21 replies to this topic

[Helen]

الكوميونتى

او الصحه العامه

إن شاء الله هتلاقوها ماده بسيطه ومن أسهل ماتكون بس لازم التركيز والجديه

وكل واحد يحدد مسئولياته من اول الراوند

وإن شاء الله يبقى راوند جميل ولطيف بإذن الله


بدايةً كده هنحكى فى كذا حاجه اللى هما

1-المجموعات

2-الجدول

(لانه متغير أسبوعيا)ومترقم يالايام

وكل اسبوع غير التانى

ولازم برضو نلتزم بيها لان الحضور بدرجات

3-وظائف طلاب راوند الكوميونتى


4-الكتاب

5-أهمية كتاب العملى وهل هنذاكر منه ولا لأ

6-الكتب اللى موجوده غير كتاب القسم

7-الملازم ومصادرها

8-المايند مابس

ومين اللى بيعملها

9-الاسئله اللى موجوده ....ومين اللى بيحطها...وايه الاسئله اللى جه منها الامتحان

10-المحاضرات

وايه اللى بيتشرح فيها


11-ال
sessions

اللى فى القسم وايه اللى بيتشرح فيها

12-الامتحانات اللى بتتعمل وهل عليه درحجات

13-المواعيد يوميا من كام لكام

14-الدرجات

توزيعة العملى وامتحان الايندراوند

15-الزيارات

بنروح فين

ازاي

بنعمل ايه

مين بيروح معانا

بناخد معانا ايه

لو مرحناش هيتعمل فينا اي

بنروح كام مره

16-تسليم الكتاب

17-المسابقه اللى فى آخر الراوند


18-الدروس

19-امتحان الاوسبى

أولا

المجموعات
التقسيمه الكبيره

6 مجموعات من واحد لسته

حتى هتلاقى الجدول متقسم لست خانات بالطول لان كل مجموعه غير أختها

كل مجموعه متقسمه تلات اقسام اللى هما

3

subgroups

وأسمهم

A ,B , C

ودى بتبقى مجموعتك اللى بتفضل فيها طول الراوند

ويبقى اسمك مثلا

جروب

3 B

يعنى

المجموعه التالته

SUB GROUP
B

وهى دى المحموعه اللى بيبقى ليها دكتور مسئول عنكو وعن الدرجات

وعن تصحيح الكتاب

وعن تصحيح امتحان ال
OSPE

من الاخر الدكتور بيبقى فى ايديه

60 درجه وان شاء الله مضمونين



وبيبقى ليكو كمان

1-LEADER

2- COLEADER

3-MIS



جوه المجموعه بتاعتك بقى واللى بيبقى عددها فى حدود 20 او 22 طالب

بتتقسموا لاربعه

SUB TEAMS


كل واحد بتاع 4 أو 5 بالكتير

تمام

كل

SUBTEAM

من دول ليه

1-SUPERVISIOR

2-TECHNICAL

3-MIS

وهنشرح الحاجات العجيبه دى فى وظائف أعضاء التيم



DON'T WORRY
و ده
diagram
لتقسيمة الراوند علشان مش نتوه



و كمان دي صورة لتقسيمة الراوند بتاعنا علشان الفكرة تكون أوضح
http://www.medadteam...showtopic=11581

MINI LECTURES

وده زى رقم 8 فى العلامات

ودى بيبقى تحتها

1,2

هنا بتبقوا نصين بس

مش تلاته يعنى فى مجموعه بتتقطع نصين اللى هى

B

نص بيحضر مع  
A

ونص بيحضر مع

c

ودى مش عليها درجات بس لازم تحضر منها

60%

----------

النوعين اللى فاتو دول بيبقو فى قسم الكوميونتى


---------

النوع الثالث

محاضره عاديه خالص فى  مبنى المدرجات

اللى هى رقم 5

    فى العلامه اللى عالجدول

      ودى بتبقى تلات مجموعات كبار مع بعض

  1 و2 و3

مع بعض
و
4 و 5 و6

مع بعض

النوع الرابع

SA

يعنى تذاكر فى البيت

[Helen]

ودى كانت أنواع المحاضرات

اللى موجوده

و هنلاقي قائمة بالموضوعات اللي هندرسها في أنواع المحاضرات المختلفة في الصفحة دي من الجدول

عملي و نظري طبعا

-

هنشرح المحاضرات دي بالتفصيل

نبدأ بال

column

الأول

All groups/lectures/seminars

دي محاضرات بيديها أساتذة في القسم

  

