7 replies to this topic

[dr.ahmed harhash 2020]

شباب خامسة .. بعد التحية

انا انتظرت كتيير قبل ما اكتب الموضوع دا

لحد ما اتأكدت انها شكوى عاااااامة

فقولت مابيدهاش .. لازم نتكلم هنا عشان نشوف حل

اولا شكرا لكل الطلبة اللى ساهموا فى اعداد ملزمة مداد فى الباطنة ..
لأنهم اكيد اجنهدوا وتعبوا على ماجمعوا الكلام دا


بس بصراحة فى حاجة مضايقة الناس كلها ان ببساطة الملزمة اسلوبها مش حلو فى عرض المعلومة لطالب لسة داخل مش عارف حاجة فى الباطنة

يعنى مثلا فى مواضيع كتيير فى الكراديو مكتوبة فى صورة نقط ورا بعض غير مفهومة وفيه بعض المعلومات اللى ممكن تتقال فى المحاضرة مش بتبقى فيها

وفيه حاجات محتاجة شرح .. لكن نتلاقيها مختصرة على اساس اننا المفروض عارفيين الكلام دا قبل كدة وبنراجع بس

دا بالاضافة للحاجة الغريبة جدااا ...

أن اسئلة ال  
MCQ
اللى بعد كل شابتر .. مالهاش علاقة بالشابتر

انا سألت واحد من سادسة .. قالى احفظ الاسئلة والاجابات زى ماهى كدة ..
عشان بتيجى بالنص

طب وبعدين ياجماعة .. الملزمة كدة شكلها مش يفتح النفس للمذاكرة خااالص ..
والمشكلة انها تعتبر المصدر الوحيد للاسف

لأننا لما سألنا دكتور محمد خطاب رئيس القسم .. قولنا له نذاكر من فيين ..

قالنا : لفوا على الدكاترة اللى بتشرح المحاضرات وخدوا منهم المحاضرات..

دا على اعتبار اننا هنلف على عشرين دكتور عشان ناخد منهم المحاضرات ونجمعها


اعتقد انا كدة عرضت المشكلة بين ايديكوا كما وردت على السنة كل طلبة الدفعة بلا استثناء محدش قالى ان الملزمة حلوة وسهلة ولذيذة خاااااالص

فيه احتمال اخير عشان مش نظلم فريق عمل مداد فى الملزمة .. ألا وهو .. ان ممكن المشكلة تكون مش فى الملزمة .. ممكن المشكلة تكون فى الباطنة نفسها ..

بما اننا فى خامسة ولسة مش عارفيين معومات شافية وافية عن مواضيع الباطنة .. وبكدة حاسيين اننا بناخد من كل فيلم اغنية .. ومش فاهمين الحوار على ايه


يعنى بالنسبة لطالب سادسة .. الملزمة دى سهلة اوووى لأنها تعتبر مراجعة على جزء ضئيل مما سبق دراسته لكن بالنسبة لطالب خامسة ..

عاملة زى ماتكون جزء من لغز .. ولسة بقيت الاجزاء مش ظاهرة ف الصورة

ياترى المشكلة فى الملزمة نفسها ... ولا المشكلة فى الباطنة نفسها .. ولا المشكلة فينا نفسنا ؟؟؟؟؟

حد يوضح .. انهى نفس اللى غلط فى الانفس الثلاثة دول

ياريت نسمع اراء سنة سادسة برضو .. عشان نستفاد

[hitman87]

تمام يادكتور
المشكلة مش فى اى انفس..ولو فيه حاجة فيهم غلط ينفع تتصلح نصلحها ..ممكن المشكلة الاكبر ان مافيش فى اى كلية طب  راوند باطنة خمس اسابيع ؟؟
=====
وبعد ماتخلص راوند الباطنة هتحس اصلا ان الملزمة كانت فيها معلومات اكتر من المطلوب
=====
بس هو فى سنة خامسة مش مطلوب كل المعلومات ..لان دا جزء صغير من الباطنة اللى هى بتدرس فى ساتة فى خمس شهور والجزء بتاع خامسة خمس اسابيع
فا دا كم المعلومات المطلوب ومش مطلوب قوى تزودو عن كدة عشان سنة خامسة اصلا نسا واطفال
وفى بداية كل شابتر مكتوب
lecture objectives
اللى حابب انه يزود معلوماته فى اى شابتر بس برضه مش تبذلو مجهود زيادة فى الباطنة ..ممكن العملى اهتمو بيه اكتر عشان هيفيدكو فى عملى الاطفال
======
والملزمة عبارة اصلا عن باور بوينت شرح الدكاترة او تفريغ للمحاضرة..مش شرح للباطنة  ..فممكن اللى عامل مشكلة اختلاف شرح كل دكتور عن التانى..نفس المشكلة اللى موجودة فى اغلب كتب الاقسام
======
وزمايلكو فى خامسة فى التيم بيتابعو مع المحاضرات و لو فيه محاضرات اتغيرت هيتم التنبيه ليها على السايت اوب ملزمة صغيرة بالمحاضرة اللى جدت او اتغيرت
======
بالنسبة للام سى كيو
هو الام سى كيو من كتاب القسم وكتاب
Davidson
وبييجو بالنص فعلا  منهم
لو النظام مش اتغير عن السنة اللى فاتت
======
و
فى انتظار اقتراحاتكم يادكتور وكل دكاترة خامسة عشان الملزمة تبقى بشكل افضل
مع الوضع فى الاعتبار ان الراوند خمس اسابيع ومش محتاج خالص استفاضة فى اى موضوع
======
وان شاء الله زمايلنا فى ساتة يفيدوكو اكتر منى
بالتوفيق ان شاء الله

