0
الشرعي اكتر مادة اتخدعت فيها
علشان خدعوني فقالوا
انها مادة هبلة
انتي بتنزلي الكليه؟؟؟؟؟؟؟
يا بنتي دة شرعي
يعني يتذاكرفي البيت
كلام اكتر من فارغ
لان دفعتنا الموقرة _ اقصد المنحوسة _ اتغير عليها النظام
وبالذات الرواند بتاعي
ولان هي هي رئيسة القسم
فياريت بالله تستفيدوا م الشرعي
والوقت اللي فاضي في الشرعي
من اول يوم في الرواند حدد انت هتنزل اي يوم
هم يومين او تلاتة
والباقي دول هتذاكر فيهم شرعي اولااااااااااااا
مش تذاكر شرعي تاكل الشرعي
علشان الدكتورة فظيعه في امتحاناتها
وهابقى اوضح دة باذن الله
وبعدها تذاكر معاها مادة تانيه
اولا بالنسبه للتقسيمه
معلش مش لاقيت ورقه التقسيمه
المهم انكم بتتقسموا لجروبين
العملي
عندك يومين سكشن من 8 ل 10
بيشرحلكم معيد
وبيوريكم صور عن العملي وازاي تكتبوا الكومنت عليه
ويومين توتوريال من 10 ل 11.5
بيشرحلكم دكتور
بيشرح نظري
بس اللي بيتشرح في التوتريال مش بيتشرح في المحاضرات
فلابد انكم تحضروها
بجد هتستفيدوا اووووووووي
خصوصا لو الدكتور شاطر يعني
هيبقى في القسم عادي
مكانه
عارفين المكتبة اللي وار مدرج الف؟
هو بقى وراهم كمان
فوق مطعم الطلاب
ولا ماعرفش اسمه ايه
والمحاضرات
في مدرج 3 كل يوم ماعدا السبت وفي يوم تاني اجازة مش فاكراه
كدة يبقى العملي يومين
والنظري اربع ايام
ازاي يومين؟؟
لانك ممكن تخلي السكاشن والتوتوريال في نفس ذات الايام
هم هيحطوا تقسيمة عقيمه كدة وهتلاقي الدنيا اتبخلطتت عنك
هتنزل اربع ايام وحوسة بقى
لكن احضر السكاشن والتوتريال في يوم واحد
المحاضرات بقى
الدكاترة اللي بينزلوا كويسين
بس لو هتسمعوا شيرين ووقتكوا مزنوق يعني تبقوا تفكروا شويه في حكايه النزول
بس في دكاترة لو نزلوا في اي حتة
سواء توتوريال او محاضرات
لازم تنزلوا لو مخصوص
الدكتور خالد
الدكتورة شيرين
الدكتور محمد العدلي
الدكتورة اماني صلاح
والدكتورة عبير
معلش مش فاكرة الاسماء ثنائية لكن مش هتلاقوا اسماء متشابهة باذن الله
نظام الحضور
نظام الغياب بقى
بالنسبة للسكشن
بتاخد كارت اصفر مالوش لازمة كدة ب 5جنية
بيتمضي كل يوم م المعيد انك حضرت اليوم دة
وفي الاخر محدش يسأل عنه
مش معنى كدة انكم مش تجيبوه
لاااااا جيبوهوامضوا فيه
لان الدكتورة دينا رئيسه القسم مش مضمونه
وهتشوفوا عملت معانا ايه في المحاضرات
التوتوريال
ساعات بيمضوا وساعات لا
عادي يعني
المحاضرات بقى
دايمااااااااااااااااااااااااااااااا لا حد بيحضر ولا حد بياخد غياب
انما الدكتورة جت السنه اللي فاتت على الرواند التالت بتاعنا الجميل
وقالت كل يوم هيتاخد الغياب
لا وكمان موظف ما لقسم هيعدي على واحد واحد ياخده
لا وكمان الدكتور هينده ارقام عشوائية م اللي مكتوبة لكي يتاكد منصحة وجودهم فعلا
وقد كاااااان
مع انه ظلم علشان الرواند الاول والتاني محصلش فيهم كدة
لكنه حصل
وناس هتتحرم من دخول الامتحان
ومواويل كدة
وعلى فكرة لما ندهت على ارقام في اخر محاضره ليها
ولاقت ناس مش موجودة ومكتوب ارقامها
عاقبتنا جاااااااااااااااامد في الاند راوند
وكان امتحانا اصعب امتحان
وخلت علينا لود
*******************************
shock exam
مفيش شوك في الشرعي
بس في
mid round exam
ودة الدكتورة دينا بتنزل مشكورة
محاضرة ما
على فكرة جدول المحاضرات بيبقى متعلق في القسم
وبتقول فيها معاده