بناخدها في مبنى المدرجات

لو الساعة الثامنة يبقى في مدرج ستة

  

لو الساعة الواحدة يبقى في مدرج اثنين

كل محاضرة بتتقال مرتين

مرة لنص الراوند الأول و مرة لنصفه الثاني
  

  

الموضوعات اللي فيها كلها موجودة في كتاب النظري

و أول محاضرة منهم بتبقى

orientation

بتديها د مديحة

  

---------------------------
ال

column

الثاني

minilectures

دي محاضرات صغيرة بتتشرح في القسم

بنحضرها بحيث يكون نصف المجموعة الواحدة من الست مجموعات في قاعة و النصف التاني في قاعة تانية

مثلا

Group 1 A and 1/2 group 1 C in a hall

Group 1 B and 1/2 group 1 C in another hall

بيشرحها أي حد من أول أستاذ لحد معيد

الموضوعات اللي بتتشرح فيها

Introduction

و دي في كتاب النظري

  

  

  

  

Learning skills

و دي مش حاجة هنذاكرها

ولا هنمتحن فيها

مجرد دردشة

to break the ice and discuss the problems we are facing in learning and studying

Stress management

و دي برده مش حاجة هنذاكرها أو نمتحن فيها

مجرد دردشة نتعلم منها ازاي نواجه ظروف الضغط المختلفة اللي بنتعرضلها

  

  

  

  

  

Droplet infections

دي بقى في كتاب النظري

  

  

  

  

  

  

  

Foof borne infections

نظري برده

  

  

  

  

  

  

  

Surveillance

نظري بس مستخبية

موجودة في آخر موضوع كبير في فوليوم 2 اسمه

general epidemiology

  

  

  

  

  

  

  

  

Outbreak

ملغية

  

  

  

  

  

  

  

Evaluation of the PHC program

  

دي بقى عملي

هناخدها بعد زيارة ال

PHC

مباشرة

و هنقيم الوحدة الصحية اللي زرناها طبقا للبيانات اللي مليناها في الزيارة

  

  

  

  

  

  

  

Measurement of health

نظري

  

  

  

  

  

  

Medical statistics

نظري

  

  

  

  

  

  

Methods

ملغية

  

  

  

  

  

Occupational health

نظري

  

  

Student assignment

نذاكر في البيت

  

Practical sessions

بيديها المدرس المساعد أو المعيد بالتناوب بيتشرح فيها شوية نظري برده

كل سب جروب لوحده في قاعة مستقلة

Group 1 A in a hall

Group 1 B in a hall

Group 1 C in a hall

  

  

و اللي بيتشرح فيها الاتى

  

1-Leadership

و دي اللي بننتخب فيها قائد السب جروب

  

  

  

  

Leaders meeting

بيحضرها القادة و  القادة المساعدون فقط

يتم اختيار

the leader of leaders

ولد و بنت

  

The major coleaders

ولد و بنت

  

The major MISs

ولد و بنت

  

  

  

  

  

  

  

  

  

2-Com & HE

1 2 3 4 5 6

  

or

Communication and health education

دول ستة سيشنز

مهمين جدا في الحضور و الدرجات كما سيلي ذكره

  

كل سب تيم مكون من حوالي خمسة أفراد في المتوسط

بيحضر جزء من المطلوب في النظري بالاتفاق مع الدكتور قبل معاد ال

session

  

و موضوعات النظري المطلوبة بتعرفوها من الصفحة دي في الجدول

من الجدول الصغنون اللي تحت

  

  

لما ييجي معاد ال

session

بقى

كل سب تيم بيقدم موضوعه

اما يشرحه

  

أو يعرضه في شكل

talk show

مذيع و ضيوف و كده و يناقشوا الموضوع

  

  

  

ملحوظة

أغلب الموضوعات دي مش بتتشرح تاني في المحاضرات

  

  

  

  

  

  

  

  

  

  

  

Pre PHC

visit

دي عملي

الدكتور بيشرح فيها هنعمل ايه في الزيارة

  

  

  

  

  

  

  

PHC indicators and report

دي عملي بعد الزيارة

بنعمل بيها شوية حسابات و جداول من البيانات اللي مليناها أثناء الزيارة

  

  

  

  

  

  

  

nutrition assesment

نظري

في نهاية تشابتر ال

nutrition

  

  

  

  

  

  

CNA

community needs assesment

عملي

الدكتور هيشرح الموضوع ده من كتاب العملي

و هو مهم جدا علشان الاوسبي و علشان زيارة ال

PHC center

كمان

  

  

  

