Jump to content

مديريات وزاره الصحه


  • You cannot start a new topic
  • You cannot reply to this topic
8 replies to this topic

#1
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male


في اختيار وترتيب الادارات الصحية

- من حيث الاسوأ والاحسن

- الأبعد والاقرب من القاهرة

- مدير الادارة كويس ولا وحش

- التفتيش كتير ولا قليل

- التقييم والحوافز منتظمة ولا لا


القاهره فيها حاجتين مهمين

اولا الانضباط في الشغل يعني تقريبا كل يوم هتنزل الشغل

التفتيش كتير جدا الصبح وفي النبطشيات حتى في السهر كمان

بالنسبه للفلوس فعادة مش بتتاخر بس التقييم 100% بس مش 250 زى باقي المحافظات

القاهره عموما كلها مراكز مش وحدات والعدد بيكون كويس وفي دكاتره كتير اكبر مننا

نكلم بقى عن الادارات

اولا في ادارات صعب قوي تتكلف فيها الا لو ليك واسطة جامدة او مجموعك عالي جدا

ودي زي مصر الجديدة - مدينة نصر - النزهه

باقي الادارات مش بتختلف كتير

لذا من راي ترتبوهم حسب الموصلات مش شرط الاقرب جغرافيا

لان ممكن تكون قريبه بس مواصلاتها مش حلوة وتركب اكتر من حاجة

تكليفي كان في مدينة السلام تعتبر بعييدة بس مواصلاتها كويسه

لكل سكان مدينه نصر والنزهه وشيراتون

المراكز هناك كويسة جدا جديدة ونظيفه

بس المترددين عليها صعبين نوعا ما يعني يتخانقو علي اي حاجه

ادارات عين شمس والمطريه كويسين والزيتون بيشكره فيها اوي

الزاويه والوايلي نص ونص

منشية ناصر والمقطم اللي اعرفه ان فيهم مراكز في اماكن صعبه والناس مش كويسين فيها



ان التكليف فى مدينه القاهره بيتبنى سياسه الدورات
ثلاثه شهور تنظيم اسره
ومثلهم اسعاف
ومثلهم رعايه اوليه (اطفال وباطنى)
ومثلهم مش فاكر ايه
يعنى تسع شهور فى المركز بتاعك وثلاثه فى الاسعاف اللى كان على ايامنا فى مركز الاسعاف فى 26يوليوا او ااى مركز اسعاف تانى



ادارتى الشروق وبدر الطبيه
اولا يتبعان مديريه الشئون الصحيه بحلوان

منطقه الشروق وبدر الطبيه(سابقا)
كانوا على ايامنا اداره واحده
الان انفصلوا الى ادارتى الشروق(بالشروق شارع البحر) وبدر (بمدينه بدر المركز الطبى)
كانتا تتبعان مديريه الشؤن الصحيه بالقاهره
الان تتبعان مديريه الشئون الصحيه بحلوان

نبداء باداره بدر الطبيه
الان يتبعها مركزين طبيين(كانوا على ايامنا مركز واحد وحيد)
احدهما توجد بداخله اداره بدر (يعنى ليل نهار هيبقى وشك فى وش مدير الاداره يوميا قاعد على قلبك فى السكن)
والثانى بمساكن صبحى حسين(اسواء منطقه فى بدر من حيث طبيعه الناس اللى ساكنه هناك كان بيضرب بهم المثل فى سوء السلوك)

ثانيا
المزايا والعيوب

اهم العيوب
*المواصلات
هناك طريقتين للوصول اليها
من رمسيس مباشره الى المدينه عبر طريق الاسماعيليه الصحراوى رحله تستغرق حوالى ساعه ونصف فى زحام خانق
من موقف العاشر وهنا هتضطر انك تنتظر اتوبيس رقم 3.ممكن تقف ساعتين تلاته فى انتظاره وحين يلوح فى الافق شبح الاتوبيس تجد صراع شرس من اجل الحصول على مكان للوقوف (اخر مره اشتكينا لجهاز التعمير ووعد ان يوفر عدد اكبر من الاتوبيسات)
يعنى اول عيوب التكليف هناك هو المواصــــــــــلات لو عندك عربيه ممكن تكون المشكله اقل بس هتقابل مشكله تانيه المسافه الى مدينه بدر من مدينه نصر تزيد على 50كم تقطعها ذهابا وايابا (على حسب تقدير زميلى القاطن فى مدينه نصر)
على ايامنا لم تكن هناك مشكله لان الحضور كان يـــــــــــــــــــــوم واحد فقط اسبوعيا تعقبه عياده تدوم الى الساعه12 فى اسواء الظروف بعدها تقبع فى بيتك بقيه الاسبوع
ملحوظه مشكله بعد المدينه عن وسط القاهره كان فى حد ذاته ميزه لان اى تفتيش كان بيفكر الف مره قبل ما يتهور وينزل يفتش على المركز الطبى وكانوا بعتمدوا على التليفون فى التفتيش(تفتيش من منازلهم)
ملحوظه دلوقت الاداره فى سكن الاطباء داخل المركز الطبى يعنى تفتيش يومى اللهم قد بلغت اللهم فاشهد


