0
بعبع رابعه
الكوميونتى
موضوعنا عن طريقة مزاكرة الكومينتى
كل ما يخطر فى بالك باذن الله من الكتب ... لطريقة المزاكرة ... لتقسيمة الوقت .... للنقط المهم اثناء التركيز
ونبدأ بسم الله تعالى
فى البداية .... لحظة تفائل
الكوميونتى فعلا لذيذ
خلال الراوند هتلم 120 درجة مضمونين فى جيبك
25 درجة اوسبى , هتاخد 4 موديلز بالاجابة بتاعتهم وهيجيلك منهم واحد ... هدية مجانية يعنى
و 5 درجات للكراسة ودى تانى هدية
و 30 درجة للحضور يعنى بتلم بونص طول مانت ماشى فى الراوند بدون جهد
واخيرا 60 درجة اند راوند ... اسئلتهم بتبقى معاك وانت بتزاكر
اذا تفائل اخى الكومينتجى
لديك الان 120 درجة بتقولك خدنى وانت مطمن
امال الموضوع دة لازمته ايه
لازمته اخر السنة
تلم الكوميونتى وتزاكره صح عشان ترتاح اخر السنة
الكتب
عندك حاجة من اتنين
كتاب دكتور عمارة او كتاب القسم
الاتنين تقريبا زى بعض ومفيش بينهم اختلاف كبير
وان كنت ارشح لك كتاب القسم لانه فعلا اختصروه اوى عن السنة اللى فاتت
بالاضافة الى
كتاب للاسئلة بتاع الدكتورة مديحة
هما كتابين فوليوم 1 و2 موجود فى تصوير العالمية
فيه اسئلة النظرى " اغلب الامتحان بيجى منها باذن الله " + صح وغلط + ام سى كيو
طريقة المزاكرة
لاحظ ان الكومينتى ماهو الا تجميعه لحاجات انت درست اغلبها قبل كدة فى مواد اولى وتانية وتالتة
يعنى مش محتاج نهائى انك تسمع شرايط او اى حاجة لان الكلام سهل جدا ومفيهوش شىء صعب
والحاجات البسيطة اللى فيه ممكن تقف معاك هتتشرح بالتفصيل وهتفهمها كلها فى الراوند
اذا اتفقنا انك هتعتمد على نفسك فى المزاكرة ولو حضرت محاضرات يبقى خير وبركة
هبدأ ازاى وهزاكر ازاى ؟؟
Study smarter ... not harder = more points in the exam
ودة مبدأنا
هنقول الاول احسن طريقة لمزاكرة الكوميونتى ونبدأ نطبق ازاى
مشكلة الكومينتى انه متفرق الموضوعات وبيتنسى بسرعه
فالحل فى حاجتين
تلخص بايدك فى صورة مايند مابس او تلخيص عادى
وانك تراجع اللى لخصته كذا مرة
طب ازاكر ازاى برضوة ؟؟
افتح الكتاب واعمل زى ماهقولك عشان تطبق معايا وتشوف وتجرب بنفسيتك
هتمسك شابتر معين وليكن صفحة 20 communication & health behavior
من عنوانه هو نصين communication و health education
ابدا معايا بالموضوع الاول اللى هو communication
معاك ورق الاسئلة بتاعه الشابتر دة ( بتاع دكتورة مديحة تشتريه من مكتبة العالمية )
وقبل ما تزاكر كلمة فى الشابتر
تمسك سؤال سؤال فى الورق وتروح للكتاب تعلم عليه وتكتب مثلا هنا Q: list
كل الاسئلة اللى فى الورق تعلم عليها فى الكتاب
ونبدأ نزاكر بقى
اقرا الاول عناوين الشابتر كله وبقول عناوين
ومعاك قلم ماركر تعلم به على العناوين
لقيت فيه عناوين رئيسية كالاتى :
الراجل عايز يعرفنى يعنى communication يعنى التواصل .. ايه فايدته ؟ وايه هى العناصر بتاعته اللى محتاجه عشان يحصل تواصل
, وبعد كدة ايه انواع التواصل دة ؟ , وايه هى المهارات اللى لو اكتسبتها اقدر اتواصل مع اللى قدامى بشكل بيرفكت
واخيرا ايه اللى ممكن يخلى مفيش تواصل ويهد كل اللى ببنيه ؟