  

Analysis

NCD

RH

SCHOOL

NUTRITION

دي بعد تجميع البيانات كلها من زيارات المجموعات

بنعمل بيها حسابات و نملاها في جداول الكتاب

  

  

  

  

hospital infection and hand washing

نظري

هتلاقوها آخر حاجة في تشابتر

general epidemiology

بس ال

hand washing

  

دي

general skills

بيعلموهالنا

مش حاجة نمتحن فيها يعني



وطبعا الصفحتين دول بيبقوا اخر الجدول

هاكمل البوست الجاى إن شاء الله

  

[Helen]

------
ياللا بقى نشرح الارقام اللى عالجدول

رقم 1

بيشاور طبعا على

الايام بتاعة الراوند

اليوم الاول التانى وهكذا

رقم 2

ده بيشاور على اهم محاضره وده الاورينتاشن بتاع دكتوره مديحع اللى بتعمله اول السنه

وده مهم جدا تحضروه

عشان بتقول فيه التعليمات اللى هاتقضو بيها بقية الراوند

ولازم ت

TAKE CARE

وتسجلو المحاضره دى

-----

رقم 3

ده بقى بيشاور على اهم وأخطر

SESSION

فى العملى

السيشن اللى بيختارو فيها

1-LEADER

2- COLEADER

3-MIS

الجروب بتاعك


وهانقول عنها بالتفصيل بعد كده

وهانقول كمان وائف الناس الحلوه دى بعد كده

-----------

رقم مهم جدا

ده بيبقى أجتماع لليدرز والكوليدرز بتوع السته جروبس

يعنى

12 طالب وطالبه

الاجتماع اللطيف ده

بيختارو فيه

4

طلاب بيكونوا

2
LEADERS OF LEADERS

MALE & FEMALE

2

COLEADERS

MALE & FEMALE


وهانشرح وظايفهم بعد كده برضو

ان شاء الله

رقم 4

دى السيشن اللى قلنا عليها

C & HE

واللى عليها درجتين وبتبقى كل مجموعه على حده ف رقم الى

HALL
اللى تحتها

رقم 5

دى محاضره عاديه فى مبنى المدرجات

وبيبقى تلات مجموعات مع بعض

رقم 6

دى بقى ال

VISIT

وهانشرح بالتفصيل بعد كده ايه هى انواع الزيارات وبتروحو فين وعددها

رقم 7

دى ال

SA

اللى بتذاكر فى البيت مافيش حضور ياعنى فى القسم خالص

رقم 8

دى ال

MINILECTURE

اللى قلنا عليها

ثالثا

هانتكلم عن وظائف أعضاء الراوند

أولا

نبدأ من الكبير للصغنن

أولا

LEADER OF LEADER

الامور ده بقى ليه وظايف شتى ححاول اقول بضع منها




1-      ادارة المجهودات الفردية لأعضاء الراوند  وتحويلها إلى مجهودات جماعية يعود نفعها على المجموعة ككل

2-      العمل الإدارى من حيث التنبؤ بالمشكلات  اللتى قد تواجه الراوند ومحاولة تفاديها

3-      ايجاد حلول للمشاكل التى تواجه الراوند



4-العمل كحلقة للوصل بين الطلاب وأساتذة  القسم وبالأخص دكتورة مديحة

head  of practical lessons

عن طريق العمل فى الاتجاهين

- توصيل آراء الطلاب وطلباتهم إلى مجلس  القسم بالشكل المناسب القابل للتطبيق

- توضيح خطة عمل القسم وأفكاره المقترحة  وتعليماته إلى الطلاب

ادارة عملية ال

data collection

للتأكد من جمعها بالشكل وفى الوقت المناسبين  وذلك عن طريق توظيف فريق من ال

MISs

ومتابعتهم بشكل مستمر

6-توفير وسائل ميسرة للإتصل بين المجموعات  المختلفة وبعضها البعض للقيام بمشاركة الآراء وترسيخ العمل الجماعى

7-بعض الأعمال التنظيمية كتنظيم المسابقة وحفل الختام

COLEADER OF LEADERS

مساعدة اليدر اوف ليدرز فى  الاعمال السابقى

2-حلقة الوصل بين الليدرز اوف ليدرز وطلاب  المجموعات السته

3-توزيع الاعمال على الليدرز الست

1-       مراقبة اللليدرز الست

2-       نقل المعلومات والمشاكل اللى تعترض الجروب الست من  اللدرز الى الليدرز اوف ليدرز

