Jump to content

4th year orientation 2012

- - - - - all u need :)

  • This topic is locked This topic is locked
7 replies to this topic

#1
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female


Posted Image

واخيرا دخلنا سنــــة رابعـــــة ...أخيـــــرا هنــدرس الطب زى ما كنـــــا عــــاوزيـــــــن....!!

:doctor[1]:  :doctor[1]:  :doctor[1]:  :doctor[1]:    




سنـــــــــــة رابــعـــــــــة ...... أول سنـــــة راوندات ... اهلا .. اهلا باهل الطب الجدد.


Posted Image


Posted Image


#2
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female

يختلف نظام السنة دى عن باقى السنين السابقة ...

بأننا هناخد كلينيكال...!!

هنحضر راونـــدات...!!

ماهو الراوند :- الراوند فترة حوالى 7 اسابيع بندرس فيه مادة واحدة وبندرسها نظرى وعملى وبنمتحن فيها امتحان صغير  (الاندراوند) وبعد ما نخلص كل المواد نرجع كالعادة نمتحن فيهم كلهم تانى
:36_2_18:
  :36_2_18:  :36_2_18:

وفى سنة رابعة بندرس:-

1- كميونتى (طب المجتمع).

2- رمـــــــــد.

3- أنف واذن وحنجــرة .. الشهيرة ب (أى ان تى).

4- فورنسيـــك ( شـــرعى).

ابقوا معانا ... لمعرفة المزيــــــــــــــد

:a115:  :a115:


Posted Image


#3
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female

الكميونتى .... طب المجتمع

Posted Image



طبعا الكميونتى .... او طب المجتمع يسمع عنه كل خير يعنى مثلا... ماده طويله صعبه لا تفهم وشويه تعقيد
:a136: :a136:

بس ان شاء الله قدها وقدود وبعدين ... (اللهم لاسهل الا ما جعلته سهلا وانت تجعل الحزن اذا شئت سهلا)

اكيد الكل دلوقتى اتعقد بس لا والله الكميونتى ماده من اسهل المواد واحسنها فى الامتحانات مخصوص


:good: :good:


نظام الدراسة:-

نظام راوند الكميونتى لوحده مفيش حاجه شبها ... اولا مفيش حاجه فى المستشفى ... يعنى ملكش علاقه بالمستشفى... طريقك هيبقى ما بين مبنى الكميونتى وده الى جنب المكتبه الالكترونيه وايضا شغل فى مبنى الدرجات واخيرا الزيارات الميدانيه فى مختلف انحاء القاهرة....
:dance22:  :dance22:


طيب هنمشى أزاى!! ... تبع جدول وده بينزل مع بدايه كل راوند ومتقسم مجموعات وغالبا بيبقوا 10 مجموعات ...  وبتشوف انت رقمك كام وانهى مجموعه وتتبع الجدول هيوديك فين كل يوم غير الى قبله وده من باب التغير غالبا ... وده اللى بيميز راوند الكميونتى عن غيره بانك تستمتع فيه وتعرف الناس اللى معاك وتعرف ازاى تشتغل فى  team!


:emTE5_: :emTE5_:



جــــدول!! ..... جــــدول أزاى حصص بقى وبتـــاع!!!

:c024:  :c024:

لا لا ابـــــــــدا ... أحنـــــا كبــــــرنــــا...


الشغل فى الجدول عباره عن اربع اجزاء


1- Mini-lecture.

وفى هذا الجزء بيتشرح نظرى وبيدخل دكتور كبير يعنى حاجه تشبه المحاضره العاديه بس فى القسم


2- Visit.

وفى هذا الجزء بتطلع من الكليه وتروح زياره ميدانيه لمناطق مختلفه على سبيل المثال هنروح مستشفي الحميات ........ ..... حضانه في الكليه  ......  ..... العيادات الخارجيه ..... قريه وهكذا
كل زياره تبع درس عملى هتدرسه وتروح الزياره تطبق الكلام الى درسته وتكتب تقرير فى كتاب العملى

:36_18_1:

3- pre visit

وفى الجزء ده بناخد محاضره ملخصه يعنى على الى احنا هنشوفه ونكتب التقرير عنه أزاى فى الزياره


4- post visit.

وفى الجزء ده بنتناقش فى التقرير الى احنا كتبناه عن الزياره


ده بالنسبه للى بيحصل فى القسم





Posted Image


المحاضـــرات:-

المحاضرات بنحضرها فى مبنى المدرجات ودى بتبقى كل يوم الصبح الساعه 8 :fgf: :fgf:
وفى محاضره بتبقى الساعه 1 الظهر ودى بتبقى يومين بس فى الاسبوع ... الثلاثاء والاربعــاء
وبرضه مع جدول الراوند هتلاقى جدول النظرى باسماء الدكاتره والجزء الى هيتشرح فى كل محاضره

يــــــــوم السبــت أجـــــــــــازة


:e025: :e025:


الراوند فيه غيــــــــــاب ... المحاضرات لا ....!!

أشهر دكاتــرة بينزلــوا ... دكتورة سحر يس ... دكتورة عبير بركات ... دكتورة  ....دكتوره مها الرباط رئيس القسم .... دكتوره مها غوباشي .....داليــا




Posted Image

الكتب:-

فى كتاب القسم ..... وده صعب  تــذاكر منه ولكن لازم تقراه كويس.

كمان فى ورق دكتور عماره وده ورق مختصر شويه ويشبه للكتاب.

كمان فى مايند مابس لدكاتره هم الى عاملنها وفى طلبه هم الى بيعملوها ودى هتبقى كلها موجوده فى مكتـبـــة العــالميــة ... وفى ملزمـــة مـداد .. اسبيشيال ابديميولوجى .. وده يعتبر اكبر جزء فى المنهج.

هتذاكر زى ما انت عايز من اى مصدر منهم او تعمل انت المايند مابس بتاعتك من خلال الحضور وكتاب القسم.



:36_14_3: :36_14_3:

كتـــاب ... مـــلازم .... مـــايـــند ايه!!! ليـــة احنا هنــاخد ايه فى المادة دى!! :|

المادة من اسمها... هناخد فيها اشهر المشاكل اللى موجودة فى كل مجتمع سواء ريفى او صناعى واثرها ع الصحة ... كل الامراض المنتشرة فى مصر وانواعها وايه منتشر اكتر فين!! ..... هناخد هيكل وزارة الصحة ماشى ازاى!! والدولة عملت ايه علشان تحسن الصحة وتحافظ عليها ... أيون ركز اوووى على تحافظ عليها دى لان ده اهم جزء فى المادة دى
وطبعا علشان الكميونتى جوة منه فى كميونتى تانى .. فانت بتلاقى شوية احصاء على شوية معلومات عن البحث وادارة الوقت وحفظ الاطعمة وحاجات كده كتيرة....