[DREAM]

السلام عليكم 

اولا بس لازم  نوضح نقطة مهمة جدا 

وهى ايه ال target من سنة خامسة 

خامسة نسا واطفال مش جراحة وباطنة 

يمكن الاستفادة الوحيدة منهم فى سنا خامسة هى عملى الباطنة هيساعدكم شوية فى كلينيكال الاطفال 

غير كده الراوندين بجد  حرام يضيع فيهم وقت على حساب النسا 

بالنسبة بقى للملزمة زى ما د.هيتمان قال هى عبارة عن تفريغ للمحاضرات 

يمكن بس الاختلاف اللى حضرتك بتشوف انه موجود بين الملزمة وبين الشرح لاختلاف اسلو الدكاترة السنادى عن السنة اللى فات 

2 

بالنسبة بقى لطريقة العرض اللى فى الملزمة 

كتاب الكارديو بس فى ساته 234 صفحة 

فبالتالى صعب جدا ان طالب سنة خامسة يذاكر كمية المعلومات الكتيرة دى كلها 

وهى اصلا مش مطلوبة منه 

فكان لازم يبقى فى عرض للمعلومات من حيث الكمية والكيفية اللى يبقى مفيد لخامسة بس 

مش من حيث التفاصيل 

3 

ال mcq

هو ده اللى موجود من كتاب Davidson

والسنة اللى فاتت كان متححدلنا ايه ال mcq هيجى فى الامتحان 

وهو ده ال target

التانى من الباطنة فى خامسة 


تحصيل الدرجات من امتحان ال mcq 
لان التفاصيل والفهم هيجى ان شاء الله فى ساتة فى 5 شهور مش 5 اسابيع  

فهو العيب ولا فى الباطنة ولا فى الملزمة ولا فينا 

العيب فى راوند باطنة شهر ونص فى خامسة 

وبالتوفيق ان شاء الله 

  

[The LoRd Of The RiNgS]

لما نزل الدكتور محمد خطاب قال ان هيجي في الامتحان بالاضافة الي  الام سي كيو اسئلة انيوميرات وكومبليت
وبصراحة ذي ما قال دكتور احمد حرحش ان الملزمة اسلوبها صعب الفهم والحغظ كمان مع احترامي الكامل لجروب مداد الذين قاموا على وضع الملزمة وذي ما حضراتكم قلتو ان المدة قصيرة 5 اسابيع بس
طب هنعمل ايه؟
هل نجمع الام سي كيو ونحفظه طب دي فيه كمان اسئلة انيوميرات وربنا يستر

[dr_gironimo22]

عذرا على التدخل


انا مش قريت غير اول رد بس

فممكن ردي يكون مكرر

بس عامة

المشكلة يا فندم مش في الملزمة ولا الفريق اللى عملها

المشكلة ان كل دكتور له طريقة معينة في الشرح

كل اللى عمله فريق مداد انه نزل حضر المحاضرة وكتبها ورا الدكتور زي ما قالها

وبعدين اتجمعت ونزلت زي ما حضرتك شايفها

كمان المشكلة الاكبر مش بس في طرق شرح الدكاترة المختلفة

المشكلة ان الدكتور اللى بينزل يشرح كمية كبيرة في وقت قليل اوي !

وبالتالي مش بيقول كل حاجة

بيقول المهم وبس

عشان كدا الملزمة مش هتلاقيها مترابطة اوي ولا فيها شرح لكل حاجة

ملحوظة

انا ساتة قديم والملزمة اللى بتكلم عليها دي اكيد اتعمل عليها تعديلات كتيرة

او حتى اتغيرت كلها من الاساس

بس انا بحب اوضح الشغل المبذول في الملزمة

لان الناس دي تعبت فيها فعلا

عشان يبقى في سورس للدفعة تذاكر منه

ومعتقدش ابدا ان الاحتقان اللى حضرتك بتقول عليه من معظم الدفعة

يكون هو دا كلمة "شكرا"


عذرا على الاطالة

[dr/nemo]

Essalamu alaikom,
howa f3lan shokran lkol eli te3eb f elmalzama bta3et medad , e7na bnoshkorhom 3la ta3abhom gdan le2en mn gher elmalzama kan hayebe2a halna aswa2 bkteeeeeeeer awi makansh hayeb2a m3ana haga aslan nshoof menha,
eldrs saybenna mn gher haga w 3yzeena nzaker mn elpower points, w fen elpower points??? m3ana nossaha w kaman nezelet f el2a5er mn talaba katar 5erhom rafa3oha !!!!!
fa tab3an elnotes kanet mohema a7san men mafish but the problem that some topics have been completely changed ( hepatitis, renal failure.....) & so these topics should be rewritten  for our collegues in the next round unless the effort of all who shared in preparing medad notes will be lost w da haram lazem negaded elmalzama. yaret tegadedo elnotes.

[Eva]

the comment is gonna be seriously taken

thx a million nemo

[no way]

بعد  اللى شوفته فى الاطفال

انا مش هفتح غير عملى الباطنة لانه هيساعد فى عملى الاطفال

كل شوية الدكتور يقولنا عناوين ويقولنا انتوا عرفتوها من الباطنة هنزود عليها كذا وكذا


وهعمل زى ما قالى الناس بتوع سادسة

الملزمة دى تقراها يوم خميس بعد ما تكون زاكرت العملى وشكرا


والام سى كيو تقراه كذا مرة بتركيز او تحفظه زى ماهو


اكتر من كدة

مش يهمنى غير نسا واطفال