3-       القيام ببعض الاعمال التنظيميه

4-       المساهمه فى تنظيم المسابقى النهائيه وحفل الختام

LEADERS OF THE GROUPS

-متابعة اعمال الجروب بشكل دائم    

2-تنظيم حلقات المذاكره الجماعيه ال    

Studygroups    

3-مراقبة ال    

Miss    

ومتابعة تجميع الداتا    

4-القياده الحكيمه للفريق وبث روح الجماعه والتعاون  بينهم    

5-التعاون مع الدكتور المسئول فى تنظيم حصص التوك شو  وماشابه    

6-توصيل اى مطالب للجروب للدكتور المسئول عنهم والعكس    

توصيل اى معلومات من الدكتور المسئول عنهم اللى اعضاء  الجروب    

7-احترام المواعيد والالتزام بالاعمال التنظيميه للفريق    

1-       اختيار ال    

Supervisors    

الخاصيين بكل    

Subteam        

Coleader of the group

1-       مساعدة الليدر فى الاعمال السابقه    

2-       يحل محله فى اثناء غيابه    

3-       يقوم بمساعدته فى الاعمال التنظيميه للفريق    

4-       متابعة اعمال الداتا وتجميعها        

Mis of the group

1-المسئول عن جمع الداتا فى الجروب   من الاربعه    

Subteams    

ومراجعتها مره  ثانيه    

2- المسئول عن كتابة الداتا بتاعة الجروب كله  فى كتابه

3-شرح طريقة المراجعه لاعضاء الجروب

Supervisiors of the subteams

المسئول عن تلقى التعليمات من الليدر ونقلها  للسب تيم        
وتنظيم المواعيد والزيارات

Mis of the subteam

1-المسئول عن جمع الداتا من اعضاء  السب تيم    

2-كتابة الداتا فى  كتابه    

3-توصيل الداتا لل    

Mis of the group

4-مراجعة الداتا بصوره صحيحه

Technical

المسئول عن  الابلاغ عن اى مشكله تواجه السب تيم




    

رابعا

هنتكلم عن الكتاب بقى




الاول


الكتاب العملى

على رأى دكتوره مديحه

تعالى حافى وماتنساش الكتاب



بجد الكتاب مهم جدا كل سيشن

اهم جزء فى الكتاب

انه عليه اربع زيارات


هانحكى عنهم فى نقطة الزيارات ولكن

انا قصدى

عندك اربع زيارات


1-HTN

وبتروح فيها العيادات الخارجيه

2-REPRODUCTIVE HEALTH
برضو
بتروح العيادات الخارجيه


3-PHC
(PRIMARY HEALTH CARE)

دى بقى بتروح فيها الوحده الصحيه


4-SCHOOL HEALTH

ودى برضو
بتروح العيادات الخارجيه

انا قصدى ايه؟



قصدى انى كل زياره بتجمع فيها داتا

بتحطها فى الكتاب

دى الداتا اللى قلت عليها فوق

كل طالب يحط الداتا بتاعته فى جداول


وبتتجمع على مستوى السب تيم

ثم السب جروب

ثم الجروب

ثم الجروبس


ولازم تتحروا الدقه فى جمعها الله يخليكو

لان بيحصل غلط مالوش نهايه لو حد نقل ارقام غلط او شىء من هذا القبيل

ثانيا بقى


الكتاب مش هتذاكر منه غير حاجات الاوسبى زى مثلا

COMMUNITY NEED ASSESSMENT

وال
INDICATORS

حاجات كده هاتعرفوها اما تدخلو
ان شاء الله


ثالثا


الكتاب عليه خمس درجات فخلى بالك عليه

ومش بيجى منه حاجه فى النظرى


خامسا

الكتاب النظرى


وهما كتابين

VOL I

VOL II

طبعا كتا ب القسم


ياحلاوة كتاب القسم

أختصروه جدا السنه دى وقللوه خاااااااااااالص


والمعلومات فى بقت مبتوره نسبيا يعنى لازم تسال الدكاتره عن اللى فى الكتاب من جمل وعبارات مبهمه

اثر ضغط الكتاب



دكتوره مديحه


بتموت فى اللى يروح يسالها

بتحب كده جداااااااااااااا


وهى خير من يشرح الكوميونتى


ربنا يكرمها ويبارك فيها بصرحه

----------

الكتاب بيتشرح منه فى ال
SESSIONS

&
LECTURES

&
MINILECTURES


سادسا


الكتب اللى موجوده غير كتاب القسم


المفروض ان دكتور عماره هاينزل كتابه اول الراوند الجديد


كتاب دكتور عماره كويس جدا

هو نزل منه نماذج كده

شوفتها فى ايد زمايلى





المهم

بيركز اوى على عناصر الموضوع لكن الكلام زى كتاب الكليه باللملليميتر

    
  