العدد المحدود من اطباء التكليف
الان
بعد افتتاح المركز الطبى الثانى بمساكن صبحى حسين واخلاء اغلبنا للنيابات والجيش اصبح لايوجد فى المدينه كلها سوى 3 اطباء تكليف ملزمين بتغطيه مركزيين طبيين وسكان يربوا تعدادهم عن 100 الف نسمه
ملحوظه بعد ايام سيبقى فى المدينه فقط طبيبين لان الثالث سيخلى للجيش


السكن
كان لنا شقه كامله بها كل الكماليات للطبيب النوبضجى فى المركز الطبى
الان تم احتلالها من قبل موظفى اداره بدر الطبيه تاركين فقط غرفه واحده للاطباء(من اصل اربع غرف ومطبخ وصالتين و 2 حمام)

نظام الحضور
الان بسبب النقص الحاد فى عدد الاطباء اخر ما سمعته ان الاداره طلبت منهم الحضور 3 ايام فى المركز الطبى ومثلهم فى صبحى حسين(حتى لو انت من القاهره مش هتقدر تحضر يوميا لبعد المسافه كان افضل شىء فى بدر هو نظام الحضور بس من الممكن لو العدد زاد يرجعوا نظام الحضور السابق (تلات ايام عيادات او يوم نوبضجيه يعقبه عياده)
مش فاكر عيوب تانيه
لو افتكرت حاجه هاضيفه ان شاء الله

عدم وجود مستشفى فى المدينه

حتى الان لا توجد مستشفى فى مدينه بدر بالرغم من العدد الكبير للسكان اقرب مشفى هى العاشر او السلام ودى عاوزه رحله طويله للخروج من المدينه والوصول اليها واساسا مفيش مواصلات داخليه سوى اتوبيس رقم 3 الشهير وده هيحطك فى مواقف صعبه الاسعاف دائما وكالعاده بتاتى متاخره(وبرده قدمنا شكوه جماعيه الى جهاز المدينه وطلب نقل الاسعاف الى داخل المركز الطبى وكان فى رفض من الاداره من اجل الحفاظ على سياسه التزويغ المتبعه)

اخر كلام انهم خلاص على وشك افتتاح مستشفى بدر الحكومى

المميزات


للاسف بعد انفصال محافظه حلوان عن القاهره وما تبعه من انفصال اداره الشروق عن شقيقتها بدر فان مميزات التكليف فى مدينه بدر(والتى كانت تنحصر فى حضور يوم واحد وحيد تتقاضى عليه بدل نوبضجيه من الجهاز يبلغ 50جنيها وتحصل بعدها على 3 ايام بدل راحه بقرار توافقى من مديريه الشئون بالقاهره وعدم مسؤليه عن اى شىء سوى اجراء الكشف وكتابه العلاج)
كل تلك المميزات اختفت لم يبق منها سوى انك لن تكون مسؤلا عن اى شئون اداريه
معك فى المركز 2 صيدلى يتناوبان العمل بالصيدليه على مدى الاسبوع ومديره مركز ونائبه لها يتوليان الشئون الاداريه وطبيبه صحه تتولى ما يختص بالمواليد والوفيات(بالمناسبه لو تم تكليفك فى بدر لا ترضخ للاغرآت الماديه التى يتقاضاها طبيب مكتب الصحه لسبب وجيه بلاش نذكره على العام هنا)
يعنى كل المطلوب منك انك تختار عياده وتقعد فيها تكشف على كام عيان وتروح

بقيه المميزات الماديه بتشمل
1*تعتبر مدينه بدر من المناطق النائيه وبالتالى يتقاضى الطبيب حافز ال200% الى جانب حافز ال150% وكل كام شهر بيقوم الجهاز بصرف مكافئه ماديه للاطباء لتشجيعهم على الحضور(ده عوضا عن بدل النوباضجيه التى اضطر الجهاز الى ايقافها بعد الموقف الشهير من مديره مديريه الشئون الصحيه بالقاهره وبلاش نخوض فى تفاصيله )
2*كل العاملين باداره الشروق وبدر الطبيه من النساء وده كان له ميزه كبيره على ايامنا انهم متعاطفات معنا(باستثناء شخصيه وحده او اتنين تطبق الروتين الحكومى بحذافيره على حسب حالتها المزاجيه )لكن الاغلبيه متعاطفه جدا جدا جدا بيحاولوا فى حدود امكانياتهم يجنبوك الجزائات

يبقى لكم اداره الشروق الطبيه
بسرعه كده هى نفس مميزات بدر وتزيد عليها ان نوعيه الناس فى الشروق (اغلبهم سكن ادارى اطباء وصيادله وفئات مثقفه اخرى عكس بدر
هناك اربعه مراكز طبيه
مركز 63
مركز المستقبل (اساسا ده مركز تنظيم اسره وما يعرف بالرائدات )
مركز ال 100 متر (وده المركز الرئيس والاكبر فى المدينه)
المركز الرابع مش فاكره
مواصلات الشروق اسهل واكتر لانها اقرب من بدر
مركز ال100 متر قعدت فيه فتره هو نفسه مركز طبى بدر بس نائب المديره على ايامنا كان عليه تحفظات
مركز ال63 متر اسمع من زميلى انهم كانوا بيطبقوا نفس نظام بدر فى الحضور والشغل ومتعاونين جدا
مركز المستقبل لم اسمع عن احد اتكلف فيه(بس هو متميز بالصحه الانجابيه)