:a102: :a102:



ماتزعلوش ... معلش ... لسه ماجاش وقت الطب ... وماتتصدموش الجايات كتيرة :D




Posted Image


الدروس:-


بالنسبه للدروس فاشهر الدكاتره الى بيدوا دروس هو دكتور عماره وبيبقى موجود تسجيلاته على النت اول باول...

ونصيحه الدروس مش مهمه او مش مفيده اوى فى الكميونتى لانه نظرى ومعلومات صماء مش حاجه عمليه اوى تبقى محتاجه شرح مخصوص

المهم طبعا كل واحد يشوف هيرتاح او اه النظام الى هو ماشى عليه

الدرس بيبقى ماشى من اول السنه وبيخلص اول راوند مضغوط وتانى راوند فى معاده وهكذا فى حصص بتبقى مجمعه وفى حصص بتبقى للراوند

بس ده تقريبا يعنى نظام الدروس .....





Posted Image


الدرجــــــــــات:-



ملخص للدرجات كالاتى:

60 درجه نظرى الراوند

10 درجات شفوى الراوند

30 درجه حضور الراوند

20 درجه عملى الراوند (ospe)

150 درجه نظرى اخر السنة

30 درجه شفوى اخر السنة

كده يبقى مجموع الدرجات كلها 300 درجة


:36_18_6:

انصحكم بالاتى ...


حاول تستفيد من الزيارات فى مذاكرة النظرى يعنى كل ماتاخد السيشن اللى قبل الزيارة ذاكرها ... علشان الجزء ده مهم وكده هيسهل عليك وهيساعدك كمان فى الريبورتات بتاعة الزيارات.

ذاكر اول بأول .... لان المنهج الصراحة كبير ... بس سهل وحاول تخلص المنهج فى الراوند لانه ما بيتفتحش بعد كده.

اكتر وسيلة للمساعدة فى المذاكرة هى المايند مابس .... سواء انت اللى عملتها

او دكاترة .... وسيلة سريعة وبتثبت المعلومة.

وعن تجربه  :

الكومينتي يتذاكر mind maps ,والافضل انك تعملها لنفسك بعد ما تتعلم ازاي  بتتعمل  


بالتوفيق



يتبع....


Posted Image


#4
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female

الرمــــــــــــــد

Posted Image


نظـــام الراونـد

وده بقى بيبقى كله كله فى المستشفى ...

وهنطلع المستشفى وهنطلع المستشفى


:a084:
  :a084:  :a084:

ومفيش محاضرات فى مبنى المدرجات نُهـــائى ... كله فوووووق

احنا عندنا 3 اقسام كل قسم فيه وحدتين :-

قسم 12 وحدة د/ شريف شتا ود/ حسن مرتضى

قسم 14 وحدة د/ حمدي عصام  ود/ مصطفى نبيه

قسم 16 وحدة د/ عمرو صلاح ود/ محمود ابو ستيت

ملحوظه : اسامي الوحدات بتتغير كل سنه تقريبا


بيبقى عندنا 3 ايام فى المستشفى و2 فى العيادات (وهنا لو لزقت لاى نايب هتتعلم منه كل حاجة عن الرمد بس اسمع كلامى والزق) ويوم للعمليات وده بيبقى يوم الاجازة وبيختلف حسب الوحدات


دلوقتى هنتعرف على الوحدات بالتفصيل


وحدة د/ مصطفي نبيه :emotion-55:



دى وحدة رئيس القسم :11_hang:


الغياب: مهم جدا وكان بيتقفل على 9 وربع تقريبا وممكن ناس تتحرم من    الامتحان بسبب الغياب بس ده قليل جدا


وحصلت في السنه بتاعتنا :)


البالطو:مهم  مهم


توزيع الـ 50 درجة بتاعت الراوند

oral 20 + slides 10 + spot diagnosis 10 + shock exams 5 + presentation 5

slides

امتحان سهل ومن سى دى القسم وبيحطه د-محمد خفاجى


spot diagnosis

يعنى بتشوف patient


وتقول اسم المرض وده بيبقى سهل غالبا



shock exams

عددهم 3 أو 4 بيحطهم د تامر

غالبا فى الاسبوعين اللى قبل الامتحان وبيبقى

MCQ


presentation

بتتقسموا مجموعات وكل مجموعة تعمل بحث والحضور اهم حاجة هيضمنلك 5 درجات



وحدة د/ حسن مرتضي

الغياب: مهم وبيتاخد مرتين في اليوم بعد النظرى وبعد الكلنيكال

البلطو: مش مهم خالص

توزيع الـ 50 درجة بتاعت الراوند

oral 20 + slides 10 + elicit signs 10 + shock exams 5 + presentation 5


shock exams

case عددهم 2 واحد مع د رانيا


واحد مع د عبد العزيز

elicit signs

عملى بتتسال ازاى تشخص الحاله ... سهلة ومضمونه ان شاء الله


وحدة د/ حمدي عصام

الغياب: مهم جدا جدا وبيتاخد بالبلطو وبيتاخد مرتين بعد النظرى وبعد الكلنيكال

بيتقفل 9 ونصف او حسب الدكتور

توزيع الـ 50 درجة بتاعت الروند

oral 25 + slides 10 + elicit signs 5 + shock exams 5 + presentation 5


slides

سهله بس الوقت قليل بيحطها د محمود جمال

presentation

اهم حاجة الحضور


shock exams

بيتقال قبلها وبيبقى سؤال سهل وبيتحسب اعلى درجة من 3 امتحانات



وحدة د/ عمرو صلاح

الغياب: مهم جدا وبيتاخد مرتين وبيتقفل 9 واللى بيتاخر بيتحسب اليوم غياب وبيقل فى الدرجات


البالطو: مش مهم اوى

توزيع الـ 50 درجة بتاعت الروند


oral 15 + slides 15 + elicit signs 10 + attendance 5 + presentation 5


وحدة د/ محمود ابو ستيت

الغياب: كان مهم فى اول راوندات بعد كده مكنش مهم اوى

كان المفروض بيتقفل الساعة 9 وساعات فى نواب بيوافقوا بعد كده

البلطو: مش مهم خالص

توزيع الـ 50 درجة بتاعت الروند

oral 20 + slides 10 + spot diagnosis 10 + shock exams 5 + activity 5


shock exams

عددهم مش ثابت وبيتاخد المتوسط بتاعهم وبيحطهم د محمد سليمان


activity = poster
بدل ال presentation

مش كل الناس بتاخد الدرجة التقييم بجد وبيهتمو جدا


Posted Image

الكتب

كتاب القسم

وميزته الوحيده انه كتاب القسم علشان تبقى فى المضمون

وعيوبه انه مش منظم خالص والمعلومات غير كافيه للفهم وقله الصور تجيبه لو عايز تبقى فى السليم وممكن تضبف عليه من الكتب الاخرى



كتاب د/ياسر

وميزته ان د.ياسر فى القسم والكتاب منظم جدا ومعلوماته اكتر من كتاب القسم ولكن فى المعقووووووووول

وعيوبه قله الرسومات ولازم تسمع لدكتور ياسر او د عبد الحليم لانه بيشرح كل الكتاب .. ومعظم الطلبه بتجيبه علشان نظامه ولانه مش زيادة اوى عن كتاب القسم.