[Helen]

سابعا

الملازم وماصدرها


مانزلش غير

1- ملزمة ال
SHORT QUESTIONS

قبل الامتحان بيومين

2-وملزمة اسئلة الكومبيتشن

ودى من القسم

وان شاء الله فى ملازم اسئله فى الراوندات الجايه

وده كان وعد من دكتوره مديحه

3-OSPE NOTES OF THE DEPARTMENT

4-SPECIFIC EPIDEMIOLOGY
OF MEDADTEAM

ان شاء الله هاتكون جاهزه عالراوند ده






ثامنا

ال
MIND MAPS

وفى عندك تلات مصادر

ياما بتاعة

دكتوره سحر ياسين


ودى اللينك بتاعها اهو


MIND MAPS 1

MIND MAPS 2

ودى بتاعة السنه اللى فاتت


ياما اللى عاملها طلبه من دفعتنا السنه دى




واللينك بتاعها اهه

مابس دفعتنا


ياما تعملها انت

وهاتسهل برضو عليك كتييير




في حاجة كانت د سحر نصحتنا بيها

لو مش متعود تلخص لنفسك أو مش مرتاح في المابس الموجودة أو مزنوق في الوقت و مش ملاحق أو بترتاح في الكتاب

اكتر أو أو أو

ممكن تعمل ماب جوا كتابك

تلون العناوين بألوان مختلفة

بحيث العناوين الاساسية بلون ثابت في كل الكتاب

العناوين الجانبية منها بلون تاني و تثبت
ه
و هكذا دواليك مع كل عنوان يتفرع من اللي قبله

و الموضوع الكبير ممكن في ورقة واحدة بسرعة بخط صغير كده تلم فيها العناوين الاساسية و تحطها في الكتاب



تاسعا

الاسئله اللى موجوده

ماكانش فى كتاب اسئله

بس قبل الامتحان نزلت الاسئله دى

وجه منها

SHORT QUESTIONS

COMPETITON QUESTIONS


أما دى فأسأله كانت حطاها دكتوره مديحه وطبعا برضو هى حاطه الاسئله اللى فاتت

Q 1


Q2

ودى أساله كانت حطاها دكتوره علا

Q3


أما بالنسبه لكتاب الاساله

فهو هينزل تقريبا على اخر راوند




وده بقى امتحانا

END ROUND 2009 -2010




عاشرا

المحاضرات

الدكاتره اللى بيشرحو ولازم مش تفوتلهم محاضره

د /مديحه

د/ أميمه

د/سحر

د/ إبراهيم حجازى

د/داليا

د/رحاب

د/عبير
----------


وياريت لو تسمع

vol II

لانه مش بياخد حقه اوى فى المحاضرات

دكتوره سحر وأميمه

بس اللي ربنا يقدره و يحاول يستغنى عن السمع قدر الامكان يبقى أحسن

لكن طبعا تسجيلاتهم فوق الرائعة

النقطه الحادية عشر

ال

SESSIONS


تناولناها بالتفصيل مسبقا فى شرح الجدول

الثانى عشر


الامتحانات
SHOCK EXAMS

ماكنش فى غير شوك اكزام واحد ومش عليه درجات

however

لو كان في كلام تاني بخصوص الحضور أو حتى درجات

بشرى سارة

د مديحة قالت ان لو واحد بس من التيمز الصغننة اللي هيا مكونة من خمس طلبة في المتوسط دس حاضر

الباقي كله بيعتبر حضر و امتحن


2-OSPE

وبيبقى اخر الراوند قبل النظرى بيومين تلاته

3-RND ROUND EXAM

الثالث عشر

توزيع الدرجات

الراوند عليه 120 درجه

وآخر السنه 180 درجه

150 نطرى و30 شفوى

تقسيمة درجات الراوند

60 أمتحان النظرى(end round)

60 عملى متقسمين كالاتى

25 درجه امتحان

ospe
4 درجات

for
competition ( final competition)