اللهم اغفر لى ولوالدى وارحمهما كما ربيانى صغيرا


#2
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male

دارة الشرقية
ادارات محافظة الشرقية

محافظة الشرقية عموما .. هيه محافظة تبعد عن القاهرة مابين ساعة لساعتين وفي المدن البعيدة حوالي تلات ساعات .. مواصلاتها للقاهرة كويسة ومتيسرة 24 ساعة
وكيل الوزارة الدكتور: سيد ابو الخير .. راجل محترم الصراحة
وبينصف الطبيب ضد جبروت مديري الادارات .. وبيدي نمرته لاي دكتور تكليف عشان يستقبل اي شكوى
الادارات ( الزقازيق - ههيا - ابو كبير - فاقوس - الحسينية ) دول على خط واحد
(منية القمح وبلبيس ) خط لوحده
( كفر صقر واولاد صقر ) خط لوحدة
مشتول السوق : مش عارف فيها ادارة ولا لا ( بس هيه قريبة جدا جدا من القاهرة )



ادارة الزقازيق (( الادارة اللي فيها بتاخد مجاميع عاليه عشان اوائل الدفعة في الجامعة بتكون هيه اول رغباتهم ))
التفتيش فيها بيبقى شديد عشان قرب المديرية والمحافظة
المواصلات من القاهرة سهله وكويسة



ادارة ههيا ادارة كويسة وقراها مش متطوحة .. بس التفتيش عليها شديد شوية عشان قرب الزقازيق


ادارة ابو كبير (( من الادارات الكويسة والتفتيش عليها حنين .. وبرضه مش فيها تطويح ))


ادارة فاقوس (( ادارة وسط )) مدير ادارتها راجل محترم .. وفيها وحدات متطوحة جداااا .. وفيه وحدات قريبه .. يعني ممكن ممكن تروح اماكن مستريحة وومكن تروح اماكن مالهاش مواصلات
التفتيش فيها على حسب القرب من الادارة .. بعيدة عن القاهرة حوالي ساعتين


ادارة الحسينية: اياك اياك اياك ثم اياك .. ادارة مدير ادارتها رهيب .. هو طالع معاش قريب بس اللي بعده افظع منه .. الحسينيه فيها وحدات في الجبل .. اغلب وحداتها مالهاش مواصلات
فيه وحدات ممكن تركبلها اربع وخمس مواصلات
التفتيش عليها على حسب مزاج مدير الادارة ..
نصيحة .. للي من الشرقيه او خارجها .. ابعد عن ادارة الحسينية نهائي
الحسنة الوحيدة اللي فيها ان فلوسها شبه منتظمة


ادارة اولاد صقر وادارة كفر صقر : من الادارات القريبة من محافظة الدقهليه ..
اقرب للمحافظات الاخرى منها لمدن الشرقية ..
يعني اللي من الشرقية تبقى الادارتين دول اخر رغباته في المحافظة .. التفتيش عليها شبه يومي .. مدير ادارتها بتاع وسايط اوي .. حوافزها غير منتظمة .. وليا زمايل فيهم لسه مش خدو تقييم شهر 10 و11 و12 لحد دلوقتي




ادارة منية القمح وادارة بلبيس ...اقرب ادارتين للقاهرة .. ماعرفش عنهم معلومات الصراحة




اللهم اغفر لى ولوالدى وارحمهما كما ربيانى صغيرا


#3
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male

إدارة بني سويف
بني سويف اقرب محافظات الصعيد الي القاهرة(ساعة ونصف الي ساعتين بالقطار او الميكروباز)

عموما المواصلات سهله لكن لو هتقضيها قطر يبقي احجز قبل سفرك بيوم ع الاقل الميكروبازات 24 ساعه من والي القاهرة

الادارات من الشمال الي الجنوب

الواسطي: واحده من أسوأ الادارات سواء من حيث اهل الواسطي نفسها اللي غاويين مشاكل ومبيحبوش الاغراب بشكل عام ...انتهاءا الي التفاتيش والفلوس اللي بتتخصم ولو مخصموش يبقي ع الاقل الفلوس هتتأخر اوى

الوحدات فيها كتير بعيد يعني هتركب مواصلتين ده اساسي الي الواسطي ومنها الي مكان وحدتك

ناصـــــــــــــــر: بينها وبين مدينه بني سويف نفسها اقل من عشرين دقيقه
اهلها عموما طيبين ...بس فيها وحدات بيتعدى لها بمعديه وجو كده
الادارة هناك مش وحشه متوسطه لا هي زى بني سويف ولا وشحه زى الواسطي والفشن

بني سويـــــــــف نفسها: احسن الادارات علي الاطلاق (رغم ان مدير ادارتها احيانا بيتقومله شعره كده بس بجد طيب وبيعدى)