كتاب د/عبد الحليم

وميزته انه منظم وفيه رسومات جميله اوى وبيشرح ساعات بالعربى وبالتالى ممكن تجيبه وتذاكره بدون التقيد بالسماع او الحضور لحد معين

وكمان الشفوى مش بيخرج منه مهما كانت الاسئلة

وعيوبه انه طويل جدا وبالتالى بيبقى فى صعوبه فى المراجعة مقارنة بباقى الكتب ولكن د عبد الحليم بدا ينزل نسخ مختصرة شويه ودى ممكن

الاستعانه بيها ... تجيبه لو مش عايز ترتبط بدكتور معين وعلشان تضمن الزيادات اللى فى كل الكتب بس على فكرة الدكاترة عندنا مش بيحبوه لان

الدكتور مش من القصر العينى ومن طنطا


كتاب د/ وائل

مميزاته انه منظم ومعلومات اضافية

عيوبه ما فيش رسومات وفى حاجات فى كتاب القسم مش موجودة فيه ... تجيبه لو هتاخد درس عند دكتور وائل او هتسمعله


:36_14_3:  :36_14_3:
ااااه ... مافهمتش بردة!! هدرس ايه يعنــى!

:c024:
  :c024:  :c024:

طريقة عرض المادة

المادة العلميه بتشمل جميع طبقات العين من الخارج للداخل

"eye lid to neuro & pharmacology is included"

كل شابتر بيشمل الاتى :

1- Anatomy

2- Diseases (acute&chronic) which include:

Def. - Etiology - Clinical picture - Complications - Investigations - ttt



Posted Image


الدروس:-

الحقيقة ان الدرس فى الرمد مش ضرورى لو هتسمع وتتابع كويس...

اسمع لميييييييييييين ؟؟؟؟؟

د/ ياسر
المشكله انه طويل اوى بس ممتع لكن لازم تبدا من اول السنه

د/ عبد الحليم
نفس المشكله الطول بس رائع وناس كتير بتسمعه بس لازم كمان من السنة

د/ وائل
التسجيلات الجديدة متوفرة ووقته كويس وبتسمعه حسب نظام الكورس



ابدا المذاكرة امتى؟؟؟؟؟

طبعا لو هتاخد درس يبقى هتابع معاه ومتخليش الرمد يتراكم عليك

لو هتسمع ياريت من اول السنة ولو بمعدل قليل فى البداية

اافضل حاجة انك تخلص الرمد فى الروند بتاعه لو انت فى اول راوندين

لو الروند الـ 3 او 4 ياريت تكون مخلصه قبل الروند ويكون الروند مراجعة لانك هتكون عايز تراجع معاه حاجات تانية


:36_14_2:


أهم الشباتر

glucoma
cornea
lens
conjunctiva
retina
eye lid
uveal tract

Posted Image


درجات المادة:-


250

شكلهم كتير .......تعالوا نقسمهم

Round - 50

Written exam - 125

Slides - 25

Oral - 50

Posted Image


انصحكم بالاتى...

الرمد محتاج علشان يثبت انك تذاكر الجزء النظرى وتشوف الحالات والصور عليه ... ده هيساعدك فى الحفظ

منهج الرمد من المناهج اللى ما ينفعش تتقفل لاول مرة وتدخل تمتحن لان الامراض مشتركه فى نفس الاعراض ... وبالتالى لازم بعد ما تخلصها مرة تلم المنهج كله على بعضه .

بما ان الاندراوند مختلف وفيــه شفوى ... انت لازم تبقى مذاكر كويس وماتقولش ده شفوى اندراوند سهل... لا فى دكاترة بتسأل فى تجميعات وبيبقوا دكتورين او ثلاثة فى اللجنة بيسألوا لانه ب 20 درجة .

زى ما اتفقنا لو انت مش اول او تانى راوند مش هتسيب الرمد للاخر ....


:c043:  :c043:  :c043:


Posted Image


#5
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female

E.N.T

Posted Image




ENT= Ear,Nose &Throat

و بالعربى طبعا =انف واذن و حنجره

ماده الانف و الاذن ماده شيقه جدا و مليانه معلومات اكلينيكيه وعمليه قيمه

بس محدش يضحك عليكو و بقولولكو زى ماقالولنا ان الماده دى سهلــــــــة جدا و ماتحملوش همها خالص

لا لا لا

و انا باكد على كلمه لا لانها فعلا ماده تستاهل مجهودكم



نظــــــام الراونــــــد

اولا: شكل القسم اول ماتدخل يفتح النفس اصلا انك تروح و تحضر سواء في المستشفى او فى العيادة

ثانيا:القسم منظم جدا فكل حاجه سواء فى نظام المحاضرات النظرى او العملى او فى نظام الامتحانات

ثالثا:فى دكاتره كتيير فالقسم كفؤ و مؤهلين جدا على اعلى مستوى و على استعداد تام لمساعده الطلبه بدون اى مقابل (و طبعا هنتكلم عن اهم الدكاتره بالتفصيل ان شاء الله

طب هو فين اصلا القسم ؟و ايه نظام الروند؟و هندرس ايه بالظبط فالماده دى؟

القسم فى مستشفى القصر العينى الدور التانى هو فى قسمين.... قسم 13 و قسم 36

القسم بيكون شغال كل يوم من الساعه 9 للساعه 10و نص او 11

عدا يوم الخميس و ده اجازه رسميه للقسم و لكل الوحدات و للمحاضرات كمان

و فى يوم كمان اجازه لكل وحده و اليوم ده بيكون يوم العمليات ده بيختلف من كل وحده للتانيه


:a130:

اول نص ساعه او ساعه بيدخل نائب صغير يشرح عملى اساسا سواء على صوراوعلى الحالات اللى بتيجى تكشف فالقسم و احيانا كان بيدخل فى النظري

يعمل زى كده مقدمه لموضوع معين او يشرح الاجزاء البسيطه و الصغيره و ممكن برده يجاوب على اى اسئله تكونو مش عارفينها حسب نظامه

الساعه او الساعه و نص اللى بعد كده بيدخل الدكتور الكبير استاذ مساعد او استاذ .... نظام شرحه ايا كان بيكون ما يجمع بين النظرى و العملى و ده امتع حاجه فالموضوع ( ال
clinical application)

بمعنى ان الدكتور بيجيب معاه حالات واقعيه و بيكشف عليها قدام عنينا باستخدام المنظار و دى طبعا انواع كتير مش هندخل فيها دلوقتى

بالنسبه للعيادات هو طبعا كل العيادات متجمعه مع بعض زى مانتو عارفين جنب جامع الكليه

عيادات الاى ان تى فى الدور التانى

اول يوم فالروند طبعا هيفهموك ان فى يومين فى العيادات و 3 ايام فى القسم

و فى العيادات النظام زى القسم بالظبط مفيش فرق كبير


يمكن الفرق ان العيانين اكتر و فى فرصه انك تقف مع النائب بعد الشرح تتعلم منه و تساله و ممكن يسمحلك انك تكشف عالعيان بنفسك  اثناء الشرح ده مابيحصلش

لكن ممكن يطلب من حد منكو يتطوع و ياخد ال

history


:36_18_1:

احنا اول مره تقريبا نسمع عن الكلمه دى؟

و عايزه اقولك انك هتفضل تسمعها من هنا و رايح و لحد ماهتتخرج

و هتسمعها السنادى بس مرتين

مره فالرمد و مره فالاى ان تى

ال history

يعنى تاريخ المرض و دى حاجه مهمه جدااااااااااااا


هتسال العيان بمنتهى الاحترام و الانسانيه عن........

اسمه>>>>و ده مهم عشان تنادى العيان باسمه بعد كده احتراما لادميته

سنه>>>>لان فى بعض الامراض

متعلقه بالسن .....زى السرطانات يعنى غالبا مابتحصل فالسن الكبير

عنده اى امراض بيشتكى منها زى السكر او الضغط. او عمل اى عمليه قبل كده سواء فالمنطقه اللى بتكشف عليها او فاى منطقه اخرى...بس ده ممكن ينفع صراحه فالرمد اكتر بس برده احيانا بيفيد

متزوج و عنده اولاد و لا لا >>>>عشان بعض لامراض الوراثية

ساكن فين>>>>>لان بعض الامراض بتحصل فى محافظات معينه

زى ال rhinoscleroma

و دى بتحصل اكتر فالشرقيه و الفيوم و اكتر للسيدات فمتوسط العمر عشان كده انك تبقى عارف الحالة  male or female

ده مهم جدا

و بعدين تسال المريض بتشتكى من ايه ؟ و ده اللى اسمه ال

complaint


و لازم تفتكر دايما ان العيان ده انسان مش جثه فالمشرحه

فلازم تعامله معامله طيبه

طبعا المناطق اللى بنكشف عليه فالاى ان تى هى الاذن
ear
و الانف
nose
و الحنجره
larynx
و البلعوم
pharynx ,


و دى المناطق اللى المفروض هتدرسوها نظريا و عمليا اثناء الروند ان شاء الله


انتو هتتقسمو على 5 وحدات و هم :


وحده دكتور محمد حجازى

رئيس القسم

2.وحده دكتور طارق كامل

3.وحده دكتور هشام نجم

4.وحده دكتور اسماعيل زهدى




طب و بالنسبه لحضور الروند:

دى حاجه مهمه جدا و لابد منها حتى لو كنت بتاخد درس او بتسمع التسجيلات

ده مش عشان الغياب بس و لكن الاهم عشان بجد هتستفيد جدا من شرح الدكاتره و هتشوف حالات لما تشبع .....فحاول تحضر قدر الامكان

بالنسبه للغياب ده اكتر قسم بصراحه مابيهتمش بالغياب سواء فالروند (القسم و العيادات =الجزء العملى ) او فالمحاضرات (الجزء النظري )

و دى ميزه كويسه جدا,مش عشان تغيب لا,عشان بكده تقدر تحضر فالوحده اللى انت عايزها و مع الدكاتره اللى ترتاحلها
ايه ده......هو ده ينفع؟

اه ينفع .....

:e025:  :e025:

بس خلى بالك ده مش مع كل الوحدات ,لان فى بعض الوحدات بتدقق عالغياب و خاصه وحده د.محمد حجازى فمن الاول اعرف نظام الغياب و قرر هتحضر فين :11_hang:

و فى حاجه مهمه جدا لازم تجيبها معك عشان تحضر.....البالطو ثم البالطو ثم البالطو

اياك تنساه لان رئيس القسم بيتنرفز جدا من الموضوع ده و طرد ناس كتير بسبب الحكايه دى

  
:c004: :c004:

Posted Image

طب مين اهم و احسن الدكاترة اللى بيتواجدوا فى الراوند؟

بصراحه من كتر الدكاتره الكويسين ما شاء الله هتحتار تحضر لمين و لا مين

بترتيب ايام الاسبوع (لان كل دكتور معروف بيجى فيوم معين)


د.نسيم طلعت د. حازم  عبد التواب (يوم السبت فوحده د.اسماعيل زهدى فالقسم):

د.نسيم دكتور شاطر و اسلوبه بسيط جدا مابيعقدش المسائل بيربط النظرى بالعملى جامد و بيورينا حالات كتيير جدا و يمكن حالات نادره كمان فهتشوف اختلافات كبيره مابينهم
و ممكن برده يشرح اى جزء من النظري لو فيه مشكله بالنسبالك

د.حازم اسلوبه سهل وبيحفظك وانت اعد  وبيشرح كتير نظري
د. احمد عاطف (يوم الاحد فوحده د.هشام نجم فالقسم):

و ده دكتور ظريف جدا و فكاهى و انا عن نفسى بستنى محاضرته بفارغ الصبر لانى بستمتع بها جدا برغم من قصر مدتها فهو ممكن يعض يشرح ساعه واحده او يمكن اقل بس كنت بستفاد فيها جدا و مابحسش بملل
الدكتور ده بيعشق ال
larynx
جدا و مش بيشرح غير الجزء ده و بيقول فيه حاجات زياده عن كتاب د.مسعد
بس الميزه انه بيشرح الجزء ده قبل مابيتشرح فالمحاضرات فتبقى انت ملم بالموضوع من قبلها كويس قوى