5 درجات
for
كراسة العملى

26 درجه

for attendance which include

1-PHC visit 2 marks

2-sessions each one 1 mark 1 *12=12 marks

3-communication & health education each one equal 2 marks 2*6=12 marks


25 + 4 + 5 + 26 = 60 marks




الرابع عشر

الزيارات

احنا عندنا الزيارات التالية

1 hypertension(non communicable diseases) or NCD

أو الامراض اللي لا تنتقل بالعدوى

2

Reproductive health

3

Child health in the school age

4

Primary Health Care (PHC) center

أولا

NCD

الزيارة دي هنعملها في العيادات الخارجية في القصر العيني

هنروح في اليوم المحدد

كل طالب لوحده

أو كل

subteam

مع بعضه

أي حاجة تريحكم

مفيش حد من القسم بييجي معانا

كل المطلوب اننا يكون معانا جهاز ضغط و سماعة و مازورة

كل واحد مطلوب يملأ الاستمارات الثلاثة المكتوبة بالعربي في كتاب العملي و المخصصة للزيارة دي من ثلاثة مرضى

مختلفين

بيقيس الضغط

waist circumference

بياخد تاريخه و تاريخ أسرته من حيث ال

non communicable diseases

كل حاجة هتسألوها و هتعملوها موجودة في ال

forms

اللي بالعربي اللي بقوللكم عليها

مفروض في الجدول ان كل

form

بتتملي من عيان في زيارة لوحدها

بس الموضوع سهل أوي و كل الزيارات بتخلص في نفس اليوم

و ده ينطبق على الزيارات التانية كمان من ال

NCD

بس

بعد انتهاء الزيارة

في جدول يعقب الاستمارات اللي بالعربي مباشرة

مكتوب في خاناته اللي بالعرض

C1 C2 C3

ده هنكمله طبقا للمعلومات اللي أخدناها من العيانين و كتبناها في ال

forms

أو الاستمارات

بعد الجدول ده في جدول تاني مكتوب على رأس خاناته بالعرض

S1 S2 S3 S4 S5 S6 S7

معناها

STUDENT 1 IN UR SUBTEAM

STUDENT 2

.........ETC

هتملأ خانة واحدة منها بس

S1 OR S2 OR S3..... any of them

اللي تعجبك

  

من البيانات اللي حطيتها في الجدول اللي قبله

ودى صوره يمكن توضح شويه

  

و هما سبع خانات علشان عدد السب تيم بيتراوح ما بين الأربعة و السبعة

و مع الخانات دي خانات تانية كتييييييير انت كطالب عادي مش

MIS

ولا

leader

مش مطلوب

تملا فيها أي حاجة

في النهاية ال

MIS

بتاع ال

subteam

بينقل البيانات من كل واحد في سب تيمه عنده في الكتاب بتاعه

و يبقى كده ال

MIS
بتاع ال
subteam
عنده الخانات بتاعت
S1 S2 S3 S4 S5 S6 S7
ملياااااانة

الجداول اللي بعد كده من مسئوليات ال
MISs
الأكبر

----------------------------

ثانيا RH or Reproductive health

نعملها في العيادات الخارجية برده

و ليها استمارات أو
forms
خاصة بيها

عددها ثلاثة

هنعمل كل واحدة مع سيدة في عمر الانجاب
15-49

و التفاصيل دي موجودة في الاستمارات اللي في كتاب العملي

و تكملة البيانات في الجداول بنفس نظام الزيارات الاولى

ثالثا Child health in the school age

في العيادات الخارجية

ثلاث استمارات في كتاب العملي

كل واحدة نملاها مع أم عندها طفل في السن المدرسي

تكملة البيانات
............

يوووووووه زهقتينا




خلاص و الله الزيارة الجاية الوحيدة المختلفة

رابعا PHC center

دي بنروح فيها وحدة صحية أو ما يسمى بالمركز الحضري

قبل الزيارة في

session
اسمها
previsit

الدكتور بيفهمنا فيها ازاي هناخد البيانات من العاملين في الوحدة

و هنتقسم ازاي

و هنشوف ايه
و هنسأل مين


هينورنا يعني و يقوللنا على كل حاجة


بعدها

في يوم الزيارة

و في الوقت المحدد اللي في الجدول

لا بدري ولا متأخر

على عكس أي زيارة من اللي فاتوا اللي ممكن نروحها في أي وقت نحبه المهم قبل الموعد النهائي اللي يحدده ال

leader and MIS

علشان يلحقوا يخلصوا البيانات

هيروح السب جروب كله

اللي هوا

group 1 A

مثلا

مع بعضه للوحدة المطلوب زيارتها

محدش هييجي معاكم

بس هيكون في معيد من القسم مستنيكم هناك

في ناس بتروح مشي علشان الاماكن قريبة

المهم كل فريق مسئول عن نفسه

الوحدات اللي بنزورها

زينهم

أو

أبو السعود

أو

مصر القديمة

كل واحد حسب ما هيتحددله

و دي كانت زيارة زينهم لواحدة من المجموعات

http://www.medadteam...showtopic=12421

باقي حاجة عبيطة كده مش تعتبر زيارة

في
FORM
واحدة في الكتاب اسمها
NUTRITION

كل واحد بيقيس طوله و وزنه و يحسب ال
BMI
و يقيس ال
WAIST CIRCUMFERENCE
بتاعه و يكتبه فيها