مشكلتها التفتيش كتير سواء من الادارة نفسها او المديريه واحيانا المحافظه كمان

الوحدات مجهزة كلها وممتازة واللي عاوز يقضيها برايفت هيعيييييييييييييييييييش

عادى جدا انك تبقي بتيجي تلات اربه ايام في الاسبوع المهم محدش يشتكي منك وتظبط امورك

لو اكتر من واحد في الوحده يبقي فل جدا هتعيييييييييييشوا

الفلوس كويسه جدا واقل الادارات في تأخير الفلوس

المواصلات الي جميع الوحدات سهله وابعد وحده تبعد نص ساعه عن المدينه ودى استثناء رهيييييييييب يعني

اهناسيا: هي اقرب مركز الي المدينه نفسها
ادارتها سمعتها مش ولا بد ومديرها رخم
اجمالا اهل اهناسيا مشهورين بالطيبه

سمسطا:وحداتها بعيده جدا وفي منها في الجبل
اهلها طيبين جدا جدا جدا
معرفش حاجه عن ادارتها بصراحه

الفشن و ببــــــــــــــــا: من الاخر متكتبوش الادارتين دول ومش هنتكلم علشان منغلطش في حد

ان كان ولا بد يبقي الفشن ارحم بس ابعد اوى اللهم ان كنت من الصعيد يبقي هي اقربلك طبعا


اللهم اغفر لى ولوالدى وارحمهما كما ربيانى صغيرا


#4
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male


إدارة الدقهلية

محافظه الدقهليه محافظه كبيره وفيها العديد من المراكز:



طبعا نبدأ بالعاصمه اللي هي المنصوره

بديهي انها محط الانظار وموضع الجامعه والمديريه

تبعد ساعتين عن القاهره

صعب جدا جدا ان حد يتكلف فيها ومن الاخر وكيل الوزاره بيطلع قرار

ممنوع التوزيع في المنصوره وطلخا

مقفولين تماما

ده حتى احنا كنواب صعب نتوزع هناك الا بواسطه محترمه


وبعد المنصوره نتكلم عن طلخا

طلخا لا تبعد عن المنصوره سوي خمس دقايق بالسرفيس

فهي تعتبر جزء من المنصوره

أيضا صعب التكليف فيها وان لم يكن بنفس صعوبه المنصوره

اكلمكم عن دكرنس
تبعد نص ساعة عن المنصورة...القرى بتاعتها فى منها جنب المنصورة يعنى ممكن ربع ساعة من المنصورة تبتدى القرى بتاعة دكرنس...اكيد كمان فى بعد دكرنس قرى تباعها
بيتهيالى ادارة كويسة....بيراعوا الاغراب يعنى..وفلوسها كمان كويسة ..يعنى الحوافز بتتاخد عادى
ادارة منية النصر على بعد ساعة الا ربع من المنصورة...اسمع انها ادارة ربنا اللى يعلم بيها
اسمع انهم صعبين شوية
ادارة ميت سلسيل...على بعد ساعة من المنصورة...اصحابى مش بيشتكوا منها
ادارة الجمالية...اسمع انها ادارة محترمة على بعد ساعة وربع من المنصورة
ادارة المنزلة... على بعد ساعة وتلت من المنصورة.....بس مشكلتهم انهم علشان بعيد فدايما عندهم عجز فى الاطباء فممكن كل شوية يودوكوا فى وحدة بيفسحوكوا يعنى
وبتبقى مشكلة علشان حد يخلى او يبدل او الكلام دة يعنى اللى بيروح هناك هيلزق استحالة يستغنوا عنه (فى ميت سلسيل والجمالية والمنزلة والمطرية)

إدارة الغربية
____________________
(طنطا اول
بالنسبه لمركز قطور ودا انا تكليفى فيه فهو واخد سمعه كبيره شوبه لكنه مش سئ للدرجه
مشكلته الوحيده المرور الكتير وان مدير الاداره من محبى الواسطه والمحسوبيه
يعنى لو معاك واسطه هتبقى ملك ولا جزا ولا غيره حتى لو مرور هيغطيك بنفسه
كذلك فى التوزيع لو معاك واسطه هيوديك احسن مستشفى تكامل حتى لو فيها 10 أطباء
ولو ممعاكش يبقى وحده صحيه حتى لو هتشيلها لوحدك 7 ايام
بس هو كشخص طيب وبالالحاح عليه بيبقى كويس
وبالخبره ممكن تمشى امورك وتتعرف على المفتشين الماليين والاداريين وتاخد وضعك
كذلك ادارة السنطه وزفتى زمايلى كتير شكروا فيها
بل ان ليا زمايل فى ادارة زفتى كانوا بيقولوا ان المرور بيبلغهم قبل ما يروح

الخلاصه ان الغربيه نسبيا من المحافظات الكويسه فى التكليف
أفضل الادارات طنطا تانى ثم أول ثم زفتى ثم المحله أول وتانى ثم السنطه ثم كفر الزيات ثم سمنود ثم قطور ثم بسيون
بالنسبه لمديرة الااداره د . ناديه العيسوى فهي حتة سكره وكانت بتتعامل معانا كوالده وليست رئيسه عمل عمري ما سمعت انها أذت حد علي الرغم من انها ناجحه جدا في مركزها تعامل الجميع بإحترام والجميع يحترمها وقبل ذلك يحبها مكتبها مفتوح دون وجود ساعى عليه و رقم موبايلها وتليفون مكتبها المباشر مع الكل وصدرها واسع لسماع الجميع