د.مسعد (يوم الاثنين فوحده د.أشرف رجب  فالقسم)

و ده يوم د.مسعد بس يعنى مفيش دكتور نائب بيدخلك اليوم ده
لان دكتور مسعد زى ماقلتلك بييجى من الساعه 8 صباحا فبياخد اليوم من اوله
طب بيعمل ايه فاليوم ده؟
هو فالغالب بيشرح كيسز بس بطريقه نظريه يعنى بيديك سيناريوهات مش حالات واقعيه قدامكو،زى اللى هتجيلك فامتحان النظري و يديك ال
key words
لكل حاله و طريقه الحل المثاليه فاول محاضره ليه و بعدين يحل كيسز معاك فالمحاضرات اللى بعد كده على هذا الاساس

و لازم تيجى بدري عشان تلاقى مكان


:36_1_68: :36_1_68:
د.مسعد بالمناسبه من اشهر الدكاتره ان لم يكن الدكتور الوحيد اللى بيدى دروس فده بيديه خبره كويسه بالامتحانات سواء العملى او النظرى و بيبقى ليه توقعات اخر السنه احيانا بتصيب


د.حازم عبد التواب (يوم الثلاثاء فوحده د.اسماعيل زهدى فالعيادات)

د.حازم يعتبر اصغرهم سنا فعشان كده كنا بنحس ان الفجوه مابينا و بينه فالتفكير اصغر
لانه كمان كان بيحاول يبقى الدكتور و الصديق
و بالرغم من صغر سنه هو شاطر جدا و متميز فى طريقه شرحه
و برده بيربط جدا العملى بالنظري
نظام شرحه انه بيعرض سلايدز زى اللى بتيجى فامتحان العملى و يبدا يناقش معانا النظري اللى متعلق بيها

طبعا مش محتاجه اوصيك انك ماتفوتوش محاضره على قد ما تقدر
و احيانا كمان بينزل فالمحاضرات و كمان في اخر السنه بيعمل محاضرات مراجعه للعملى


:18_1_35: :18_1_35:

د.محمود فوزى (الاربعاء فوحده اسماعيل زهدى فالعيادات)

معتقدش انك شفت او هتشوف بعد كده دكتور زيه
فايه يعنى؟
فالتزامه بمواعيده و حرصه على اننا نستفيد و نطلع من الكليه عامه و من قسم الاى ان تى خاصه حبين الطب و متمكنين منه على اعلى مستوى
اكتر حاجه علمهالى انى يكون ليا طموح فالطب و انى اطور من نفسى و ابقى
up to dated
على طول لكل جديد فالطب
لدرجه انه كان بييجى كمان قبل معاده بربع ساعه و يحكلنا عن الفتره اللى اقعدها فى امريكا و ازاى اتعلم منهم الالتزام و الدقه
تحس كده ان الدكتور ده مش من القصر العينى ده دكتور اجنبى جايبينه من بره

فعلمه طبعا و الطريقه اللى بيشرح بيها
ايه ميزه طريقه شرحه عن غيرها؟
هو بيحل معانا كيسز بس بطريقه مختلفه
ازاى يعنى؟

يعنى مثلا فاول محاضره ليه بيجيب حاله وحده موجوده فعلا فالقسم والدكاتره نفسهم لسه ماوصلوش لتشخيصها لان ده واحد مش جى يمثل ده عيان و جاى يكشف او يتابع عند الدكتور بتاعه
و ممكن يفضل يناقش معانا الحاله اكتر من 3 محاضرات لحد ماتحس انك ممكن بالطريقه دى تشخص اى حاله تانيه فالدنيا
و فى كمان حاجه استفادتها و اتعلمتها كويس منه هو ان فى حاجه اسمها
differential diagnosis

يعنى ايه دى؟
يعنى و انت بتحاول توصل لتشخيص معين بيبقى فدماغك اكتر من احتمال للتشخيص على اساس تارخ المرض و شكوى المريض و الاعراض اللى باينه عليه او اللى اكنتشفتها انت من خلال كشفك عليه بالمنظار
و بعدين تبدا تستبعد بعضهم و تصل فالاخر لحاجه اسمها ال

provisional diagnosis

يعنى التشخيص المبدئى
و طبعا بعد كده لازم تعمل فحوصات و خطوات اكتر تعقيدا
اللى هيا ال
investigations
و ده اللى لازم تعمله عشان توصل بيه للتشخيص النهائى و الاكيد( ال
(definitive diagnosis

لو هتحضر سواء لد.حازم او لد.محمود فوزى لازم تروح بدري عن المعاد عشان بيبقو زحمـــــــــــة جداااااااااااااا
د.حازم بييجى عالساعه 9 صباحا

و دكتور محمود بييجى 8 بالظبط و يمكن بدرى عن كده شويه بس حتى لو حصل و جه بدري بيلتزم انه مايبداش قبل 8 بالظبط......اكيد عمرك ماشفت كده ....و لا انا بصراحه





Posted Image

المحاضــــرات

حضور المحاضرات اقل اهميه من الروند نفسه و لكن فى دكاتره كتير بتنزل كويسه و عندها خبره كبيره و شرحهم كويس ... منهم دكتور عصام عبد النبى و د.طارق كامل

لكن طبعا براحتك انت ممكن تكون من النوع اللى بيحب محاضرات و اكيد هتستفيد ان شاء الله لو فضلت ورا الدكتور بعد المحاضره عشان تساله عن اى حاجه غامضه بالنسبة لك

و برده لو حابب توقع كم محاضره لانك اصلا بتسمع تسجيلات مفيش مشكلة

بس خد بالك فى حاجه مهمه جدا الا و هى امتحان الشوك


:a102: :a102:

المحاضره بتبقى من الساعه 12 ل 1 او 1و نص و ممكن اطول من كده حسب الدكتور

ماعدا يوم الخميس و السبت دول بيبقو اجازه من المحاضرات

ايه امتحان الشوك ده؟

:a136:  :a136:
اكيد سمعتو عن موضوع الشوك ده ...تمام

الشوك عليه 5 درجات

و ده المفروض بيتعمل فاى وقت اثناء الروند في المدرج وقت المحاضره فعشان كده لازم تحاول على قد ماتقدر تتابع المحاضرات و تحضرها و خاصه لو كنت اخر روند اى ان تى......ليه بقى؟


:a090:  :a090:

عشان لو الاى ان تى عندك اول او تانى او تالت روند عندك فرصه كويسه ان الشوك لو فاتك تحضره فالروند اللى بعده