وبتقول فيه هيجيفي انهي تشابترز
تحذير هاااااااااااااااااااااام
الامتحان بيبقى مش سهل
وعاوز حد واكل الكتاب
والتصحيح مش فيييييير
بس فيه ميزه
انه بيخليك تذاكر
وان التشابترز اللي داخلة فيه هتدخل في الاند راوند
فلو ذاكرتهم كويس اوووووي يبقى شيلت من عليك لود كويس
الامتحان ب 10 درجات
5 عملي
و 5 نظري
النظري على التشابترز خلاص
والعملي بقى
هتكتب شهادة وفاة
وتقرير جروح ولا ماعرف اسمه ايه
الحاجات دي هتتعلموها في السكاشن
وموجودة في كتاب العملي من ورا
وورق الدكتورة شيرين مكتوب بالتفاصيل ازاي تكتبه
مرفوع اللينك اللي حطيته في الاول
اسمه ورق عملى تقريبا
مشكلته بقى
انه بالعربــــــــــــي
هو هتاخده مرة واحده وتمتحن عليه مرة واحده
لكن بخمس درجات
مش تضيعوهم بالله
وكمان تحذير هااااااااااااااااااااام
امتحان الراوند الاول بيبقى سهل
بيبقى صعب سنه في التاني
والثالث صعب شويتين
والرابع صعب اووووي
مش فير انا عارفة
بس خلوا بالكم يعني
الكتب
كتاب الدكتورة دينا
او تقدروا تقولوا كتاب القسم
كتاب شرعي
وكتاب توكسو
وكتاب عملي
الملازم بقى
في ملازم الدكتورة شيرين
اللي نزلت من مداد
او اللي عندسنترجيت
انا لا جبت دي ولا دي
مش عند بس مكنتش اعرف يعني
اللي عايزيجيب يجيب اللي في سنتر جيت
واحد كاتب ورا الدكتورة شرحها كلمة كلمة
وعامل الملزمة دي
لما نيجي نتكلم عن الدروس
ابقى اقولكم الدكتورة شيرين شرحها عامل ازاي
واهمية الملزمة
باذن الله
في ملازم تانيه
عملي وكدة
لما نيجي نتكلم عن العملي تفصيليا هابقى اقولكم رايي باذن الله
البحث بقى
بتتقمسوا كل خمسه تقريبا ولا كل عشرة مع دكتور
بتنزل ورقه فيها الارقام واسم الدكتور
والمعاد اللي بيقى الدكتور موجود فيه
كل واحد بيعمل بحث عن موضوع الدكتور يختاره
ويعمل منه ورق مطبوع
وكمان على سي دي
وتقرير الجروح دة
قال تنزل الطوارئ تجيب صورة وترسمها وتكتب التقرير
انا ساعتها اتلسعت وانا باقلي السمك
حرق م الدرجة الاولي
احمرار بس يعني
روحت استغليت الفرصة ورسمت ايدي وكتبت تقرير عن الحرق البسيط دة
هههههههه
في ناس نزلت الاستقبال
وفي ناس الفت جروح
كله بيعدي يعني
على حسب الدكتور اللي هيديك
شوف بس هيمشي الدنيا ولا لازم تنزل وتضيع وقتك
************************************************
التسجيلات والدروس
السلام عليكم من جديد
التسجيلات والدروس
مفيش غير الدكتورة شيرين
في عندكم في اللينك احدث حاجه 2009
وفي شويه من 2010
لكن لما عرفنا انها مش موافقه وان حرام نجيب حاجه من ورا الدكتور
وقفنا موال 2010
يعني ممكن تسمعوا في البدايه بتع 2010
وبعد كدة تكملوا م القديم
هو هو حتى لو كان 2009 قبل الميلاد
مميزات الدكتورة شيرين
بتسهل الموضوع جداااااااااا
بتعلم الحاجات وبالذات لو الموضوع فيه ارقام او يلخبط زي التوكسو مثلا
الشرعي عموما اسهل من التوكسو
التوكسو دة فضلا عن ان النطق غلط
بس دة النطق الشائع
المهم يعني انه بيلخبط ازاي
بيديك كل مادة ويقولك استخدمااتها لو ليها
واضراراها كسم
اعراضها
وازاي تموت
وتموت بعد اد ايه
والعلاج لو قدرت تلحق العيان
لو مقدرتش ومات شكبه هيبقى عامل ازي بعدالوفاة
تيجي بقى تطبق كل السموم اللي عندك ع الكلام دة
على اخر الكتاب تحس انك اتلخبطت
الدكتورة شيرين بقى بتحاول تعلم كل سم
بكلمة
بحرف
بقصه