بالنسبه لوكيل الاداره د . علي ذكريا فده راجل يتحط علي الجرح يطيب زي ما يبقولوا وإنسان محترم جدا

والدكتور السعيد مزروع ذو الشخصيه القويه الحازمه صاحب البنيه القويه عندما تراه أول مره تهابه ولكنه يحظي بإحترام الجميع لانه لا يظلم احد

كانوا لما يجي لنا حد منهم تفتيش الوحده كنا بنحس ان حد من قرايبنا جاي يزورنا وكانت الممرضات تتسابق في تقديم واجب الضيافه حبا وليس نفاقا او خوفا

ولكن دوام الحال من المحال ولا احد يضمن استمرارهم في مناصبهم لأن السيئ هو الذي يبقي والجيد بيضيعوه في البلد دي

بصراحه عمر ما حد غلس علينا من الادارة والحالات القليله التي كانت تأخذ جزاءات من الاداره كانت تستحقها بإعترافهم نفسهم

كانو اما يعرفوا ان فيه تفتيش من خارج الاداره يتصلو بينا يبلغونا
اى نعم احنا لما تكون مستعدين وكويسين ده حلو في وش الاداره بس برضو ده فيه فايده لينا إن ماحدش مننا يأخذ جزا

اما من خارج الاداره فوقاكم الله شرهم كل التغليس كان بيجي منهم ( مديريه _ مجلس محلي _ محافظه _ وزاره


اللهم اغفر لى ولوالدى وارحمهما كما ربيانى صغيرا


#5
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male


محافظة دمياط تنقسم الى 4 ادارات:-
-ادارة دمياط
-ادارة كفر سعد
إدارة محافظة دمياط
___________________________________________

-ادارة فارسكور
-ادارة الزرقا
بالنسبة للبعد عن القاهرة حوالي 4 ساعات او اكتر على حسب الادارة
بالنسبة للتفتيش ارخم محافظة في التفتيش وادارة دمياط اكترهم يعني في اي وقت ييجي تفتيش الساعة 12 الصبح او 12 بالليل في اي وقت واسهل حاجة عندهم الجزاءات
وكمان الفلوس مش منتظمة خالص
نصيحتي من الاخر ابعد عن دمياط باداراتها باي شكل خصوصا للي من القاهرة علشان المسافة


محافظه القليوبيه
محافظة القليوبية انا كان تكليفي هناك مدير ادارة الرعاية الاساسية الدكتور علاء المسلاوي راجل محترم جدا جدا
المحافظة تبعد عن القاهرة حوالي ساعة الا تلت لكن في ادارات تبعد عن القاهرة عشر دقايق زي ادارة شبر الخيمة
المحافظة فاشلة اداريا ومريحة للتكليف جدا
بالذات ادارة القناطر الخيرية مدير الادراة راجل د.عاطف محترم جدا وتعتبر من اقرب الادارات للقاهرة والتفتيش مش كتير ولو رحت طبيب تاني في وحدة بتروح 3 ايام بس بالاتفاق مع الطبيب الاول
وبالنسبة للسكن معظم الوحدات فيها سكن
والتفتيش مش كتير
والتقييم مش بيخسفوا بيك الارض زي ادارات تانية غالبا لهم مستوي معين مش بيقللوا الوحدة عنه
والفلوس مش بتتاخر ولو اتاخرت بتتاخر لمدة شهر واحد
وعامة التكليف بقى فيه فلوس كويسة وده من غير ماتشغل الوحدة برايفت






اللهم اغفر لى ولوالدى وارحمهما كما ربيانى صغيرا


#6
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male


بالنسبة لادارة بورسعيد
__________________________________

فالتوزيع بيبقى في المدينة نفسها او بورفؤاد مركز طبي المدينة كويس ..

فلوسها شبه منتظمة ..

التوزيع بكوسة من الحجم العائلي..

بيبقى فيه صعوبة لما بتيجي تخلي مفيش تفتيش تقريبا (على حسب كلام صديق لي)

تبعد عن القاهرة حوالي ساعتين ونص ومن مميزاتها ان مش فيه تطويح لان الوحدات مش كتير

ومواصلاتها محترمة

بالنسبة للسويس وبورسعيد واسماعيلية هما كويسين جدا لأنهم صغيرين وكل اللي راحو هناك شكرو جدا ف لتكليف
بس زي ملقلنا هل انتي عايزة طبيب اول او تاني او تالت دي الفكرةد
ودي بيحددها مين بيستلم الاول ومين التاني وكدا