هات ورقة بيضا حضرتك
واكتب فى نص السطر فوق خالص communication
ونزل منها اسهم بعدد النقط اللى قولتها دى
واكتب كل نقطة تحت سهم زى الصورة دى مثلا
وارجع لنقطة نقطة فى الكتاب وخد العناوين الفرعية بتاعتها واكتبها فى الورقة بتاعتك
كدة انت عملت ورقة بتعرفك محتوى الشابتر كله
دى كدة اسمها مايند مابس
عشام لما تيجى تفتكر الشابتر دة بعد كدة هتفتكر الورقة اللى عملتها بايدك
وهتقول اه دى اللى هنتكلم فيها عن كذا وكذا وكذا
دة كدة ال communication
انا فهمت الشابتر بيتكلم عن ايه خلاص
المزاكرة بتاعه النقط دى بقى
هبدأ بقى اقسم العناوين الرئيسية دى لساعات مزاكرة عشان ابدأ ازاكر المزاكرة اللى هى
هقول مثلا ان اول عناونين صغيرين ياخدوا ساعه اللى هما purpose & elements
وهكذا حسب عدد الصفحات بتاعه كل عنوان
كدة انا قسمت الشابتر على وقتى وحطيت لنفسى تارجت هخلصه فى قد ايه
كلمة السر فى مزاكرة التلخيص فى الكوميونتى انك تركز على العناوين
لان امتحان الاند راوند مش بيسال غير فى العنااااااااااااااااااوين فقط
وافهم المحتوى
وصيغه باسلوب حضرتك فى كلمات اقل
ولو فيه مثلا عنوان بيتكون من نقط كتيرة
رتب النقط دى حسب الطريقة اللى تحفظها انت
يعنى مثلا :
بص فى الكتاب صفحة 20
هنقول ال purpose of communication بين اى اتنين فى الدنيا هو كالاتى بترتيب منطقى سهل يتفهم ويتحفظ
(Trust > reassure the patient > give him information > persuade & make decision > solving the problem )
ما تحفظش الكلام اللى تحت كل حاجة
مجرد انك فهمت كل نقطة منهم معناها ايه تقدر انت تتكلم عنها
وهكذا
امحى الزوائد ووفر ذاكرة مخك للكلام الاهم
لما تيجى تلخص اى حاجة شيل الكلام اللى مالوش لازمة من غير ما تأثر على المعنى
اختصر تلات كلمات فى كلمة تدى نفس المعنى
مثال :
اول نقطة فى عناصر صفحة 20 بتاعه trust مكتوبة فى سطر وربع
ممكن انا اكتبها كدة
talking to patient & accurate history >> +ve relation & build trust
اختصرتها انت كدة لنص جملة فيها الخلاصة
بيتهيالك انها مش هتفرق وحاجة عبيطة
بس صدقنى والله نصيحة مجرب هتفرق معاك لما تخلص الشابتر كله
هتلاقى ان الشابتر دة 7 ورقات وانت عملته فى تلات ورقات بس
وهيفرق كمان فى وقت المزاكرة والمراجعه خصوصا قبل الامتحان
طيب ابدأ ازاكر منين ؟؟
الاهم فالمهم والقراءة فقط للغير مهم
يعنى هتبدأ بالشباتر المهمه ... الخلاصة هتبدأ بفوليوم 2
لان اغلب الاند راوند منه
حتى الفينال اغلبه من الكتاب التانى فوليوم 2
nutrition , general epidemiology , droplet infection
بالاضافة ان اغلب الصعوبات اللى فى فوليوم 1 هتتشرح فى الراوند وهتفهمها كلها باذن الله
ولو حبيت تاخد موضوعات مهمه من فوليوم 1
يبقى reproductive health , measurement of health ومعاه demography
كدة خلصنا كل ما يتعلق بالمزاكرة وطريقتها
تقسيمة الوقت
خلى اول يومين تلاتة فى الراوند ( اللى مفروض انهم عدوا خلاص ) استكشاف للمادة ونظامها
لكن اعتمد فى تقسيمة المزاكرة دايما على عدد الصفحات وعدد الشابترز