بعد هذا الموجز لازم ننبه على أهمية حضور الزيارات لأن حضور الزيارة عليه درجات

طيب و اللي فاته زيارة لعذر قهري

يتكلم مع المدرس المساعد المسئول عن المجموعة بتاعته

و ان شاء الله بيلاقولها حل و بتتعوض بوسيلة أو بأخرى

مش تقلقوا



كمان ملحوظة

الزيارات كلها عدا ال
PHC
بنملا مكانها غالبا محاضرات من الجدول و بنعملها في الوقت اللي يناسبنا


  

[Helen]

الخامس عشر

تسليم الكتاب

وبيتحددله معاد اخر الراوند لان عليه خمس درجات




السادس عشر

  

المسابقة

  

ودي مسابقه بتكون في نهاية الراوند خالص

  

-         ميعادها: بيتحدد في اخر الراوند و بتتبلغوا بيه

    

-         و بيكون عليها: 4 درجات على الحضور فقط

    

-         و بيكون الهدف منها :

  

اولا: مسابقه صغيره على مستوى ال sub teams  أو ال Teams

  

لتحديد احسن واحد و بتكون مواضيع الاسئله محدده و غالبا بتكون نفس المواضيع اللي متحدده لامتحان اخر

  

الراوند عشان الناس تذاكر مره واحده و بيتم اعطاء الفريق الفائز جائزه

  

بس كل الناس اللي حضرت بتاخد 4 درجات بتاعت الحضور بصرف النظر عن الفائز

ثانيا : حفله صغيره للاحتفال بانتهاء الراوند و فيها بيتم تكريم الناس اللي تعبت في الراوند

    

-         المسابقه دي اللي بينظمها و يرتب أمرها

  

Leader of leaders

  

مع مساعدة leaders of the teams

  

وكمان كان فيه

  

Volunteer

  

اللى كانو بيتطوعو للعمل الجماعى طول الراوند

    

من حيث طريقة التنظيم و طريقة الاسئله و طريقة التصحيح و الراقبه على الامتحان و شكل الحفله وايه اللي فيها من اكل أو هدايا او زينه أو........ زي ما يحبوا يعني J

  

و دكاترة القسم لا يتدخلون خالص و بتكون حفله جميله و خفيفه

  

ثانيا:تنسيق المسابقه

  

كل راوند بيبقى ليه تنسيق غير الراواند التانى

  

  

السابع عشر

  

الدروس

  

اولا

  

دكتور عماره

  

1-بينظم المعلومات بطريقه سهله ولطيفه

  

2-أهم حاجه عنده العناوين الرئيسيه

  

3-بيعمل فى كل درس يشرحه خطه ازاى تذاكره

  

المواعيد

  

بيدى اربع حصص لاهالى الراوند

  

منهم حصه بتبقى تلات او اربع ساعات

  

  

الثامن عشر

  

امتحان الاوسبي

  

وده امتحان بيكون في اخر الروند

ميعاده


بيكون متحدد في الجدول بتاع الروند اللي هتجيبوه في الاسبوع اللي قبل الاخير

وبيكون عليه

25 درجه

المواضيع المحدده فيه

ودي بتكون المواضيع اللي بتشرحلكم في محاضرات العملي اثناء الراوند

  

و في نهاية الروند بتنزل الدكتوره مديحه في محاضره مخصوص لتشرح نظام الامتحان و طريقة الحل بس بشكل سريع خالص

  

بس الاهم

  

انها بتقول الاسئله نفسها اللي بتيجي في الامتحان و بتقول الاجابات كمااااااااان يعني مفيش دلع اكتر من كده

  

و بعدان بتنزل في المكتبه اربع نماذج للامتحان اي واحد منهم ممكن يجي لاي مجموعه من السته بنفس

  

الاسئله و بنفس الاجابات اللي هي قلتها

-فأوعى حد ينسى يروح المحاضره دي أو يقول انه ممكن يسمعها في البيت  

  

