيها
لازم كل الناس هيطلعوا متساويين في المجموع

يعني لو في نعمة زيادة عندي شوية عن حد يبقى أكيد هو عنده حاجة زيادة عني
عشان المجموع يفضل ثابت

طيب ايه فايدة الكلام ده ؟؟
الكلام ده هو أساس احترام الغير والتواضع
لأني لما أتيقن تماما ان الناس متساويين
ساعتها لو لقيت واحد لبسي أحسن منه أو عندي علم أكتر منه أو أولاد أو فلوس أكتر منه
ساعتها عمري ما هحتقره أو أتعالى عليه لأن أكيد هو عنده مزايا أحسن مني
عشان المجموع يفضل ثابت

طب أنا أعمل ايه لما ألاقي حاجة زي كده ؟؟
أبص على الميزة اللي عندي ومش عنده ولا اللي عنده ومش عندي ؟؟

في الحقيقة أنا لازم أبص على الاتنين
أبص على النعمة اللي عندي ومش عنده وأحمد ربنا عليها
وأبص على اللي عنده ومش عندي واعمل حاجتين
الأولى اني أحمد ربنا تاني لأن ده تأكيد ان الناس متساويين ومحدش أحسن من حد
لأني لو لقيت حد أنا أحسن منه في كل حاجة وأنا عندي عيوب
يبقى أكيد في حد أحسن مني أنا كمان
لحد ما نوصل للانسان الكامل اللي ملوش عيوب
وفي هذا ظلم لا يرضاه الله سبحانه وتعالى لعباده
يبقى أحمد ربنا تاني

الحاجة التانية انه بما اننا متساويين يبقى مينفعش أقلل من شأنه أو أحتقره
لأننا احنا الاتنين بشر متساويين في النعم

وهو ده أساس التواضع واحترام الآخرين

[Moon rise]

جـــزاك الله خيـرا يا دكتور على التـــذكــــــرة دى .. فعلا هو اساس التواضع والتكــامــل كمان لان لو كل واحد اخذ على عاتقه ان زيادة نقطة ما عنده زى العلم او الدين ده نعمة وفى نفس الوقت رسالة عليه ان يوصل لمن حوله جزء منها هيحصل التكامل والمنفعة العــامة