يعنى مثلا هتحسب شابتر ال nutrition اللى هو اول شابتر فى فوليوم 2
عشان احسب له وقت
لازم زى ما تفقنا قبل ماتزاكر تمسك الاسئلة بتاعته وتعرف ايه الاهم فالمهم
وعدد صفحات الحاجات المهم اللى هتزاكرها فيه كام صفحة
لقيت ان الشابتر دة مثلا 40 صفحة
اول 20 منهم مفيهوش اسئلة خالص بتيجى .. يعنى قراءة فقط
يعنى ازاكرهم خفيف للمعلومات وعشان تبقى فاهم اللى بعد كدة من الشابتر لانه مترتب عليهم اخر 20 صفحة
واخر 20 صفحة فى الشابتر مليان اسئلة بتيجى فى الامتحان
يبقى المفترض انى عندى مزاكرة اول 20 صفحة قراءة بتركيز , ... واخر 20 صفحة مزاكرة مزاكرة بالطريقة اللى قولناها
القراءة بتاعه ال 20 صفحة اللى مش مهمين اوى تاخد ساعتين بالكتير
ومزاكرة اخر 20 صفحة المهمين بقى تقسمهم على وقتك
بمتوسط تلات ورقات لكل ساعه
ودة متوسط سرعه السلحفاة ... يعنى مفيش اهدى من كدة خالص
يعنى تقريبا 7 ساعات
يعنى تزاكر الشابتر كله فى 9 ساعات
زاكر ساعه وريح 10 دقايق او ربع ساعه
وفى النص نام شوية
يخلص معاك الشابتر فى يوم
لو انت بتسافر زى حالاتى واغلب يومك بيضيع
يعنى هيخلص معاك فى يومين كحد اقصى
وتقسم باقى الشباتر بنفس الطريقة
كدة يبقى انت حطيت جدول زمنى لمنهج الكومينتى
ملحوظة مهمه اوى :
لو مثلا لقيت ان الكومينيتى هيتقسم على 15 يوم مزاكرة
اعمل حسابك على 3 : 5 ايام زيادة فى الجدول يطلع المحصلة 20 يوم
تحسبا انك وارد اوى تضيع كام ساعه تتاخر فيهم تكون مأريف من المزاكرة
او تنام شوية من وقت المزاكرة
او يضيع منك يوم ولا يومين مالكش نفس تزاكر فيه
بحيث انك تخلص برضوة فى رينج ال 20 يوم بتوع الجدول
حتى لو حصل اى طوارىء ومش زاكرت فى يوم ولا اتنين تبقى مأمن نفسك فى مسالة الوقت من غير ما يسرقك الوقت
اخيرا يتبقى اننا نقول النقط اللى لازم نركز عليها واحنا بنزاكر كوميونتى
1- انوى قبل ما تبدأ اى حاجة انك عايز تتعلم ... وان هدفك تفيد الناس بالكلام اللى هتزاكره دة عشان ربنا يكرمك ويباركلك
وحط فى بالك ان مادة زى الكومينتى هتديلك معلومات كتيرة اوى
معلومات هتلاقى حد بيسالك عنها كل يوم فى حياتك
طبعا مش الكومينتى كله كدة
بس بجد هيفيدك سواء فى معلومات الصحة او التغذية او الامراض
2- المزاكرة محتاجه جهد وتعب ... عايزة تصميم ومش تزهق
يعنى قاوم نفسك اول باول
واعرف ان ربنا بيكرم اللى بيتعب وبيديله اكتر ما يستحق كمان
3- ودى نقطة مهمة اوى ... الدال على الخير كفاعله
لو انت بتعرف تلخص كويس ... انشر تلخيصك لزمايلك
صدقنى والله هتلاقى ربنا كرمك اوى بسبب حاجة زى دى
حتى لو مش بتعرف تلخص ... لو لقيت ورق تلخيص كويس او مايند مابس ... انشرها واحتسب اجرها عند الله
وصدقنى " ان الله فى عون العبد ما دام العبد فى عون اخيه "
4- اطحن نفسك فى راوند الكومينتى عشان اولا تلم درجاته فى الروند وتطمئن نفسيا
وعشان ثانيا تخلص من المادة فى وقتها وترتاح اخر السنة
بكدة اكون قولت تقريبا كل اللى عندى
يارب يكون الكلام مفيد ومش يتوه وتقدروا تستغلوه
وبالتوفيق ان شاء الله لنا ولكم
وتحت امر حضراتكم فى اى استفسار
Back to top