و يستحسن لو تروح بدري و تقعد قدام عشان تشوف كويس

  

و في حالة ان لو واحد مفهمش طريقة الحل اثناء الراوند أو من الدكتوره مديحه في الاخر

  

يعمل ايه؟

  

بكل بساطه بتفق مع زملائه في التيم بتاعه و يتصلوا بالدكتور المعيد اللي كان بيديهم و يتفقوا معاه على ميعاد يتقبلوا فيه عشان يشرحلهم طريقة الحل

  

و ده حصل مع معظم المجموعات بتاعتنا و الدكاتره كانوا مرحبين جدا و لو الدكتور لاقدر الله مش فاضي ممكن يعدوا مع بعض و يشرحول لبعض

  

يعني الامتحان ببساطه سهل جدا و درجاته مضمونه ان شاء الله و بعض الدكاتره بتتساهل في التصحيح

  

-         طيب المواضيع اللي فيه انا معرفش اذا كانت نفs اللي جتلنا بس غالبا هتكون هي

  

و المواضيع اللي جتلنا كانت :

  

1-Community Need Assessment (CNA)

  

وده بيتشرح في الراوند باستفاضه

  

2-Communication and Health education which includes :

  

School Health, Elderly Health, Family planning and Special need Health

  

وده غالبا بيحتاج قراءه سريعه جدا من كتاب النظري

  

3-Primary Health Care (PHC)

  

وده اسئله عن الوحده الصحيه اجابتها كاملة في كتاب العملي عشان ما تدخش عليها يعني

  

4-Nutrition assessment

  

وده بسيطه جدا و الدكتوره مديحه بتشرح طريقة اجابتها

  

5-Analysis on Non-communicable Diseases or Reproductive Health Data

  

و دي ملهاش دعوه بكتاب النظري خالص بس مجرد تدريب على الanalysis و ده كتير جدا في كتاب العملي

  

هم الخمسه دول المواضيع اللي جتلنا و غالبا هم اللي هيجي لكم بس اسئله مختلفه فيهم

  

و ان شاء الله المتحان سهل خالص و درجاته مضمونه


تم بحمد الله

وكلنا تحت أمركم فى اى استفسار

فى التوبك ده

أستفسارات اهالى الراوند الجديد

وكل الشكر لكل اللى ساهم فى ال
ORENTATION
دى عشان تبقى كده

دكتوره
UMM 7IRAAM


والشكر كمان موجه لزمايلى فى الراواند اللى ساعدونى كتير اوى

سواء فى الراوند

اوفى المعلومات اللى فى ال

ORENTATION

دى

بجد الكوميونتى ده ماده مختلفه تماما

على الرغم من انه متعب فى شغله الا انه
هايخليك تشوف زمايلك
هتكتسب خبارات مابعدها خبرات

هاتحسو روح الجماعه لاول مره فى حياتنا

ياريت بجد نستغل ال8
اسابيع دول ومش نضيعهم



بالتوفيق للجميع








  

  

[Still_Alive]

ربنا يكرمك يا دكتوره على التنظيم الكامل ده و يجعله في ميزان حسناتك

[روضه]

ربنا يكرمك يا دكتورة اسماء
الجدول على ما يبدو انه صعب شوية
بس فى حاجات كتير وضحت الحمد لله

Edited by روضه, 02 December 2009 - 11:33 AM.

[Helen]

Still_Alive, on Dec 1 2009, 11:45 PM, said:

ربنا يكرمك يا دكتوره على التنظيم الكامل ده و يجعله في ميزان حسناتك

جزانا وإياك يا دكتور

وألف شكر على المساعده فى الاورينتاشن وطووووول الراوند



ربنا يجازيك كل خير

روضه, on Dec 2 2009, 12:32 PM, said:

ربنا يكرمك يا دكتورة اسماء
الجدول على ما يبدو انه صعب شوية
بس فى حاجات كتير وضحت الحمد لله

طيب الحمد لله


واحنا تحت أمر حضرتك فى أى استفسار

[dr.ahmed harhash 2020]

شكرااااااااااا جزيلا يا دكتورة اسماء على الشرح الوافى دا

بس شكل الكوميونيتى دا مواااااال كبييير
مالوش علاقة بدراسة الطب

بس شكله برضو هيبقى حاجة ظريفة لكسر الروتين الدراسى الممل

عموما ربنا يعينا

جزاكى الله كل خير

[dr_spider2010]

الف شكر يا دكتوره اسماء ربنا يجازيكى خير ويوفقك
وربنا معانا فى الراوند اللى شكله متعب دا