اللهم اغفر لى ولوالدى وارحمهما كما ربيانى صغيرا


#7
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male

ادارة الدقى الجيزه              
0201 ادارة مصرالجديدة القاهرة
0303 ادارة المعادى حلوان
0224 ادارة م.نصر غرب القاهرة
0202 ادارة مدينة نصرش.القاهرة
0218 ادارة حدائق القبةالقاهرة
0204 ادارة الزيتون القاهرة
0102 ادارة الهرم الجيزه
0107 ادارة العجوزة الجيزه
0210 ادارة الوايلى القاهرة
0220 ادارة عين شمس القاهرة
0203 ادارة المطرية القاهرة
0212 ادارة السيدةزينب القاهرة
0211 ادارة غرب القاهرة
0205 ادارة الساحل القاهرة
0207 ادارة شبرا القاهرة
0225 ادارة باب الشعريةالقاهرة
0209 ادارة وسط القاهرة
0214 ادارة مصرالقديمة القاهرة
0802 ادارة شرق اسكندرية
0108 ادارة العمرانية الجيزه
0213 ادارة عابدين القاهرة
0603 ادارة الشيخ زايد6 اكتوبر
0106 ادارة بولاق الدكرورالجيزه
0104 ادارة جنوب الجيزه
0226 ادارة الموسكى القاهرة
1309 ادارة طنطا ثانى الغربيه
0105 ادارة شمال الجيزه
0206 ادارة روض الفرج القاهرة
0803 ادارة وسط اسكندرية
0304 ادارة حلوان حلوان
0227 ادارة ب.ابو العلا القاهرة
1901 ادارة الزقازيق الشرقية
0601 ادارة 6 اكتوبر 6 اكتوبر
0101 ادارة الوراق الجيزه
0217 ادارة المرج القاهرة
0222 ادارة الخليفة القاهرة
1307 ادارة طنطا اول الغربيه
1610 ادارة العبور القليوبيه
0208 ادارة الشرابية القاهرة
0221 ادارة الزاوية القاهرة
1601 ادارة بنها القليوبيه
0306 ادارة التبين حلوان
0602 ادارة كرداسة 6 اكتوبر
0216 ادارة منشاة ناصر القاهرة
2504 ادارة م.اسيوط اسيوط
0215 ادارة مدينةالسلام القاهرة
0219 ادارة البساتين القاهرة
0610 ادارة مركزالجيزة6 اكتوبر
0608 ادارة الحوامدية 6 اكتوبر
0801 ادارة المنتزة اسكندرية
1603 ادارة طوخ القليوبيه
0609 ادارة اوسيم 6 اكتوبر
1609 ادارة شبراشرق القليوبيه
1701 ادارة المنصورة الدقهلية
1604 ادارة قها القليوبيه
1907 ادارة ههيا الشرقية
0805 ادارة الجمرك اسكندرية
1611 ادارة شبراغرب القليوبيه
0607 ادارة البدرشين 6 اكتوبر
3201 ادارة السويس السويس
1904 ادارة ديرب نجم الشرقية
1605 ادارة قليوب القليوبيه
1902 ادارة بلبيس الشرقية
1606 ادارة القناطر القليوبيه
1201 ادارة دمنهور البحيرة
2511 ادارة الفتح اسيوط
0804 ادارة غرب اسكندرية
1702 ادارة طلخا الدقهلية
0301 ادارة الصف حلوان
1608 ادارة الخانكة القليوبيه
1913 ادارةمنيا القمح شرقية  
1310 ادارة المحلة ثانىالغربيه
0302 ادارة اطفيح حلوان
0606 ادارة منشاةقناطر6 اكتوبر    
1302 ادارة المحلة اول الغربيه
1908 ادارةالابراهيميةالشرقية    
1607 ادارة شبين القليوبيه
1602 ادارة كفر شكر القليوبيه
2001 ادارةالاسماعيلية اسماعيليه
1707 ادارة دكرنس الدقهلية
0605 ادارة الواحات 6 اكتوبر
1906 ادارة ابو حماد الشرقيه
2401 ادارة المنيا المنيا
3202 ادارة الاربعين السويس
1903 ادارة م. السوق الشرقية
1408 ادارة ك.الشيخ كفر الشيخ
2006 ادارة ابو صوير اسماعيليه
0806 ادارة العامرية اسكندرية
1501 ادارة شبين الكوم منوفيه
1304 ادارة سمنود الغربيه
1905 ادارة ابو كبير الشرقية
1308 ادارة كفر الزيات الغربيه
2302 ادارة بنى سويف بنى سويف
1704 ادارة السنبلاوين الدقهلية
1703 ادارة اجا الدقهلية
1301 ادارة السنطه الغربيه
1706 ادارة ميت غمر الدقهلية
0807 ادارة برج العرب اسكندرية
1303 ادارة زفتى الغربيه  
1506 ادارة سرس الليان منوفية
1910 ادارة كفر صقر الشرقيه
1708 ادارة بنى عبيد الدقهليه
1305 ادارة قطور الغربيه
1405 ادارة قلين كفر الشيخ
2003 ادارة فايد اسماعيليه
1509 ادارة قويسنا منوفية
1705 ادارة تمى الامديدالدقهليه
1510 ادارة بركة السبع منوفية
1306 ادارة بسيون الغربيه
2007 ادارة القصاصين اسماعيليه
1203 ادارة ابو حمص البحيرة
2301 ادارة الواسطى بنى سويف
1716 ادارة نبروه الدقهلية
1717 ادارة شربين الدقهلية
2206 ادارة المركز الفيوم
2303 ادارة ناصر بنى سويف  
1213 ادارة ادكو البحيره
1909 ادارة اولاد صقر الشرقية  
1503 ادارة تلا منوفية %