بس على الاقل لو مش هتقدر تحضر يبقى تتابع مع واحد تعرفه بيحضر بالتليفون

طب ليه يعنى كل ده ....عشان 5 درجات؟


:a227: :a227:

معلش احنا طبعا محتاجين كل درجه و خاصه انهم مضمونين ان شاء الله و سهل تجيبهم

هو بيبقى امتحان بسيط غالبا مابيكون فى صوره
mcq
بس على حظ الروند بتاعنا جت فيه
case
بس الحمد لله كانت سهله ماتقلقوش




Posted Image

الكتب


هو فى قدامك اكتر من اختيار و هحاول الخص مزايا و عيوب كل كتاب

كتاب د.مسعد:

و ده مشهور جدا و يمكن اكتر الناس بتجيبه

مزاياه:انه فيه اهم المعلومات اللى الطالب ال
undergraduate
لازم يطلع بيها من سنه رابعه و كمان يعتبر اصغر الكتب الموجوده فالكم فدى ميزه انه بيتلم بسرعه وقت الزنقه مع زحمه ال 3 مواد التانيه

ببساطه كده هتحس انه صغير بس فيه كل حاجه لكن بدون تفاصيل كتيره و معقده و كمان

ملون و فى صور توضيحيه كتير فكل موضوع ممكن حتى تفتكر بيها الكلام فالامتحان

عيوبه:ان زى ماقولتلكو ينقصه كتير من التفاصيل اللى بعض الناس شايفه انها بالنسبالها مهمه و خاصه فامتحان

الشفوى لان الدكتور ممكن يسال فى تفصيله لاى معلومه براحته و المفروض انك تكون جاهز بالتفاصيل الزياده دى عالاقل فاهمها

الحل بسيط جدا لو هتشترى كتاب د.مسعد يبقى لازم و حتما انك تسمع حصص الدرس بتاعه اول باول و دى هتلاقيها هنا فى فورامز ال
ENT

و ده عشان هو اثناء الشرح بيقول حاجات مهمه زياده عن الكتاب ... انا عن نفسي عملت كده



فى كتاب د.نسيم طلعت

هو غالبا ورق مش كتاب

مزاياه:متقسم كويس و فيه تفاصيل اكتر و جداول مقارنه بعضها مش موجود فكتاب د.مسعد
و لو اللى بيحضر مع د.نسيم اعتقد هسيتفيد منه اكتر و فى ناس نصحتنى انى اجيبه جنب كتاب د.مسعد

بس بصراحه مش عارفه عيوبه ايه؟


كتاب د.ماجد الشناوى:

مزاياه: ان فى معلومات كتير جدا زياده عن كتاب د.مسعد
و فى ناس اعرفها كانت بتجيبه و تزود منه حاجات على كتاب د.مسعد لان ممكن تنفعهم فالشفوى

و كمان بيوضح اكتر التيكنيك بتاع العمليات

عيوبه: كتاب كبير اوووووي :
ودة الكتاب المرجع اللي جاب منه دكتور مسعد كتابه على حد قول الزاعمين

بس هو فى بعض الناس تجد فده ميزه انه يعنى يشمل كل حاجه بس بينى و بينكو مفيش وقت كافى ليه خاصه لو كان الاى ان تى اخر روند عندك

مفيهوش صور خالص بالمقارنه بالباقيين
كلامه كتير و مليان رغي قوي
تقريبا اشبه بالتيكست من كترة كلامه


كتاب دكتور محمد فريد

مزاياه:
بعض الناس كانت بتذاكر منه .... هو عباره عن

·كتاب نظري كبير

وكتاب كلينيكال

وكتاب اسئله

الكتاب النظري عباره عن 400 ورقه ورقة شرح نظري وورقه رسوماااااااااااااات ... بصراحه الرسومات تحفه

يعني اللي مشافش الرسومات هيخسر جدا

يعني الكتاب دة يعتبر 200 صفحه

بس الصفحه مش مكربسه كلام زي كتاب دكتور مسعد

و بيقسم كل برانش للامراض بصورة سيستيماتك حتى لو في مرض عليه سطرين بيقوله برضه فبتبقى في الضمان حتى لو حتقراه على السريع

الكلينيكال دة بقى تحفه يعني برده صفحه كلام وصفحه رسومات

وكتاب الاسئله متجاوبه ينفع بقى نظري وشفوي وعملي بتاع كله

يعني برده كتاب مبدع جدااا


التلات كتب بيكملوا بعض لو انت استغنيت عن واحد يبقى في معلومات مش هتستفيد بيها

عيوبه:

  شكله: كبير وضخم واعتقد اننا متعودين يعني

لونه: مش ملون ودة شئ يدعو الى الكابه بس يعني بالماركر و الالوان وشويه استيكر الدنيا هتبقى احلى

كل حد يقرر بقى هو هيجيب ايه على حسب نظامه و اسلوبه و هدفه

طبعا كل واحد يشوف الكتاب اللى يناسبه و اللى يريحه هو و يجيبه


الملازم

ملازم الى ان تى كتيره جدا و هتفيدك طبعا اوى
هما كده package
على بعضه
ممكن حتى تجيبها كلها مره واحده من اول الروند لو عايز
و هتلاقيهم كلهم في مكتبه العالميه
طبعا منها ملازم مداد... ملزمه
differential diagnosis
و ملزمه للعملى بس فى واحده قديمه وواحده جديده عملناها السنه اللى فاتت

و فى ملزمه كيسز تانيه معموله فجداول و خطها صغير بس هى حلوه اوى على فكره و هتلملك الحالات كلها



Posted Image
الدروس و التسجيلات:

د.مسعد زى ماقولت هو اشهر واحد بيدى دروس نظري و عملى
و تسجيلاته هتلاقيها هنا على مداد ان شاء الله
و عموما لو حتى هتجيبها من اى حته هيكون الضوت واضح جدا ان شاء الله



:36_10_3:

Posted Image
  توزيعه الدرجات:

ماده الاى ان تى عليها كلها 200 درجه
متقسمه كالاتى:
100درجه تحريرى اخر العام او


درجه30 End round

30 درجه شفوى

40درجه عملى

10 درجات 5 للشوك و 5 لل
research

ال research ده
نظامه ان كل 4-5 بياخدو موضوع معين فالماده و تعملو عليها سيرش مش اقل من 5 صفحات تقريبا و درجته مضمونه ان شاء الله




:a115:   :a115:


Posted Image


Posted Image


#6
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female


الشــــرعى


Posted Image




هى مــادة شيـــقـــة جــدااا ...و تنقسم الى جزئين

شرعى

وده بندرس فيه علامات الوفاة والتغيرات اللى بتحصل بعد الوفاة .. انواع الجروح والكدمات ...
وجميع ما يتعلق بالقضايا الجنائية زى الانتحار والقتل ازاى نفرق بينهم فى حالة الطلق النارى والاختناق وحالة الاحتراق والغرق .. وهكذا


:36_6_7[1][1]:   :36_6_7[1][1]:


توكسو

وهى جزء يتعلق بالتسمم بالمواد الكيميائية المختلفة سواء سائلة او غازية سواء كانت مواد تستخدم فى الحياة اليومية او التسمم بالادوية


:36_14_9:   :36_14_9:

وما يتعلق بالموضوعات دى فى العملى :-

بينقسم لجزئين

  • المتحف
  • اللاب

المتحف طبعا فيه الجارات زى الباثولوجى كده
واللاب بيبقى مرة واحدة فى الراوند وبيبقى فيه ازاى اتعرف على انواع البصمة واحدد السن من الاكس راى او من بصمة الاسنان
وكمان فيه شوية سلايدز كده لها علاقة بالشرعى


نظام الراوند:-

مدة الراوند .زى الباقى 7 اسابيع والامتحان بيبقى فى نص الثامن

راوند الفورنسيك تانى اسهل راوند بعد الاى ان تى ... لان نظامه

داخل الراوند بيتم تقسيم الطلبة الى
اربعه مجموعات
A1 , A2 , B1 , B2

عدد الجروب فى الراوند بيكون تقريبا 250 طالب بيتقسموا لاربع مجموعات حسب ترتيب ارقامهم الجدول بينزل فى اول اسبوع فى الراوند فيه توزيعه الارقام على المجموعات بتاعتهم

وهى توزيعه للنظام ليس اكثر وبتفضل ثابته لاخر الراوند

وكل واحد بيعرف ان عنده يومين فى الاسبوع سكشن عملى ويومين توتوريال

جزء السكشن :- بيتشرح فيه العملى وبيشرحه مدرس مرتين فى الاسبوع

جزء التيتوريال :- بيتشرح فيه حاجات نظرى اكتر وبيشرحها استاذ او استاذ مساعد من القسم مرتين فى الاسبوع برده

غالبا بيبقى كل يوم فى حاجة بس ينفع تظبطهم ع بعض بحيث تنزلوا يومين بس

يوم الاربعاء اجااااااازة فى قسم الفورنسيك




:good: :good:


عيوب الراوند:- ماظنش ان له اى عيوب ... غير ان التوتوريال لا يختلف عن المحاضرة كثيرا


مميزاته : هيخليك تبقى ماشى مع المادة اول باول وممكن تتابع معاه النظرى كمان لان فيه حاجات بتتشرح فى العملى بس مش فى المحاضرات بالاضافة انك هتلم العملى اول باول


Posted Image
المحاضرات :

عندك اربع محاضرات فى الاسبوع الساعه 12 ... مدتها تقريبا ساعتين

مميزات المحاضرة : هتمشى مع المادة واحدة واحدة وهتلم نفسك اول باول خصوصا لو مش هتسمع شرايط ولا هتاخد دروس بالاضافة لتنبيهات الدكاترة على النقط اللى بتوقع فى الامتحانات

عيوب المحاضرة : بيمشوا بسرعه الصاروخ ... يعنى لو عديت يوم ولا اتنين من غير ما تزاكر اللى اخدته هتيأس ونفساويتك هتتعب وهتلاقى نفسك اتاخرت جدا

الخلاصة بالنسبه للحضور : لا فيه شوك فى المحاضرة ولا اى حاجة ... يعنى لو عايز تغيب براحتك بس لو مش بتسمع

شرايط يبقى لازم تحضر المحاضرات ... خصوصا ان الدكاترة شرحهم تحفة بجد وهتفهم منهم كويس اوى




Posted Image
الكتب


النظرى :

1- كتاب القسم
كتابين للشرعى والسموم


مميزاته : كتاب رائع ومنظم ولسه جديد ومفيش اى سورس تانى للمزاكرة ... واللى مش بيزاكر منه بيضيع النظرى


عيوبه : عيوب قليلة جدا زى اى كتاب قسم



2- ملازم مداد تلات ملازم للشرعى والسموم

مميزات:- مهمين لسماع التسجيلات ..

عيوب :-ناقصين عن كتاب القسم

العملى :

1- كتاب الاطلس

دة كتاب القسم فيه كل ما يهمك عن العملى والصور بتاعته بس ناقص فى الكومنت بتاع الجارات ودة

عمل ازمة فى امتحان العملى شوية

2- ملزمة مداد للعملى

كامله من مجاميعه .. يعنى تغنيك عن اى حاجة مع كتاب الاطلس

ملحوظة

الكتب اللى هتشتريها مجموعة كتب القسم " كتابين نظرى وكتاب اطلس ب 80 جنيه

وفى كتاب اسئلة للقسم برده ب 30 جنية ... ده مهم جدا من حيث التطبيق على الاسئلة ونامها علشان الامتحانات


:36_18_2:





Posted Image
الدرجات :-

المادة ككل من مجموع 200 درجة
- 70 درجة اندراوند ... وده بيبقى متقسم بين امتحان الاندراوند والغياب والشوك والبحث والعملى...

امتحان الشوك:- 10 درجات , دكتورة اسامه الباراني  هيقولكم معاده قبلها باسبوع وبتحدد فيه 4 شباتر من كتاب الفورنسك بس
مش شوك زى باقى الشوكات .... يعنى ما تتخيلش انك هتعرف تغش كلمه واحدة امتحان

عملى الفاينال:- كل سنة بيكون فى اخر السنة السنة دى هو فى اخر كل راوند , بيكون على الجارات والسلايدز وعينات التوكسو

امتحان الاندراوند:- 25 درجة دكتور دينا بتحدد فيه 8 شباتر بيبقى منهم 2 او 3 توكسو والباقى فورنسيك

- 100 درجة نظرى آخر العام


- 30 درجة شفوى وبتبقى لجنتين واحدة شرعى والتانية توكسو



ملحوظه مع ان د- اسامه بئه رئيس القسم السنه اللي فاتت الا ان دكتوره دينا


كان ليها  سيطره قويه  وحطة لينا امتحان اخر السنه والراوند

:) :)


كنا مبسوطين جدا


:10_9_134:



Posted Image

الدروس :-

اكتر حد كان مشهور فى الدروس دكتور شيرين ... بس هى للاسف بطلت تدى دروس من اول السنة دى