بجد والله دة اللي بتفتكره في الامتحان
وفي الدرس
الدكتورة بتعمل امتحان اورال كل حصة
بتسأل الناس وكدة
فدة شئ لطيف
لكن خلوا بالكم
الدكتورة دينا رئيسة القسم
شأنها شأن كل رؤساء الاقسام
مش بتحب الدروس
ولا اللي بيدوا دروس
ولا اللي بياخدوادروس
ولا اللي بيعدوا قدام السنتر اللي بياخدوا فيه دروس
انا مش باكبر الحكايه بس هو كدة فعلا
الدكتورة شيرين ساعات بتنسى كلام في النص وهي بتشرح
الدكتورة دينا بقى بتحب الكلام دة وبتجيب منه
ولا تسألن عن السبب
بصوا بصفة عامة
الشرعي لذيذ اووووووووي
والتوكسو حلو اوي ويتلم
لكن مع وجود رئيس قسم صعب
الدنيا بتبقى مش اوي
فاهمني
نظام الامتحـــــــان
امتحان الميد رواند اتكلمناعنه
وفي توبيك كدة واحد زميلنا كان عامله ازاي تكتب الحاجات والتقاير دي
هانقلهلما اخلص رغي هنا
عليه 10 درجات
امتحان العملي
الامتحان كان كله سنة م السنين اللي فاتت
معاده
اخر السنة
لكن على حظنا كان في ناية الرواند
ودي حاجه حلوة جدااااااااااااااااا
على اخر السنة بتكون نسيت كل حاجه
لكن كدة لا بتبقى فاكر
بيبقى عبارة عن جارات
وعن كام عينة كدة بتعلق عليهم
في ملزمة بتاعت الدكتورة شيرين
واحده كاتبة وراها
موجوده في سنتر جيت
بجد لازم تجيبوها
متدخلوش الامتحان من غيرها
برده في موضوع كدة للعينات كنت عاملاه هابقى انقلهم
بس دول مش هتحتاجوهم الا في نهاية الرواند بس مهمين
العملي عليه 30 درجه
امتحان الارند رواند
دة بيبقى نظري
وبيبقى في قاعه الامتحانات زي الانف والاذن والحنجرة
عليه 25 درجه
وانت ونصيبك بقى في الاسئلة
لازم تكون مذاكر اووووووووووووووووووووي
علشان تعرف تحل
امتحان اخر السنة بقى
حسب ما الدكتورة بتحدد
مش بيبقى سهل
الاسئله بتبقى لفة شويه
برده عايز مذاكرة
انا مش باخوفكم
المادة سهلة لكن الامتحان لافف
امتحان الاورال
انت وحظك طبعا
لكن معظم الناس كويسين الحمد لله
لجنتين
لجنةشرعي ولجنة توكسو
كل واحده ب 15 درجة
اخــــــــــــــــر حاجـــــــــة
لازم تقروا م الكتاب بعد شرح الدكتورة شيرين
علشان ما يسقط سهوا منها لازم تلحقوا انت
لازم تحضر السكاشن ولو امكن التوتوريال بيفرق جدااااااااااا على فكرة
اخر السنة عملوا نظام مراجعة كدة
دكاترة رائعين نزلوا شرحوا
بجد بلاش تفوتكم
اللي هيحضر هيحس ان دكتورة شيرين كان واقع منها حاجات كتيرة
لكن برده تسمعوها علشان العلامات اللي بتقولها دي
لا غنى عنها في البيت الحديث
ما هو الشئ لزوم الشئ
ان بي غاية في الاهمية
ايا كان الشرعي بتاعك امتى لازم تخلص الكتابين
بتاع الشرعي وبتاع التوكسو خلال الشهرين
لان الاند رواند مش بيبقى في الكتاب كله
وفي ناس بتغلط غلطة شنيعه
بتدخل الاند رواند بال 6 تشابترز اللي بيبقوا علينا
مثلا يعني
ويجوا اخر السنة بيزنقوا زنقة فظيعه
وعلى فكرة الفاينال برده بيتحذف حاجات
لكن في اورال
ودة انت وحظك
فبالله عليكم بلاش تقعوا في الغلطة دي
وحاولوا تخلصوا معظم المنهج وبالذات التوكسو علشان بيتشال همه في الاخر
خلال الرواند وليس بعده
ومحدش يقول اهي نص السنة جايه ابقى اذاكر فيها
لا لا ذاكر فيها رمد
وفي ناس ضيعتها لا هي ذاكرت رمد ولا هي ذاكرت شرعي
فحاولوا تستغلوا وقت الراوند كويس جداااااا
على اد ما تقدروا
كل حاجه متعلقه ب الشرعى
http://www.mediafire...8114394287#73,1
Back to top