      ادارة فاقوس الشرقية
3104 ادارة الغردقه بحر الاحمر
1211 ادارة رشيد البحيرة
2304 ادارة ببا بنى سويف
3203 ادارة عتاقه السويس
2201 ادارة اطسا الفيوم
1401 ادارة دسوق كفر الشيخ
1502 ادارة الباجور منوفية
1709 ادارة منية النصرالدقهلية
2002 ادارةتل الكبير اسماعيليه  
2306 ادارة اهناسيا بنى سويف
2307 ادارة سمسطا بنى سويف
1715 ادارة جمصة الدقهلية
1204 ادارة ايتاى البارود البحيرة
2203 ادارة سنورس الفيوم
1508 ادارة الشهداء منوفية
1710 ادارة ميت سلسيل دقهليه
1505 ادارة منوف منوفية
2204 ادارة طامية الفيوم
1406 ادارة الرياض كفر الشيخ
1912 ادارة الحسينية الشرقية
1714 ادارة بلقاس الدقهلية
3205 ادارة فيصل السويس
2305 ادارة الفشن بنى سويف
2005 ادارة القنطرةغ.اسماعيليه
1713 ادارة الجمالية الدقهلية
2202 ادارة ابشواى الفيوم
1711 ادارة المنزلة الدقهلية
1206 ادارة كوم حمادة البحيرة
1712 ادارة المطرية الدقهلية
1504 ادارة السادات منوفية
2004 ادارة القنطرةش.اسماعيليه
1410 ادارة بيلا كفر الشيخ
1209 ادارة شبراخيت البحيرة
2510 ادارة ابنوب اسيوط
3204 ادارة الجناين السويس
1507 ادارة اشمون منوفية
1210 ادارة المحمودية البحيرة
2207 ادارة يوسف الصديق الفيوم
ادارة بورسعيد بورسعيد
ادارة الحامول كفر الشيخ
ادارة الدلنجات البحيرة
   ادارة فوه كفر الشيخ
3608 ادارة شرم الشيخ سيناء.ج
1212 ادارة الرحمانية البحيرة
1207 ادارة حوش عيسى البحيرة  
1407 ادارة بلطيم كفر الشيخ
1403 ادارة سيدىسالم كفرالشيخ
1208 ادارة ابوالمطاميرالبحيرة
ادارة مطوبس كفر الشيخ
1214 ادارة التحرير البحيرة
1215 ادارةغرب النوباريه بحيرة
2403 ادارة مغاغة المنيا
1801 ادارة كفر سعد دمياط
1802 ادارة دمياط دمياط
1803 ادارة الزرقاء دمياط
2402 ادارة سمالوط المنيا
1804 ادارة فارسكور دمياط
3607 ادارة دهب سيناءجنوبيه
3601 ادارة رأس سدرسيناءجنوبيه
3101 ادارة سفاجا البحر الاحمر
2501 ادارة ديروط اسيوط
2404 ادارة بنى مزارالمنيا
2405 ادارة العدوة المنيا
3105 ادارة مرسىعلم بحر الاحمر
2901 ادارة الحمام مرسى مطروح
2408 ادارة الفكريه المنيا
2406 ادارة ملوى المنيا
3702 ادارة البندر الاقصر
3401 ادارة العريش سيناءشماليه
2502 ادارة القوصية اسيوط
2407 ادارة مطاى المنيا
2902 ادارة العلمين مرسىمطروح
2409 ادارة ديرمواس المنيا
2503 ادارة منفلوط اسيوط
2507 ادارة ابو تيج اسيوط
2508 ادارة صدفا اسيوط
2509 ادارة الغنايم اسيوط
2512 ادارة س. سليم اسيوط  
3102 ادارة القصيرالبحر ا لاحمر
3103 ادارةرأس غارب بحر الاحمر
2903 ادارة الضبعه مرسى مطروح
2513 ادارة البدارى اسيوط
2606 ادارة سوهاج سوهاج
ادارة مطروح مرسى مطروح
31 ادارة البياضية الاقص
905 ادارة النخيله مرسى مطروح
3604 ادارة الطور سيناءجنوبيه
3106 ادارة شلاتين البحر الاحمر
2601 ادارة جرجا سوهاج
3402 ادارةبئرالعبدسيناءشماليه
2906 ادارة برانى مرسى مطروح
3606 ادارة نويبع سيناءجنوبيه
3703 ادارة القرنه الاقصر
3602 ادارةابوزنيمةسيناءجنوبيه
3605 ادارةسانت كاترين سيناء.ج
2907 ادارة سيوة مرسى مطروح
2602 ادارة المنشاة سوهاج
3603 ادارةابورديس سيناءجنوبيه
2603 ادارة البلينا سوهاج
3403 ادارةشيخ زويدسيناءشماليه
3704 ادارة الزينيه الاقصر
2604 ادارة دارالسلام سوهاج
3404 ادارة رفح سيناءشماليه
2609 ادارة طما سوهاج
2605 ادارة المراغة سوهاج
2706 ادارة قنا قنا
2607 ادارة ساقلته سوهاج
2608 ادارة طهطا سوهاج
3405 ادارة الحسنه سيناءشماليه
2610 ادارة جهينة سوان
2611 ادارة اخميم سوهاج
3001 ادارة الداخله وادى جديد
2704 ادارة نفادة قنا
3406 ادارة نخل سيناءشماليه
2701 ادارة اسنا قنا
2702 ادارة ارمنت قنا
3002 ادارة الخارجه وادى جديد
2703 ادارة قوص قنا
2705 ادارة قفط قنا
2707 ادارة الوقف قنا
2801 ادارة اسوان اسوان
3003 ادارة الفرافرةوادى جديد
2708 ادارةنجع حمادىقنا .
2709 ادارة دشنا قنا
3004 ادارة باريس وادى جديد
2710 ادارة فرشوط قنا