بس طبعا تسجيلات الدروس موجودة ع النت

هى ميزة دكتور شيرين انها بتقول حاجات تحفظ بها وخاصة التوكسو ... الحاجات دى بتسهل كتير لان طبعا التوكسو فى حاجات كتير متشابهة


فى برده دكتور خالد ع ما اعتقد
وفى دكتور عدلى كمان





Posted Image


طريقة المذاكرة:-

افضل طريقة للمذاكرة هى سماع تسجيلات الدرس والمذاكرة وراه على طول .. ده بيساعد فى تثبيت المعلومة جدااا


هل ممكن اذاكر حاجة تانية جنب الفورنسيك فى الراوند!!
فيه تلات طرق اختار الطريق اللى هتقدر عليه ولكن اولا واخيرا الشرعى لازم يكون رقم واحد

الطريق الاول
تذاكر مادة مع الشرعى يوم بيوم
دة لو كنت بتحب تنوع فى المزاكرة
احنا قولنا هتمشى بمعدل عشر صفحات كل يوم تسمعهم وتذاكرهم سماع العشر صفحات فى الشرايط هياخد متوسط ساعه ونص الى ساعتين حسب اهميه الجزئية اللى الدكتورة بتشرحها وبتطول فيها ولا لا وقول هتذاكرهم فى ساعه ونص زيهم يعنى تلات ساعات فى اليوم لو بعدها لقيت نفسك قادر تذاكر تانى يبقى ذاكر اى مادة تحبها



الطريق التانى

تقسيم الايام بين الشرعى ومادة تانية
دة لو انت مش بتزهق انك تذاكر كام يوم ورا بعض نفس المادة
انك تعمل اربع ايام لمذاكرة الشرعى بس ساعتها هتزود معدل اللى بتسمعه بدل شرح عشر صفحات هيبقى 12 صفحة مثلا عشان تعوض وتخلى تلات ايام لمذاكرة اى مادة تانية دة لو انت بتحب تركز يومك فى مادة واحدة بس


الطريق التالت

لو كنت مش هتعرف تعمل دة ولا دة
نصيحة بلاش تشغل نفسك ساعتها غير بالشرعى عشان تبقى عالاقل ضمنت انك خلصت مادة فى الراوند بتاعها كامله




Posted Image

فأنصحكم بالاتى :

1- بالنسبه للحضور :
لو هتسمع شرايط يبقى سيبك من المحاضرات ووفر وقتها لو مش هتسمع شرايط يبقى لازم لازم لازم تحضر محاضرات وهتستفيد منها جدا



2- بالنسبه لمذاكرة النظرى :

حضرتك هتجيب ملزمة مداد للشرعى وملزمة مداد فى السموم وهتسمع الشرايط وانت بتبص فيها ... لان الشرايط ماشية بنفس الترتيب بتاع الملازم وهتحس بتوهان لو سمعت الشرايط مع كتاب القسم بعد ما تسمع شريط تزاكره من كتاب القسم مش من الملزمة يعنى كل دور الملزمة انك تبص فيها وانت بتسمع الشريط عشان تفهم والمذاكرة من كتاب القسم فقط لا غير


3- سماع الشرايط :

اياك تسمع شرايط كتير من غير ما تذاكرها ... يعنى تسمع شريط واحد وتذاكره وبعدها تسمع اللى بعده عشان هتلاقى الدنيا اتكومت عليك وشبه بعضها اوى وهتكره الشرعى



4- بالنسبه للعملى :

على اخر اسبوعين فى الراوند حاول تدخل المتحف عالاقل مرتين تلاتة .... عشان تحفظ شكل الجارات ومذاكرة العملى خليها لاخر اسبوعين فى العملى بردة عشان تبقى ماشى على سكيم سهل وثابت ومش تلخبط نفسك ويكفيك ملزمة مداد للعملى مع كتاب الاطلس عشان تشوف منه اللى بتذاكره


5- تقسيم الوقت بين العملى والنظرى

حاول فى اول شهر ونص تكون خلصت النظرى لانه كتير " حوالى 310 صفحة "

لانه مش كبير ويتلم بسرعه


وفى اخر اسبوعين فقط تبدأ تذاكر العملى

6- لو الوقت زنقك فى اخر الراوند

يبقى الاولى هو العملى ... ثم المطلوب فى امتحان الاند راوند عشان مش تضيع 55 درجة من ايديك

7- اياك ان تغتر ان الراوند سهل وفاضى وتفتح مواد تانية

الا اذا ... وبقول الا اذا اهو

الا اذا كنت ماشى كويس فى الشرعى وعندك وقت فراغ ...
ساعتها ممكن تفتح حاجة تانية معاه

وانا قولت ازاى نقسم الوقت ونزاكر مادة تانية مع الشرعى

عشان فيه ناس شتت نفسها فى الرمد مع الشرعى ولا خلصوا دة ولا خلصوا دة



أخيرا وليس آخرا ...

الشرعى مادة لذيذة جدا ومزاكرتها بس بتبقى مملة احيانا خصوصا لو تراكمت عليك

حاول تمشى معاهم

:36_2_36: :36_2_36:


Posted Image


#7
Moon rise

Moon rise

    Medad Addict

  • 6th Scientific Member
  • 1071 posts
  • 88 topics
  • Year:Sixth
  • Gender:Female

لاى استفســـار عن سنـــة رابعـــة .... ادخل هنـــا

http:// http://www.medadteam...showtopic=19281




:salut:  :salut:  :salut:

Special thanx to .....

د. طبيبة مصــريـــة

د. أمـــــل جمـــال

د. يــــاسميــــن أشـــرف


جـــزاكن الله كل خيــــر


:a170:   :a170:


Posted Image


#8
dr.sss

dr.sss

    VIP Member

  • 5th Scientific Member
  • 534 posts
  • 51 topics
  • Year:Fifth
  • Gender:Female
بالتوفيق ان شاء الله يا شباب في سنه رابعه

بس نصيحه ما حد ينخدع فيها ولا يسمع كلام اي حد يقول عليها سنه سهله

ما فيش كده  

سنه عاوزة مجهود من الاول ويا ريت ما تركنش كل ماده في الراند بتاعتها في مواد محتاجه ولو قرائه بس من اول السنه  زي

الكومينتي والرمد

اكبر ما دتين واهم مادتين


واستمتعوا فيها كتير

لانها بجد مختلفه  وممتعه جدا  

وهتشوفوا فيها حاجات لاول ولاخر مره

:)

واخيرا  ماتكسلوش ابدا فيه وتنبهروا وتنسوا المذاكره

:)

Posted Image






1 user(s) are reading this topic

0 members, 1 guests, 0 anonymous users