2711 ادارة ابو تشت قنا
2802 ادارة دراو اسوان
2806 ادارة كوم امبو اسوان
2807 ادارة نصر اسوان    
2808 ادارة ادفوشرق اسوان  
2809 ادارة ادفو غرب اسوان  

    




اللهم اغفر لى ولوالدى وارحمهما كما ربيانى صغيرا


#8
HOSMATARCH

HOSMATARCH

    Medad Bronze Member

  • Honorable Medadian
  • 1992 posts
  • 555 topics
  • Location:in home
  • Interests:chess
  • Year:General Practitioner
  • Gender:Male

مستشفيات يحق لنا التقدم لها
شركة مصر للطيران
4601 الوحدة العلاجية الروضة
4019 مستحضرات حيوية ولقاحات    
4612 الوحدة العلاجية الزقازيق  
4502 ه.ق.رقابة مستحضرات حيوية  
4609 الوحدة العلاجية بنها  
4602 الوحدة العلاجية شبرا
4603 الوحدة العلاجية المطرية
5001 وزارة التضامن الاجتماعى
5201 مصر غزل ونسيج حلوان
4606 الوحدة العلاجية طنطا
4102 تامين صحى القاهرة
4605 الوحدة العلاجية دمنهور
4901 اداره طبيه جامعةاسكندريه
4608 الوحدة العلاجية قويسنا
4801 الادارة الطبية ق. السويس
4607 الوحدة العلاجية المحلة
4614 الوحدة العلاجية اسيوط
4604 الوحدة العلاجية الاسكندرية
4101 تامين صحى الجيزة
4610 الوحدة العلاجية المنصوره
4701 مستشفى الطلبة ج.المنصورة
4613 الوحدة العلاجية بنى سويف
4615 الوحدة العلاجية سوهاج
4611 الوحدة العلاجية دمياط
4621 الوحدة العلاجية العريش
4804 ا.المدن بنين ق. السويس
4616 الوحدة العلاجية نجع حمادى
4105 تامين صحى الاسكندرية
4111 تامين صحى الدقهلية

========================== ===== =======
4620 الوحدة العلاجية بور سعيد
4618 الوحدة العلاجية الاقصر
4806 م.ط.ك.التجارة ق. السويس
4802 م.ط.ك. العلوم ق. السويس
4803 ا.معامل واشعة ق. السويس
5101 الاداره الطبيه ازهر بنات
4702 ا.ع.ش. الطلبة ج.المنصورة  
4107 تامين صحى الغربيه
4617 الوحدة العلاجي ة قنا    
4113 تامين صحى الشرقية
4112 تامين صحى دمياط  
4110 تامين صحى القليوبية
4109 تامين صحى المنوفية
4114 تامين صحى الاسماعيلية
5301 اداره طبيه كفر الشيخ
4807 اداره طبيه فرع العريش  
4805 ا.المدن بنات ق. السويس  
تامين صحى البحيرة
4619 الوحدة العلاجية اسوان
4115 تامين صحى الفيوم
4108 تامين صحى كفر الشيخ
4622 الوحدة العلاجية بئر العبد
4128 تامين صحى سيناء الجنوبية
4117 تامين صحى المنيا
4126 تامين صحى بور سعيد
4124 تامين صحى البحر الاحمر
4116 تامين صحى بنى سويف
4118 تامين صحى اسيوط
4122 تامين صحى مطروح
4125 تامين صحى السويس

========================== ===== =======
4127 تامين صحى سيناء الشمالية
4119 تامين صحى سوهاج
4120 تامين صحى قنا
4129 تامين صحى الاقصر
4121 تامين صحى اسوان

      


اللهم اغفر لى ولوالدى وارحمهما كما ربيانى صغيرا


#9
onzedge

onzedge

    Awesome Member

  • Members
  • 116 posts
  • 37 topics
  • Year:Sixth
  • Gender:Male

محافظة شمال وجنوب سيناء


دكاترة التكليف فى شمال ووسط وجنوب سيناء عملوا اخلاء ومنهم من حول الى محافظات اخرى بسبب عدم الامان







0 user(s) are reading this topic

0 members, 0 guests, 0 anonymous users